Hii ni blog maalum kwa kumbukumbu za kimaisha, na matukio yenye mafunzo ndani yake, ndio maana nikaiita 'diary'(shajara). Pia tunakaribisha mijadala yenye kuelimisha

Na kwa kuifanya iweze kuvutia zaidi tunaandika matukio hayo kwa mfumo wa visa, hadithi au tamithilya..

Wewe ukiwa mdau muhimu, unaweza kuchangia na wenzako kwa kutoa hoja (comments). Pia unaweza kutoa maneno ya hekima, utaalamu, au dukuduku lako (kilio chako)kwa jamii ili kuweza kukidhi mahitajio yetu.

MUHIMI, SOMA , CHANGIA, NA TOA kisa chako, au lolote lenye mafunzo ili tuliweke hewani.

TUPO PAMOJA DAIMA


Tushirikiane, Tusaidiane, Tupendane, Tuvumiliane, Tusaidiane, Tusameheane.

Kwa visa motomoto tunapatikana pia kwenye mitandao ya kijamii ya: Facebook, na Twitter, bofya hapa upate visa zaidi;

https://www.facebook.com/emu.three, na kwa ajili ya kuitangaza hii blog, ingia hapa:

https://www.facebook.com/diaryyangu/

`u-like' na pia unaweza kutwitter hapa;

https://twitter.com/emuthree



Showing posts with label Jamii na mahusiano-Walemavu. Show all posts
Showing posts with label Jamii na mahusiano-Walemavu. Show all posts

Saturday, March 11, 2017

HAKI YA MTU HAIPOTEI BURE,-3




Nikasogea mezani na kuchukua ile barua, taratibu nikaitoa kwenye bahasha, na maandishi ya kwanza niliyoyaona, ni….’ninasikitika…’ kichwa kikaanza kuuma, nikawa sioni maandishi..mara giza…nilichokumbuka ni kauli …

‘NISAMEHE MAMA, sikufanya makusudi…’, nikazama kwenye giza! Nilipoteza fahamu,………..
Nilijikuta nipo hospitalini…nikatibiwa siku kadhaa baadaye nikatoka, na nilipofika ofisini, kama barua ilivosema, mimi sasa sitakuwa bosi tena, na nafasi yangu ataichukua mwenzangu, na mimi nitakuwa msaidizi wake, ..huku uchunguzi ukiendelea, na ikibainika kuwa ni uzembe wangu, hatua zaidi zitachukuliwa, nikawa sina jinsi ….

Basi siku zikaenda, nikakubaliana na hiyo hali…

 Siku moja narudi nyumbani jioni,  mtoto wangu kipenzi analalamika macho yanamuuma,..hapo nimechoka na kazi za ofisini ambazo zinanichanganya sana bosi wangu ananifanyia vitwimbi, lengo niondoke kabisa…sasa nimerejea nyumbani sijaweka hata mkoba, mtoto analalamika macho, …kwahiyo hilo la mtoto kulalamika macho, nikalidharau tu, na sio kawaida yangu, mimi huwa nawajali sana watoto wangu, lakini siku hiyo nilichoka sana.

Nikajilaza kwenye kochi, kausingizi ka mang’amu ng’amu,…namuona mtoto wangu ananililia anatoa machozi ya damu…ilikuwa ndoto fupi tu, nikafunua macho,..kweli mtoto alikuwa kasimama pembeni ya sofa, analia..macho, mama macho…

Nikamnawisha, na kumweka dawa ya macho, nikijua ni matatizo tu ya kawaida, huenda kaingiwa na michanga…

Inafika usiku mtoto wangu analia,…anasema haoni vizuri..nikaanza kupaniki, hapo sasa nikawa sina ujanja, ikabidi nimkimbize hospitalini usiku huo huo..,..walimuangalia, wakaona hakuna tatizo..akapewa dawa, tukarudi nyumbani akalala hadi asubuhi..nikajua akimuaka atakuwa safi..

Kesho yake mtoto analalamika haoni vizuri…unajua,kuchanganyikiwa… nilianza kuwaza mbali, kwanza kazini kuna matatizo, sasa shida ya mtoto….nilianza kulia, …nililia, nikikumbuka kuwa nina tatizo jingine mimi na mume wangu hatuelewani kabisa, na imefikia kama tumetengana naye, anaishi kwake na mimi kwangu, hapo sina mtu wa kunisaidia…! Utaona umuhimu wa mume kipindi kama hiki cha shida…

Hapa naingia natoka….nifanyeje.

Na siku hiyo kazini kulikuwa na kikao muhimu sana, nikikosa kufika siku hiyo, nitaeleweka vibaya sana,..na huenda nikafukuzwa kazi kwani nimeshaonywa mara nyingi kwa barua, na utakuta makosa yenyewe sio makosa hasa ni uzembe wa watu wengine nabeba mzigo wa lawama mimi,…baadaye sijui kwa vipi…nikakumbuka…

Iilinijia tu kama fikira… , nikamkumbuka yule mama aliyekuja ofisini siku ile,…sijui ilikujaje mpaka nikamkumbuka…,

Unajua nilichofanya, nikasema hayo ya mwanangu namuachia mungu,, nikaondoka kwenda kazini, nikamuachia mfanyakazi wangu maagizo ya kumuhudimia mwanagu,…nikawahi ofisini…, nilipofika ofisini tu.., nikaitafuta ile barua ya yule mama, nikaanza taratibu za kufuatilia kuhakikisha yule mtoto anasoma…nikamwandikisha ‘private candidate…’

Pamoja na kipato changu kidogo… , lakini nilimsomesha huyo mtoto , bila ya hata yeye kujua, au wazazi wake kujua hadi akafikia chuo kikuu…wao wanajua labda ni huduma za hiyo ofisi,…ofisi isingeliweza kumsaidia, kwani alishafeli….mimi nikatumia gharama zangu akasoma hadi chuo kikuu, huko nikamuachia mungu, maana alifanikiwa kuwa miongoni mwa wanafunzi waliopewa mkopo…

Sasa tukirudi kwa mtoto wangu hali ya macho ilimtesa sana..nilihangaika naye, ikafikia sehemu nikakakata tamaa kabisa kabisa.., maana,..alishafikia sehemu haoni, ni kama kipofu…anaona kidogo sana….basi ikawa mimi na ibada tu kumuomba mungu tu…

**********

Siku moja nipo nyumbani mara mtoto wangu anakuja, keshakuwa mkubwa kiasi, yupo kidato cha nne, anakaribia kufanya mitihani…nashangaa mwanangu anafuraha ya ajabu, nikamuuliza ni nini kilichomfurahisha hivyo, maana yeye muda wote ilikuwa kulalamika tu.., kwanini mama, kwanini imekuwa hivyo, ina maana mimi sitaona tena…maneno ya kunitesa tu,..sina la kufanya mimi ni kulia tu.

Sasa leo anakuja na furaha tele,…nikamuuliza ‘mwanangu umefanikiwa nini huko shuleni,..?’

‘Mama mimi naona kabisa…’akasema kwa kujiamini.. na kwa kunihakikishia, akaanza kunisomea kwenye kitabu chenye maandishi ya kawaida,…sikuamini, nikamuuliza imekuwaje…maana kusoma ilibidi atumie lenzi kubwa anaishikilia mkononi ndio asome….

Akasema; Alikuja kijana mmoja, yeye anasoma chuo kikuu, ni mtu wa dini sana, …akasema yeye anaombea watu wenye matatizo ya macho maana hata yeye alitibiwa kwa kuombewa, na alimuomba mungu ampe kipaji hicho cha kuwaombea watu wengine..na kweli mungu akamjalai akapata hicho kipaji, kwahiyo yeye sasa anapita mashuleni kila akipata nafasi,  kuwaombea wenye matatizo kama hayo, ndio kaniombea na mimi nimepona mama…ahsante mungu…’akasema binti yangu.

