MWAKA MWINGINE UMETIMIA

                         SIKU YA KUMBUKUMBU YA KUZALIWA KWA DIARY YANGU

Kila mtu huwa na ndoto zake katika maisha, na kama ndoto hizo zingekuwa kweli, sijui dunia hii ingelikuwa wapi.Lakini Mungu aliyetuumba anajua nini kifanyike kwa wakati gani,kwani yeye hana udhaifi wowote wa kibinadamu, atakalo kuwa huwa

 Nilipoanzisha blog hii nilikuwa na ndoto nyingi sana, nikijua kuwa huenda huo ukawa mwanzo wa ile ndoto yangu ya kuandika mambo mengi yanayotokea kila siku, ikiwemo visa ,mikasa, riwaya na mambo ya kielimu, …lakini mengi yamekuwa kama ile ndoto ya Alinacha na siku zikaenda na leo ni siku ile ambayo blog hii iliweza kuonekana hewani kwa mara ya kwanza.

Rejea niliyoandika siku hiyo hewani kwa mara ya kwanza hapa: 

http://miram3.blogspot.com/2009/07/miram3com-mambo-ya-maisha.html

Masiku yanakwenda na siku hizi tunaona kama kasi ya masaa imeongezeka, maana tunaona kama juzi tu, ambapo tulikuwa tukiitwa watoto, ikabadilika na kuitwa vijana taifa la kesho, ambalo siku hizi ni taifa la leo, na baadaye ooh, …nimekuwa mtu mzima, nakimbiliwa nakupokewa mizigo,huku tukiitwa `baba’ au ‘mama’ …ni kama juzi tu, na mara nyingi unaweza usione tofauti, zaidi ya mabadiliko ya sura …hili halikwepeki. Ukubwa, uzee, hauna dawa!

Leo ni siku nyingine ya furaha ya blog hii, wengine huimba na kusema `happy birthday to you’ na sisi waswahili tunasema `hongera ya kumbukumbu ya kuzaliwa’.

Sina mengi ya kuongea kwa leo ,zaidi ya kuwashukuru wote ambao wanapita katika blog hii, na hasa walewanaotoa maoni , kwani kwa kutoa maoni inakuwa kama sehemu ya kuwasiliana, na kujuana vyema.

Mungu awajalie na awape Baraka tele,…

Ni mimi: emu-three