‘Anaitwa nani…?’ nikamuuliza nikiwa na furaha moyoni, unajua furaha…

Akanitajia jina,…nikamkumbuka yule kijana niliyemsomesha, jina lake ni hilo hilo…nilimwambia mwanangu twende kwa huyo kijana, ..ukumbuke muda huo sijawahi kukutana naye, na wala hajui kuwa mimi nilijitolea kumsomesha hadi akamaliza kidato cha sita…na sikutaka afahamu kabisa, maana nilikuwa nalipa dhambi nilizozifanya..

 Unajua mpaka leo, sijaonana na huyo kijana,  maana alisafiri kwenda nje, kwani alipata msaada zaidi wa kusoma nje, …ila bado natafuta siku nije nionane naye…nina hamu sana ya kumuona, hasa mama yake pia angalau niwaombe msamaha..’ akamaliza.;

‘Kwahiyo hayo yaliyokupata usikate tamaa, mkabidhi mungu, yeye anajua ni kwanini imetokea hiyo, kama wamekufanyia hujuma,…mungu mwenyewe anajua cha kufanya,..muombe mungu tu…na amini nikuambiayo, malipo ni hapa hapa duniani..na kamwe haki ya mtu haipotei bure, hata aweje, hata yule unayemuona hafai, ana haki yake, usiwe wewe ndiwe chanzo cha kumfanya ateseke.....’akamalizia.

WAZO LA LEO: Enyi mlio kwenye madaraka, ogopeni kuwatendea vibaya wenye madhaifu ambayo hawakupenda yawapate,..ogopeni kuidhulumu nafsi ya mja…waja wa mungu nikiwa na maana wale wenye madhaifu ambayo hawakupenda yawapate, ….kuwatendea ubaya watu kama hao, ni madhambi makubwa sana,…na adhabu yake huanzia hapa hapa duniani,…utazaa, au wewe mwenyewe yatakukuta,..timiza wajibu wako, lakini usije kuweka chuki yako kwa waja wa mungu, ogopeni sana dhambi hiyo ya kiburi na dharau…!


NIMEWAKILISHA TUKIO NA UJUMBE HUO
Ni mimi: emu-three

Friday, November 6, 2015

RADHI YA WAZAZI-52



Pamoja na hayo wakili alijitahidi kupeleka maombi kuhusu hiyo kesi akielezea mambo mengi, ikiwemo hali ya afya ya mshitakiwa , na ombi likawa ‘ikiwezekana kesi hiyo iwe ni ya madai tu’ na ikiwezekana kesi hiyo imalizwe nyumbani, lakini hilo halikuwezekana, Na wakili alipokutana na Profesa kuyaeleza hayo akasema;

‘Kwanza waliofanyiwa hivyo, hawajaonyesha ushirikiano, siku ya kusikilizwa ombi letu, walihitajika wawepo, hawakufika,... na hakuna maelezo yoyote kutoka kwao kuwa wamekubali kuwa kesi hiyo imalizwe nyumbani...’akasema wakili

‘Lakini uliongea nao kama nilivyokuomba...?’ akauliza

‘Nilifika nikaongea nao lakini hapo hapo walikataa hilo ombi, nikaona nipeleke ombi hilo kwa hakimu, na nikajua wakitwa kulisikiliza hilo ombi watafika tu, lakini cha ajabu hawakufika kama walivyosema...’akasema wakili

‘Sasa hakimu kwanini hakuwachukulia hatua kukaidi ombi lake...?’ akauliza Profesa

‘Hilo sio ombi la hakimu, hilo ni ombi letu, na nia ni kujenga ushawishi, uelewe hapo, nilitaka wao wakiwepo kuwe na uzito wa kumshawishi hakimu, hakimu asingeliweza kuwaita kwa ombi letu, yeye anasubiria hayo yafanyike mahakamani...na tunachofanya sisi ni kuyamaliza kwanza nje....’akasema wakili huyo

‘Halafu kuna jambo jingine, wameniambia, sasa sijui ni nyie mlifanya hivyo, au wao wameamua kutunga tu....’akasema

‘Jambo gani...?’ akauliza

‘Wanasema wametishiwa amani , eti kuna watu walifika wakatoa vitisho kuwa wasipofuta hiyo kesi nyumba yao itachomwa moto, na mambo mengi tu, sasa sijui ni nani alifanya hivyo...’akasema wakili

‘Hakuna mtu aliyefanya hivyo, wametunga uwongo wao...namfahamu yule anaweza kuzusha mambo tu....’akasema profesa

‘Mimi nilikuwa na ushauri mwingine japo umekuwa ukiukataa, mimi naona sasa ni wakati muafaka wewe kwenda kuonana na wao huenda italeta uzito fulani, ninachotaka ni wao watoe ushirikiano, utakaoweza kumshawishi hakimu akibali ombi letu....’akasema wakili

‘Kwakweli kwa  hivi sasa siwezi kuonana nao, nitazua makubwa zaidi, ....’akasema Profesa

‘Basi kaka yako afanye hivyo, kwa hali yake kwa hivi sasa anaweza kufika huku mjini, au sio afike akawaombe msamaha..huenda itasaidia...’akasema wakili

‘Kaka amesema hawezi kwenda kuwaomba msamaha kwa vile yeye anaona hana kosa....’akasema Profesa

‘Sasa hilo ndilo linaleta utata, maana kama nyie pande mbili hamjaafikiana, mnatarajia nini mbele ya hakimu, yeye ataliona hilo ombi ni muafaka kama nyote mumeafikiana,, mimi inaniwia vigumu sana, ...’akasema

‘Mhh, kiukweli ni jambo lenye utata, na najaribu kukwepa maafa zaidi....’akasema Profesa

‘Basi ....iliyobakia tusubirie mahakamani...’akasema wakili

Kisa kinaendelea

*********

Siku kabla ya kesi mama mmoja alifka kwenye nyumba ambayo wanaishi watu hao waliofanyiwa fujo, mama huyo akiwa na binti mdogo anayemuongoza akagonga mlango na mlinzi akajitokeza na kuuliza

‘Nyie nani na mnataka nini....?’

‘Mimi naomba kuonana na mwenye nyumba hii....’huyo mama akasema

Yule mlinzi akamuangalia huyo mama, na huyo binti ambaye alikuwa naye, halafu akasema

‘Mna shida gani na mwenye nyumba....?’ akauliza

‘Nataka kuongea naye kuhusu kesi iliyopo mahakamani....’akasema huyo mama

‘Jamani mumeshaambiwa kesi hiyo ipo mahakamani hakuna lolote linaloweza kufanyika kwa hivi sasa, ...wewe wataka kuongea nini zaidi na mwenyenyumba kama unataka kuongelea hiyo kesi nenda mahakamani....’akasema mlinzi

‘Mimi ninataka kuongea na huyo mtu, kwanza nataka nimuone,...ninahisi namfahamu tafadhali kabla mambo hayajaharibika nataka nionane naye......’akasema na mara mwenye nyumba akatokea

Kumbe kwa muda huo mwenye nyumba alikiuwa akitembea tembea nje kunyosha miguu na ndio akasikia mlinzi akiongea na hao wageni, akaona afike kuona ni akina nani
Akasogea hadi pale mlangoni, ndipo akamuona huyo mama akiwa na binti, wakiongea na mlinzi

Ni nani hao na wanataka nini....?’ akauliza

Na yule mama aliposikia sauti ya kiume , maana huyo mama haoni vizuri, akashtuka, akageuka kuelekea kule sauti ilipotokea, akasema

‘sio wewe kweli,....’akasema huyu mama akitaka kusogea lakini mlinzi akamzuia

‘Sio wewe maana yake nini, wewe mama unataka nini...?’ akaulizwa na mlinzi

‘Ndio wewe nimekutafuta na sasa nimekuona, mungu wangu, ndio wewe, ndio wewe kabisa, nahisi sauti yako moyoni mwangu....’akasema huyo mama

‘Wewe mama vipi umechanganyikiwa nini....’akasema mlinzi na yule mwenye nyumba akawa kasimama kaduwaa akawa anamuangalia huyo mama, halafu akageuka kuondoka.

‘Waondoke zao,mimi siwajui...’akasema mwenye nyumba, na huku nyuma yule mama akawa 
anaongea

‘Ndio wewe, nilikuota jana kuwa umekuja upo hapa kwenye nyumba nzuri...., ndio wewe kabisa, ngoja nisogee nikuguse nihakikishe....’yule mama akasema na wakati huo huyo mwenye nyumba alishaondoka, na aliyemjibu ni mlinzi akasema

‘Wewe mama mwenye nyumba hakutambui, kasema muondokei, ....’akasema

‘Kwani wewe mama una shida gani,....?.’akasema mlinzi

‘Shida gani nyingine niliyo nayo mimi, jiulize kwanini nitokea kote huko nije mpaka hapa, huyo binti hajui lolote nimeongozwa na hisia zangu hadi nikafika hapa, ..namtaka huyo niongee naye nahisi you matatani, .....’akasema huyo mama

‘Ujanja wenu huo ...mnatumia ujanja wa kuja hapa kuomba omba,leo mwenye nyumba hana pesa za kutoa , ...kwahiyo ondokeni hapa la sivyo mtakwenda kulala jela,,,,.’akasema huyo mlinzi na kufunga mlango

***********

Mwenye nyumba akarudi ndani akawa anaongea na mkewe

‘Unajua kuna mama mmoja kafika hapo getini akawa anaongea maneno ya ajabu, eti anasema ndio wewe, nilikuota,...’akasema huku akicheke kwa dharau, na mkewe akashituka na kugeuka kumuangalia

‘Mhh...kwanini asema hivyo, ulimuuliza aliota nini, na huyo mama katokea wapi,i?’ akauliza mkewe

‘Ndivyo walivyo watu wa huku, wanaweza kutumia kila mbinu kutafuta misaada, mimi simjui kabisa huyo mama, halafu nashangaa ....huyu mama , lakini sio yeye, kipindi hicho nilikuwa mdogo, huyu mama ni mzee zaidi, na cha ajabu anaonekana haoni, ndio hapo naona ajabu, alitambuaje,....’akasema akibenua mdomo kwa dharau

‘Kwanini unasema haoni?’ akauliza mkewe akionyesha uso wa huruma

‘Anaongozwa na binti mdogo kashikwa mikono....’akasema

‘Jamani sasa kwanini usingelimkaribisha ukampa chochote,,...nahisi alikuwa anahitajia msaada, tatizo la nchi yenu hakuna taratibu za kuwasaidia watu kama hao wasiojiweza, inabidi nyie raia musaidie...’akasema mkewe

‘Nimechoka na hawa watu ,...kila siku anakuja huyu mara yule wote wanaomba omba, tutapatia wapi pesa za kutoa kila mara, achana na hao watu kabisa....’akasema

‘Lakini nikuulize je yeye alisema amekuja kwa nia ya kuomba msaada au alikuja kwa swala gani?’ akauliza mkewe

‘Nilisikia akimwambia mlinzi eti amekuja kuhusiana na hiyo kesi, nikajua huenda ni mke wa yule mshitakiwa, nikawa na hamasa ya kumuona huyo mwanamke yupoje...., na nilipofika tu, huyo mama akashikwa na kitu kama mshituko aliposikia sauti yangu ndio akasema maneno hayo:

‘Ni wewe....ni wewe,...nilijua tu,..ni wewe nilikuota....alikuwa anaongea kwa hisia za ajabu, nikahisi amechanganyikiwa.....’

‘Kuna jambo hapo, huenda kweli ni mke wa mshitakiwa huyo, lakini huyo mshitakiwa yeye siku ile hukumtambua vyema ni nani......?’ akauliza

‘Hatukuweza kuongea zaidi, yeye alidai kuwa yule mtu anayejiita Profesa ...kama hivyo, maana sijawa na uhakika, eti alikuwa ni ndugu yake, aliyepotea....na kwa hali ilivyokuwa, sikuwa na muda wa kumtambua vyema yeye ni nani.....hata wewe ungekuwepo, ukashikwa na hasira,...kamuumiza mlinzi na bado analeta kiburi, ...nikampa kichapo, nahisi nilimvunja mbavu, maana ni mbishi hasikii, ....’akasema

‘Hapo na wewe ulifanya kosa ...’akasema huyo mkewe

‘Kwa hali kama ile ungelifanya nini, ni mbishi, lakini alichokipata sasa atakuwa keshajifunza adabu, hii mijitu ni sugu kweli hata ukipiga haiskii kipigo....’akasema

‘Kama huyo mama anadai kuwa alikuota....mmh, kuna kitu hapa...tatizo wewe hujataka kulichunguza hili swala kwa undani zaidi, nahisi hawa watu wanaweza kuwa wanandugu wa marehemu...?’’akasema mkewe

‘Hahahaha....ungeliona sura ya huyo baba, ..hahaha sura mbaya, jitu jeusi, sijui wanaweza kuwa na ndugu naye, sasa kwanini niwachunguze ili iweje....labda kama ni ndugu zake marehemu naweza kukumbuka aliwahi kuja mzee mmoja mimi nikiwa mdogo, akaai yeye ni baba yangu, siwezi kujua kama ndio yeye au la,....’akasema

‘Lakini mimi ninahisi hii kesi inaweza kuzua mambo mengine ....kwanini tusisaidie hii kesi iishe, tuachane na hawa watu kwa amani....’akasema huyo mkewe

‘Unanishangaza kweli mwenyewe ulisema umechoka na huo usumbufu wao, jinsi wanavyokuja hapa mara kwa mara, dawa yao ndio hiyo, akifungwa mtu mmoja watakaoma kabisa kuja hapa tena, lakini kama hakutafanyika jambo la fundisho, kila siku utakuwa ukipokea wageni hapa. 

Hawa watu hawataki kufanya kazi , wao kuomba omba tu....’akasema

‘Mhh, kweli watu wenu wamezidi,....kuomba omba, halafu wanakuja kwenye makazi ya watu, bila hata taarifa, hawajali muda,..kweli nimechoka na usumbufu wao,’akasema mke mtu

‘Ndio maana nataka wahukumiwe iwe ni fundisho kwao....’akasema

‘Na kama ni kesi huwezi kukwepa kwenda mahakamani..kama ukiitwa utafanyaje...?’ akauliza mkewe

‘Mimi siendi.....na yule wakili wao akija hapa sitaki kuongea naye tena.....’akasema

‘Ili kulimaliza hili inatakiwa utoe ushahidi kuwa watu hawa ni wakorofi....’akasema mkewe

‘Kama wewe una muda wa kufuatilia mambo hayo nenda, mimi sina muda huo, kwanza sasa hivi tunafunga mahesabu ya mwaka huko kazini ,, ..leo tu nilitakiwa nifike , nimeomba ruhusa tu, nilitakiwa niwepo huko, baaaye nitaondoka, sijui wewe.....’akasema

‘Hata sisi ni hivyo hivyo....ila leo mimi napumzika siendi huko kazini....’akasema mkewe

‘Unaona eeh, sasa kwanini tupoteze muda na mambo hayo ya kujitakia, waache wenyewe mahakama na hakimu wao, wataamua , hiyo kesi ipo mahakamani, na kama nitasikia hakimu kawasamehe nitaona ajabu kweli, ndio nitajua hawa watu hawafuatii sheria,...’akasema

‘Kwanini....ina maana unataka wahukumiwe wafungwe?’ akauliza mkewe

‘Wewe unaona walichokifanya ni sahihi, mtu afike kwenye nyumba ya watu alete vurugu, ampige mlinzi ..wewe unaona hiyo ni sahihi kweli ?, kama ingekuwa huko ulaya unafikiri ingekuwaje...?’ akauliza kwa msisitizo.

‘Kiukweli walichokifanya sio sahihi,....lakini mpaka sasa najiuliza kwanini hayo yote yatokee,’akasema mkewe

‘Ni wahuni tu....’akasema mumewe

‘Lakini nikuulize kitu, yule mtu aliyekuja na kujiita Profesa, kweli sio ndugu wa yule marehemu,...mimi bado naliwazia hilo, japokuwa nilipompigia mama alisema yule Profesa alifariki, yeye ana uhakika huo,...’akasema

‘Sasa una wasiwasi gani naye...’akauliza mumewe

‘Wanafanana sana.....nilimwambia mama akasema yule mtu asingeliweza kupona, na aliwasiliana na watu anaowafahamu huku, wakamthibitishia hivyo,... ila mimi nahisi kuwa huyu, anaweza kuwa ni ndugu yake,maana wanafanana kweli kweli...hivi kwanini wewe ..haujalifuatilia hilo kuwafahamu hao watu vyema....?’ akauliza

‘Sina muda huo kabisa...na kama ni hiyo familia sitaki kabida kujuana nayo, na huyu mzee, mmmh, labda ndio yeye,aliyekuja kipindi kile nikiwa mdogo, na kama ni yeye, .....sitaki kabisa kufahamiana naye...’akatulia

‘Unakumbuka nini ulipokuwa mdogo, huyo mzee alikuwaje, kwanini hutak ufahamiane naye...?.’akauliza mkewe, na mara simu ya huyo jamaa ikalia, na alipoangalia akaona ni namba ngeni kwenye simu yake,akaipokea,

‘Halooh ni nani mwenzangu, ....’akasema na akawa anasikiliza kwa muda halafu akasema

‘Kwa kweli mimi sina muda wa kufika mahakamani, nawaambia hivi, nyie mnafahamu sheria si ndio..., na mahakama ndio mwamuzi au sio, basi sheria ifuate mkondo wake, ....nyie ongeeni ilivyokuwa na  hukumu itolewe kwani kuna tatizo gani,... lakini mimi siwezi kufika huko kabisa, ....’akasema akatulia kusikiliza , halafu akasema

‘Mimi nitaona ajabu sana,....’akasema na kutilia akisikiliza na baadaye akasema

‘Ni kweli alikuja mtu hapa akisema yeye ni wakili, amekuja kuleta maombi ya mshitakiwa, kiukweli sikuweza kukubaliana na hayo maombi yake, kwa vile hayana msingi,...’akasema na kutulia kusikiliza

‘Hapana....siwezi kukubaliana na hilo ombi lao, kwa vile kweli alileta vurugu, alimuumiza mlinzi wangu,kama nitakualiana na hilo ombi, watakuwa wanakuja tena na tena,mimi naona ni bora adhabu itolewe ili iwe ni fundisho, lakini zaidi ya hayo kiukweli nimechoka na hao watu.....’akasema na kusikiliza

‘Ndio alisema ni wakili wao...’akasema na kutulia

‘Unaona eeh,kama wamefikia kutafuta wakili basi ujue wamejiamini,....sasa mimi nifanyeje....?’akasema na kuuliza, akawa anasikiliza kwa muda halafu akasema

‘Muda, sina .....ooh,.....nilishawaambia mimi sina muda wa kufika huko, ....’akasema na baadaye akamaliza kuongea na hiyo simu na kukaa kimia, mkewe akawa anasubiria kusikia ni nini mumewe aliambiwa kwenye simu.

‘Huyo ni muendesha mashitaka anasema natakiwa niwemo mahakamani kutoa ushahidi siku ya hiyo kesi...’akasema

‘Nilijua tu,...sasa itakuwaje...?’ akauliza mkewe na mumewe akajipiga na mikono kama kukata tamaa, halafu akasema;

‘Anasema kuna barua italetwa ya mahakama, ni lazima niwepo,...’akasema

‘Kwahiyo ni lazima uende,.....hao umepatikana, sasa utafanyaje...’akasema mkewe na jamaa akatulia akiwaza jambo, baadaye akasema

‘Nitaangalia.....’akatulia akiwa anawaza jambo, na mkewe akataka kuongea jambo, lakini 
kabla hajasema neno mara mlinzi akagonga mlango na kusema

‘Kuna mgeni getini anataka kuja kuongea na wewe.....’akasema mlinzi

‘Ni nani tena, si nilishakuambia......?’akauliza mwenye nyumba na kabla hajamaliza, sauti ikasema kwa nje...

‘Ni mimi.....’ mlinzi aligeuka nyuma kwa mshituko


WAZO LA LEO: Kusameheana ni jambo jema na lenye busara,na hujenga upendo na mshikamano wa dhati,... lakini tabia ya kusamehe ianzie moyoni mwa mtu kwanza, uwe nayo katika maisha yako, kwani huwezi kutazamia kusamehewa, kama wewe mwenyewe huna tabia ya kusamehe. Usitarajia kutendewa mema kama wewe sio mtenda mema, ....kumbuka mwenye tabia ya kusamehe naye husamehewa.

Ni mimi: emu-three

Friday, June 5, 2015

Radhi ya wazazi- utangulizi

‘Mnamuona Yule mama kipofu aliyeongozana na Watoto wake watatu, anaishi karibu na nyumba yangu, ni kipofu wa maajabu’ Aliongea mama mmoja na kwa yale Maneno ilibidi kila mmoja ageuze shingo kumwangalie huyo mama, ambaye alikuwa kamshika mtoto mmoja bega kwa ajili ya kumuongoza na mwingine kamshika mkono, Yule mkubwa alikuwa mbele akiomba kwenye magari yaliyosimama foleni.


‘Maajabu yake ni nini, mbona hatuyaoni, zaidi ya huo upofu  wake‘ akauliza kondakta wa lile daladala.

‘Yule mama anawafahamu Watoto wake hadi sura, ukimuuliza mtoto wake anafanana vipi atakuambia kila kitu kama vile amewahi kuwaona kwa macho’ akasema Yule mama aliyekuwa akituhadithia hiki kisa.

‘Inawezekana alikutwa upofu ukubwai , na pia si amewabeba tagia wakiwa wadogo kwahiy atawajua kwa kupapasa, na watu wakija siwanamuambia kuwa mwano yupoje, mweupe au mweusi mbona hiyo raisi, hayo sio maajabu bwana ’ akasema jamaa mwingine.

‘Basi huyo mama anawajua Watoto wake vizuri ajabu, wakati wakiwa wadogo hadi sasa, kwa mfano ukimleta mtoto aliye sawa na Watoto wake bila wao kutoa sauti atakuambia huyu ni mwanangu na huyu sio mtoto wangu, na sio lazima awashike na mkono. Hali hii mwanzoni tulizania labda anaona kwa mbali lakini haoni kabisa’ akasema Yule mama.

‘Wakati mwingine tulikuwa tukimchezea, tunawachukua Watoto wengine na kuwaficha Watoto wake lakini alikuwa akigundua kuwa huyo sio mwanangu, na hakosei kabisa. Lakini vitu vingine anakosea, hayo sio maajabu jamani, na kama mnabisha siku moja mjaribuni’ akasema yuile mama.

Mimi nilisema kimoyomoyo, huo ni uasili wa mzazi kwa mtoto wake(parental care), kwani hata wanyama kama kuku anagundua kuwa huyu ni mwanae na Yule sio mtoto wake, hata wakiwa wamechangayika katika makundi ya vifaranga vingine. Huyo kuwa kipofu sio kwamba amenyimwa hisia za mzazi kwa mwanae, hizo hisia ni za asili amepewa kila mtu, na ukiona mtu anajifanya kinyume chake ni kujisingizia tu, au ana ubinafsi Fulani.

Nilikumbuka mtoto mmoja ambaye baada ya kufadhiliwa na kupata elimu alimkana mama yake kuwa hamjui kwasbabu ni kipofu na masikini. Alipomaliza elimu alibahatika kupata kazi nzuri, na baadaye akajenga nyumba na kuoa mke mrembo mwenye kuchanganya damu ya kizungu na kiafriika, baba mzungu na mama mwafrika.

Aliifunga ndoa hiyo akiwa bado anaishi Ulaya, na hata wakati alipoulizwa wazazi wake ni nani na wapo wapii alidai kuwa hana wazazi na wazazi wote walishakufa. Hakuhangaika sana kumtafuta mama yake licha ya kujua kuwa alimuacha mama yake kijijini akihifadhiwa na jamaa ambao hata hawana udugu naye.

Aliporudi Bongo na kutulia na mkewe katika jumba la kifahari alilojenga , Jamaa wanaomjua wakaja kumshauri amchukue mama yake aishi naye, kutokana na hali yake kuwa sasa ana uwezo na mama yake anaishia kuombaomba. Akasema yeye hana mama, na anavyojua yeye mama yake alishafariki. Alisema hivyo lakini alikuwa anajua wazi mama yake yupo hai lakini kutokana na ile hali aliyo nayo mama yake aliona kwake ni aibu kumtambulisha kwa wakwe zake na mkewe wa kizungu na huko alishajitambulisha hivyo kuwa hana wazazi.

Mama yake aliamua kuja kumtembelea baada ya kusikia kuwa mwanae anasema kuwa yeye hayupo hai. Alifika kwake kwa msaada wa watu ambao walikuwa wakimsaidia huko kijijini. Walipofika hawakuruhusiwa kufunguliwa geti la nyumba, na hata Yule mtoto alipoambiwa kuwa aliyekuwepo nje amejitambulisha kama mama yake mzazi.

‘Nilishasema mama yangu hayupo hai, huyo anawezi kuwa mama yangu, hebu niangalieni sura yangu na yake zinafanana kweli’ akasema kwa hasira na askari kama ujuavyo, wakatii amri ya bosi wake wakamfukuza huyo mama na msindikizaji wake.

Yule mama hakukubali kuondoka akasema haondoki atakaa hapo nje hadi mwanae amchukue, lakini hakuruhusiwa na walinzi. Ikiwa kila siku Yule mama anakuja pale getini kuomba angalau aonane na mwanae amsikie mwenyewe kwa kimywa chake akimkata.

 Na Yule mtoto alipoambiwa hivyo akaja kweli na kumwambia mbele yake kuwa yeye sio mwanae labda kakosea na huenda kwa vile kasikia kuwa yeye ana nyumba na hali nzuri ndio maana anatafuta mtu wa kumsaidia, akatoa shilingi elifu kumi akasema chukua hiyo iwe nauli urudi kwenu kijijini mimi sina mama kama wewe.

Yule mama aliposikia vile akageuka na kuondoka, na hakuwahi kuonekana tena,

Siku chache baadaye jamaa alianza kuchanganyikiwa na hata baada ya tiba za kila namana jamaa hakupona na hatimaye akawa kichaa wa kufungwa kamba, na mara macho yakaanza kupoteza nuru na hatimaye akawa haoni kabisa akawa kipofu. Kila mara akawa akimtaja mama yake kuwa anamuona mbele yake. Juhudi za kumtafuta mama yake hazikufanikiwa kwani alipotoka pale hakurudi kijijini na hakuna anayejua wapi mama huyo alipokwenda.

Hii ni radhi ya wazazi, radhi ya wazazi haikopeshi, akisononeka mzazi , wewe mtoto upo hatiani hapa duniani na mbele ya muumba, ndio maana hata akiwa kipofu anaijua damu yake, kuwa huyu ni mwanangu na Yule si wangu, hiyo sio ajabu, sasa wewe unayemkataa mzazi wako ulizaliwa kutoka wapi!

Tuwapendeni sana wazazi wetu kwani bila mama kuvumilia miezi tisa na pengine kuwalea kwa shida usingekuwa unatamba hapa duniani. Hiki ni kisa kingine ambacho nikiwazia pindi nikipata wafadhili na mahali pa kujishikiza mugu akipenda tutakiandaa, na jina tutakiita `radhi ya wazazi' kuna visa vingi vipo kwa ajili ya kuviendeleza, na vyote via mafunzo kwa jamii, lakii ndio hivyo, tuombe mungu

Ni mimi: emu-three

RADHI YA WAZAZI-UTANGULIZI

‘Mnamuona Yule mama kipofu aliyeongozana na Watoto wake watatu, anaishi karibu na nyumba yangu, ni kipofu wa maajabu’ Aliongea mama mmoja na kwa yale Maneno ilibidi kila mmoja ageuze shingo kumwangalie huyo mama, ambaye alikuwa kamshika mtoto mmoja bega kwa ajili ya kumuongoza na mwingine kamshika mkono, Yule mkubwa alikuwa mbele akiomba kwenye magari yaliyosimama foleni.


‘Maajabu yake ni nini, mbona hatuyaoni, zaidi ya huo upofu  wake‘ akauliza kondakta wa lile daladala.

‘Yule mama anawafahamu Watoto wake hadi sura, ukimuuliza mtoto wake anafanana vipi atakuambia kila kitu kama vile amewahi kuwaona kwa macho’ akasema Yule mama aliyekuwa akituhadithia hiki kisa.

‘Inawezekana alikutwa upofu ukubwai , na pia si amewabeba tagia wakiwa wadogo kwahiy atawajua kwa kupapasa, na watu wakija siwanamuambia kuwa mwano yupoje, mweupe au mweusi mbona hiyo raisi, hayo sio maajabu bwana ’ akasema jamaa mwingine.

‘Basi huyo mama anawajua Watoto wake vizuri ajabu, wakati wakiwa wadogo hadi sasa, kwa mfano ukimleta mtoto aliye sawa na Watoto wake bila wao kutoa sauti atakuambia huyu ni mwanangu na huyu sio mtoto wangu, na sio lazima awashike na mkono. Hali hii mwanzoni tulizania labda anaona kwa mbali lakini haoni kabisa’ akasema Yule mama.

‘Wakati mwingine tulikuwa tukimchezea, tunawachukua Watoto wengine na kuwaficha Watoto wake lakini alikuwa akigundua kuwa huyo sio mwanangu, na hakosei kabisa. Lakini vitu vingine anakosea, hayo sio maajabu jamani, na kama mnabisha siku moja mjaribuni’ akasema yuile mama.

Mimi nilisema kimoyomoyo, huo ni uasili wa mzazi kwa mtoto wake(parental care), kwani hata wanyama kama kuku anagundua kuwa huyu ni mwanae na Yule sio mtoto wake, hata wakiwa wamechangayika katika makundi ya vifaranga vingine. Huyo kuwa kipofu sio kwamba amenyimwa hisia za mzazi kwa mwanae, hizo hisia ni za asili amepewa kila mtu, na ukiona mtu anajifanya kinyume chake ni kujisingizia tu, au ana ubinafsi Fulani.

Nilikumbuka mtoto mmoja ambaye baada ya kufadhiliwa na kupata elimu alimkana mama yake kuwa hamjui kwasbabu ni kipofu na masikini. Alipomaliza elimu alibahatika kupata kazi nzuri, na baadaye akajenga nyumba na kuoa mke mrembo mwenye kuchanganya damu ya kizungu na kiafriika, baba mzungu na mama mwafrika.

Aliifunga ndoa hiyo akiwa bado anaishi Ulaya, na hata wakati alipoulizwa wazazi wake ni nani na wapo wapii alidai kuwa hana wazazi na wazazi wote walishakufa. Hakuhangaika sana kumtafuta mama yake licha ya kujua kuwa alimuacha mama yake kijijini akihifadhiwa na jamaa ambao hata hawana udugu naye.

Aliporudi Bongo na kutulia na mkewe katika jumba la kifahari alilojenga , Jamaa wanaomjua wakaja kumshauri amchukue mama yake aishi naye, kutokana na hali yake kuwa sasa ana uwezo na mama yake anaishia kuombaomba. Akasema yeye hana mama, na anavyojua yeye mama yake alishafariki. Alisema hivyo lakini alikuwa anajua wazi mama yake yupo hai lakini kutokana na ile hali aliyo nayo mama yake aliona kwake ni aibu kumtambulisha kwa wakwe zake na mkewe wa kizungu na huko alishajitambulisha hivyo kuwa hana wazazi.

Mama yake aliamua kuja kumtembelea baada ya kusikia kuwa mwanae anasema kuwa yeye hayupo hai. Alifika kwake kwa msaada wa watu ambao walikuwa wakimsaidia huko kijijini. Walipofika hawakuruhusiwa kufunguliwa geti la nyumba, na hata Yule mtoto alipoambiwa kuwa aliyekuwepo nje amejitambulisha kama mama yake mzazi.

‘Nilishasema mama yangu hayupo hai, huyo anawezi kuwa mama yangu, hebu niangalieni sura yangu na yake zinafanana kweli’ akasema kwa hasira na askari kama ujuavyo, wakatii amri ya bosi wake wakamfukuza huyo mama na msindikizaji wake.

Yule mama hakukubali kuondoka akasema haondoki atakaa hapo nje hadi mwanae amchukue, lakini hakuruhusiwa na walinzi. Ikiwa kila siku Yule mama anakuja pale getini kuomba angalau aonane na mwanae amsikie mwenyewe kwa kimywa chake akimkata.

 Na Yule mtoto alipoambiwa hivyo akaja kweli na kumwambia mbele yake kuwa yeye sio mwanae labda kakosea na huenda kwa vile kasikia kuwa yeye ana nyumba na hali nzuri ndio maana anatafuta mtu wa kumsaidia, akatoa shilingi elifu kumi akasema chukua hiyo iwe nauli urudi kwenu kijijini mimi sina mama kama wewe.

Yule mama aliposikia vile akageuka na kuondoka, na hakuwahi kuonekana tena,

Siku chache baadaye jamaa alianza kuchanganyikiwa na hata baada ya tiba za kila namana jamaa hakupona na hatimaye akawa kichaa wa kufungwa kamba, na mara macho yakaanza kupoteza nuru na hatimaye akawa haoni kabisa akawa kipofu. Kila mara akawa akimtaja mama yake kuwa anamuona mbele yake. Juhudi za kumtafuta mama yake hazikufanikiwa kwani alipotoka pale hakurudi kijijini na hakuna anayejua wapi mama huyo alipokwenda.

Hii ni radhi ya wazazi, radhi ya wazazi haikopeshi, akisononeka mzazi , wewe mtoto upo hatiani hapa duniani na mbele ya muumba, ndio maana hata akiwa kipofu anaijua damu yake, kuwa huyu ni mwanangu na Yule si wangu, hiyo sio ajabu, sasa wewe unayemkataa mzazi wako ulizaliwa kutoka wapi!

Tuwapendeni sana wazazi wetu kwani bila mama kuvumilia miezi tisa na pengine kuwalea kwa shida usingekuwa unatamba hapa duniani. Hiki ni kisa kingine ambacho nikiwazia pindi nikipata wafadhili na mahali pa kujishikiza mugu akipenda tutakiandaa, na jina tutakiita `radhi ya wazazi' kuna visa vingi vipo kwa ajili ya kuviendeleza, na vyote via mafunzo kwa jamii, lakii ndio hivyo, tuombe mungu

Ni mimi: emu-three

Tuesday, May 26, 2015

NANI KAMA MAMA-82



‘Mwanangu safari yangu ya kwenda kutibiwa India ilinijia kwenye ndoto,  siku ile nilipokuwa nimezirai sijitambui, na kila hatua ilijionyesha wazi ndani ya ndoto, na kama ningekuwa najua kuwa ni kweli ningeliwaambia kuwa msiwe na wasiwasi, lakini sikuwa na uhakika nini tafsiri ya ile ndoto, kwani nilikuwa nusu mfu.

‘Mama hata siamini...nisamehe mama nilikusahau kabisa....’nikasema huku tukiwa tumekaa ndani na muda huo yule docta aliaga akasema anaondoka kuwajibika ila atarudi tena kuona kama kila kitu kipo shwari…

‘Najua mna hamu sana ya kuongea mengi , kwa ratiba yangu mimi hapa tumemalizana mimi nahitajika kazini, kwahiyo sijui mama unasemaje…najua dereva wako atajua jinsi gani ya kukurudisha nyumbani kwako... au bado unanihitajia, maana uliniogopesha...?’ akauliza docta

‘Mhh, ilimradi nimemuona mwanangu , sina shaka tena...dereva wangu atajua jinsi gani ya kunirudisha nyumbani kiliniki kwangu..’akasema mama

‘Kilini kwako, ina maana mama bado unatibiwa...?’ nikauliza kwa mshangao

‘Mama yako kaniambia ana kliniki yake ya kuwahudumia wagonjwa wanaosumbuliwa na maumivi ya kichwa, kuumwa na kichwa kusikosikia dawa, unakunywa dawa kinatulia, bado kinarudia tena..au kuna watu wanasema wana changanyikiwa kama mashetani, mama yako kwa mkono wake anaombea kinapona...kiufupi mama yako ana utaalmu fulani anaufahamu yeye mwenyewe..'akasema docta

Nikaguka kumuangalia mama na jinsi alivyovaa, nikajaribu kukumbuka vile alivyokuwa akijifunika, ..japokuwa kiukweli alifunika kichwa, ila sasa hivi hajajifunika usoni, na docta akazidi kuongea;

'Na nimefurahi sana, maana mama yako kaniambia ana nyumba yake ambapo ndipo anapoishi kwa sasa....ila nimemwambia sikuchukua maana upo kwa mtu ambaye alichukua dhamana na wewe inabidi umsubirie huyo mtu kwanza ili muongee naye. Ili kujua kama kuna madai yoyote, huo ndio ubinadamu na ndivyo tulivyokubaliana...au sio mama....’akasema

‘Kuna madeni!?, …mmm sasa nitatoa wapi pesa za kumlipia maana wao walinichukua sijijui, nilikuwa sikumbuki kitu mama, lakini hakuwahi kuniambia kuwa nadaiwa, au ananitibu kwa mkopo….’nikasema

‘Usijali mwanangu kama kuna madeni yatalipwa..mimi mama yako nipo kwa uwezo wa muumba kila kitu kitakwenda vyema…’akasema mama, huku nikimuangalia mama bila kummaliza, hivi ni yule mama aliyekuwa omba omba….siamini

‘Sasa mlijuaje kuwa mimi nipo hapa...?’ nikauliza kwa mshangao na docta akasimama na kusema

‘Yote atakusimulia mama yakom maana kanitoa kazini kwangu kama vile nadaiwa,... ngoja mimi niwaache..’akasema docta na kuondoka.

‘Nashukuru sana docta nisamehe, lakini sikuwa na jinsi nyingine..'akasema mama, na docta akaaga na kuondoka, tukabakia na mama, na mama aksema

'Mwanagu tulihangaika sana kukutafuta unajau nilirudi sasa ni nina miezi mitatu, tumehangaika mpaka nimeenda kijijini, nikarudi, tukatfuta kila sehemu, hata wenzangu wakafikia kusema umeshakufa, nikawaambia mwanangu hajafa yupo hai, ila sijui wapi ulipo na hilo limfanyika kwa matakwa ya mungu...'akasema mama

'Poleni sana, ni kwasababu mimi nimekuwa mtu wa ndani,..nilikuwa siwezi kutembea, ila leo uliponiombea naweza...sijui kama nitashindwa, si umeona pale nimeweza kusimama kidogo...na mwili uliokuwa hauna nguvu sasa una nguvu, ...miguu sasa naweza kunyosha si unaona...

'Pole sana mwanangu, kukupata wewe ni baada ya kufika hapo muhimbili, na kukutana na huyo dakitari ….’akasema

‘Mlikuwa  na nani….?’ Nikauliza

‘Na wafanyakazi wangu , na docta mwingine ambaye alinisaidia kipindi kile cha mwanzo, lakini badaye akakkata tamaa, na ila alipokuja jana akasema tujaribu kuulizia Muhimbili, hatukuwa na wazo hilo kabla, limekuja tu na kumbe ndio ikawa sababu ya kukupata wewe, tuliwahi kufika kipindi cha mwanzo hapo muhimbili tukauliza , huyo tuliyemuuliza alisema hakuna taarifa yoyote ya mtu kama wewe, nahisi hakutaka kutusaidia, lakini safari hii docta akakutana na madocta wenzake, akawaelezea, na ndipo akatokea huyo docta akasema anakumbuka kumuhudmia mtu kama huyo... ..’akasema mama

‘Mwanangu nilishaota ndoto kuwa nisipokupata leo nitakukuta maiti….kwahiyo nilikuwa kama nimechanganyikiwa, na hata nilipofika hapo Muhimbili nikamkuta huyu docta akiwa na kazi zake, aliponiambia tu kuwa kuna mtu kama huyo aliwahi kulazwa hapo, akamuhudumia yeye , nikamwambia;

‘Naomba unipeleke nikamuonea haraka…’nikasema

‘Lakini mama mimi nipo kazini ziwezi kutoka hapa labda nikupe mawasialiano ya mtu ambaye ninamfahamu ambaye alimchukua na akasema atakuwa naye ..huyo mtu ana kiliniki yake ya ‘physiotherapy’, …ni rahisi kufika kwake’akasema mama

‘Nataka wewe unipeleke mguu kwa mguu na usipofanya hivyo kama mtoto wangu akifa na wewe utakufa…’nilimwambia hivyo na akaogopa, akasema;

‘Haya mama ngoja niage wenzangu,...' na kweli akawaaga wenzake na akawasiliana na huyo mtu aliyekufadhili, yeye yupo safarini lakini alisema kuna mdada anakusaidia hapo tunaweza kumkuta lakini kama huyo mdada hayupo, maana huyo mdada ana kazi zake nyingine, anafika hapo kusaidia tu, wafanyakazi wengine wapo watatuelekeza wapi ulipo, …’akasema mama

‘Ina maana kumbe nipo kwenye kiliniki,…mmh nilijua nipo nyumbani kwangu….na huyu mdada hapa ni mfanyakazi wa humu ...leo kachelewa sana kufika sijui kuna nini...’nikasema

‘Mdada….?’ Akauliza mama.

‘Yupo mdada huwa ndiye ananihudumia kwa kuninyosha viungo na chakula…..’nikasema

‘Mimi sijamuona, labda upande wa pili, maana wewe upo huku nyuma, hujawekwa sehemu ya wagonjwa...na ngoja tuagize chakula maana mimi nina njaa’akasema mama akatoka na mimi nilibakiwa nikiwaza mengi, haikuchukua muda mama akarudi akiwa na chakula.

'Mama utafikiri wewe ni mwenyeji, mimi bado najiona mdhaifu..'nikasema

'Umeshapona, kinachohitajika ni mazoezi machache na kuondoa ile hofu, ...'akasema mama

‘Oh, akili ilikuwa haipo mama, …sikuweza kukumbuka kitu, nilikuwa kama mfungwa wa akili….sasa mama ikawaje..?’ nikamuuliza

‘Mwanangu kabla nilishamuomba mungu kuwa niwe nawe hadi mwisho wa maisha yangu, na nilishakuota kwenye ndoto ambayo ilinielekeza mengi kuhusu wewe lakini ilifungwa kujua wapi ulipo , pamoja na karama alizonijali mungu, lakini hazikuweza kujua wapi ulipo....’akasema na kunyosha mikono juu

‘Karama gani mungu kakujalia mama....?’ nikamuuliza

‘Mungu ni mkubwa mwanangu, wanadamu tunazarauliana sana na kunyanyasana, lakini huwezi kujua huyo unayemnyanyasa mungu kamjalia nini..unakumbuka niliwahi kukuhadithia kuwa niliwahi kuitwa mama mwenye mkono wa baraka…?’ akaniuliza…’akasema

‘Mhh mama, sijakuelewa…uliwahi kunihadithia ….oh, yah, nimekumbuka na kweli kuna mambo nahitajia kujau kutoka kwako, ….nimekumbuka kuleee ulipokuwa kijijini, ukaunguzwa na moto…’nikasema

‘Ni kweli mimi nina karama hiyo ila nilikuwa sijijui, …namshukuru sana mungu, niligundua hilo zaidi nikiwa huko India, wakati nasubiria kurekebishwa sura yangu,...unajua huko nilikwenda kwa ajili ya upasuaji wa uvimbe kichwani sio swala la kurekebisha sura yangu iliyokuwa imeharibika…unaikumbuka sura yangu ilivyokuwa awali…?’ akaniuliza

‘Mama hapana….nakumbuka utundu wa utoto tulijaribu kukufunua, lakini mimi sikupenda, nilijali sana ulivyonifundisha, …kuwa na adabu kwa wazazi…sikumbuki mama…’nikasema

‘Sasa una uhakika gani kuwa mimi ni mama yako..?’ akaniuliza

‘Hahaha, mama…siwezi kukusahau ,…macho yako na yangu naona yanafanana…nakumbuka kuna picha nilikuwa nayo nikiwa mdogo, …macho yangu yapo hivyo hivyo, ila sasa yameanza kubadilika sio kama nnilivyokuwa mdogo…mimi  nina uhakika wewe ni mama yangu , japo hujanionyesha ushahidi…kwanza hebu nambie ilikuwaje huko India ulifikaje…? Nikauliza

‘Tutaongea hayo tukiwa na muda , yapo mengi ya kuongea, ..’akasema mama

‘Ehe…..’nikasema

‘Kwahiyo baada ya upasuaji kwa ajili ya uvimbe kwenye ubongo kufanikiwa nikawa nasuburiwa kurudi nyumbani, hakukuwa na pesa hiyo ya kurekebisha sura yangu, kwani mfadhili aliyefika huko aliulizwa kama kuna pesa kwa ajili tatizo hilo akasema yeye hakupewa hilo fungu, kwahiyo nirudi nyumbani kama itapatikana hiyo pesa basi nitarudishwa tena huko India.

‘Basi siku hiyo wakati nasubiria vipimo vingine kuhakikisha kuwa nimeshapona, akaja dakitari huyo bingwa wa upasuaji wa kurekebisha sura, alifika kujua kama anaweza kufanya hiyo kazi, yeye anfanyia hapo hapo hospitalini, lakini alikuwa katuzoea sana, alikuwa kila mara anakuja kunisalimia, na siku hiyo alipofika akawa analalamika kuwa anaumwa kichwa

‘Kichwa changu kinauma sana,....’akawa analalamika alikuwa akiongea kiingereza huku akiwa ameshika kichwa, ilionyesha anaumwa kweli mpaka machozi yanamtoka, na unajua mganga hajigangi, pamoja na utaalamu wake lakini alitumia dawa zote anazozifahamu yeye lakini hakuweza kupona kabisa huwa kinarudia mara kwa mara. Basi hata sijui kwanini ...mimi nikamwambia mfadhili wangu amwambie huyo docta nimuombee huenda kitapona

‘Wewe mama mwenyewe ulishindwa kujiombea, mpaka ukaletwa huku, ....achana na hao watu wewe tusubiri hivyo vipimo tuondoke zetu....’akaniambia huyo mfadhili wangu

‘Mganga hajigangi, wewe mwambie hivyo hisia zinanituma kuwa nikimombea huyo dakitari kichwa chake atapona kabisa....’nikamwambia na yeye hakukutaa akaenda kumwambia hivyo huyo dakitari wakati huo kakaa chini kainama kichwa kinamuuma kweli, ya mungu mengi ...akakubali. akasema niende pale alipokaa maana alikuwa hawezi hata kusimama na ubingwa wake wote  wa udakitari

Nikaenda hadi pale alipokaa nikanyosha mkono wangu na kuuweka kichwani kwake, nikamuombea,.....akapona......’akasema mama


‘Mama ulimuombejae....?’ nikamuuliza mama kwa bashasha

‘Nani kama mama mwanagu, ....mungu muweza uliyejalia uzima, na kumjalia mama kupata mtoto kwa njia ya mateso, akiwa na imani thabiti akamtegemea mungu dua yake haina kipangamizi mwanagu,… maneno ya kumuombea huja hapo hapo, siwezi kukumbuka ni maneno gani kwa hivi sasa... kwani maneno yangu ya karama hutokea kutegeemeana na tatizo la mtu, na hunijia tu nikianza kuomba .....’akasema

‘Mhh mama, kwahiyo hata mimi kupona kwangu uliniombea au ilikuwaje maana mama ulipokuja hapa sikuwa nakumbuka chochote, na nilipokuona tu kichwa kikaanza kuuma, nikawa kama nachanganyikiwa, akili ilikuwa kama sio yangu, nikaanza kuona vitu vya ajabu kichwani, kichwa kikawa kinauma karibu kupasuka, lakini ulivyoweka mkono wako kichwani, mama ikawa ni ajabu kabisa ....’nikasema

‘Mama ikawa kama vile umenimwagia maji ya baridi yakipooza hayo maumivi ndani kwa ndani, na cha ajabu maji hayo yana hisia, ikapooza maumivu na hapo hapo ikawa inasisimua ubongo na mwili uliopooza, .....ajabu kabisa mama....ulifanyaje mama?’ nikauliza, na mama akawa kimia nikasema;

‘Mama hebu fikiria mwili ambao ulikuwa hauwezi kufanya kitu, nilikuwa natembelea hicho kigari hapo, mwili ulikuwa umepooza, siwezi kusimama, nifanya kujikokota  kwa shida, kuna muda najaribu kusimama lakini miguu inakuwa haina nguvu, na hicho kigari cha kusukuma, ndio miguu yangu…lakini sasa mama naweza kusimama.

‘Mama nimepona, si unaoana...nikasimama nikayumba kidogo, lakini nikajitahidi na kuanza kutembea huku na kule, nikaruka kwa raha,...

‘Mama nimepona,.....nakushukuru sana mama yangu....’nikasema na kumsogelea, kumkumbatia mama akasema;

‘Mshukuru mungu....unasikia nyosha mikono juu umshukuru mungu wako, na kawaida mtu akipona yeye ndiye anataja kiwango gani cha kunilipa mimi, kwahiyo taja unataka unilipe nini....’ mama akasema


‘Mwanagu karama za mungu ni nyingi, na ukiwa nazo hata wewe mwenyewe huwezi kuzisema tu, kwani unafanya hivyo sio kama wewe, ni mungu mwenyewe anashusha nguvu zake na kuzijaza mdomoni mwako, sio wewe ....kwahiyo siwezi nikasema mimi ndiye natenda hizo karama, hapana, sio mimi mponyaji au mtoa baraka ni mungu mwenyewe kwa kupitia mkono alionijalia na pumzi alionijali na mdomo, ulimi wa kusema alionijalia, sio mimi mwanagu mimi ni njia tu..’akasema mama

‘Mama.....mmh, na umasikini wangu huu, mama nitakununulia eeh, gari zuri saan la kutembelea....’nikajikuta nimesema hivyo wakati mimi sina kitu , hohe hahe

‘Sawa mwanangu, wewe ni mtoto wangu, japokuwa sihitaji hilo gari maana mimi ninalo gari langu, lakini ndio masharti ya karama hii ukipona ni wewe mwenyewe unataja gharama kutokana na uwezo wako, na mara nyingi kauli hiyo huja kwa uwezo wa muumba,....’akasema

‘lakini mama ukifanya hivyo watu si watakudhulumu, wengine hawatataja kutokana na uwezo wao, wenye mioyo ya dhuluma,,,,,’ nikamwambia mama , na mama akatabasamu na kucheka, akasema

‘Nikiwa India alikuja tajiri mmoja, tajiri huyo licha ya utajiri wake, lakini alikuwa akisumbuliwa sana na maumivu ya kichwa, kichwa ambacho alikihangaikia sana akatafuta madakitari wa kila namna lakini hakupona, na tajiri huyo alkuwa na tatizo kubwa la ubahili, roho mbaya.....dhuluma, na hakujua kuwa kichwa hicho kinamuuma kwasababu ya dhuluma, na tabia yake hiyo...’akasema mama

‘Ikawaje…’ nikatulia kusikiliza

‘Basi alipokuja nikamuombea, akapona kichwa chake, kama kawaida akaniuliza ushuru, nikamwambia yeye ataje atanilipa nini…akasema dola elifu moja, watu waliokuwepo hapo wakashangaa maana ni tajiri kweli pesa hiyo aliyotaja kwake ni pesa ndogo sana

‘Sawa ..’mimi nikamwambia na akatoa akaondoka, na kwa muda huo huo akafika mtu mmoja yeye ni masikini , wanamjua sana watu wa huko, alikuwa na tatizo hilo hilo, nilipomuomba nikasema ataje kiwango, akasema dola laki moja…watu wakacheka, mimi nikamwambia ‘sawa’

‘Nenda kazilete….’nikamwambia maana nilijua hana, lakini kauli hiyo sio yake, ni kauli imetoka kwa mungu,…akaondoka, haikupita siku hiyo akaja na hiyo pesa…’akasema mama

‘Aliipata wapi,…?’ nikauliza

‘Kutoka kwa yule tajiri wa mwanzo,..’akasema mama

‘Kwa vipi..?’ nikauliza kwa hamasa

‘Yule masikini alipotoka hapo, alikwenda masikani kwake, ….unajua maswala ya haja, haja ndogo tu, yanaweza kumpata mtu popote pale ukashindwa kuvumilia, kule kuna sehemu kuna sheria hutakiw kukojoa ovyo..

Huyu masikini ana simu yake ya kuchukua picha aliiokota tu, sasa alipofika masikani kwake, yule tajiri alikuwa akipita na gari lake, alishikwa na haja, hakujua eneo hilo kuna mtu anaishi, akazarau akijua ni uchochoroni tu, yule tajiri akawa anajisaidia, ni uchochoro, lakini ni eneo lenye sheria hizo, alishikwa na haja hakuweza kuvumilia, yule masikini akatoa kamera yake haraka akamchukua picha ya video jamaa hajui..kamaliza haja yake, anataka kuondoka masikini yule akamkabili

‘Umevunja sheria…’akasema na walinzi wakamsogelea wakita kuhakikisha bosi wao hazuriki, akawaambia walinzi wamuache tu, maana yeye anamfahamu huyo masikini akamuuliza nimevunja sheria gani

‘Umekojoa eneo lisiloruhusiwa..’akasema na huyo tajiri akashituka hakujua kabisa kuwa kaonekana, akamuuliza
‘Una ushahidi gani..?’ akauliza

‘Utaujualia mahakamani..’akasema masikini, na yule tajiri kwanza alitaka kutumia nguvu lakini akashituka akaujua ni lazima huyo masikini atakuwa na kitu cha kuweza kumsaidia, akasema

‘Unataka nikupe nini, ili usinishitaki….?’ Akauliza

‘Dola laki moja na nusu…’akasema

‘Nini…wewe unaota nini…’akasema

‘Na huo ushahidi nimeshauhifadhi kwenye mtandao  huwezi kuuondoa, mpaka mwenyewe nikubali..’akasema, na yule tajiri akasema;

‘Haya twende nyumba ni nikakupe..akijua akifika huko atamfanyia vituko, lakini masikini yule alikuwa mjanja, alikuwa na akili japokuwa nakama zilimuandama, akasema

‘Mpaka awepo mwanasheria wangu..’akasema na walinzi wakacheka, na hakujali kicheko chake akampigia wakili mmoja anayejulikana sana, wakili ambaye sifa yake kubwa ni kuwasaidia wasiojiweza , anajitolea ..hakuipita muda akafika huyo wakili, yule tajiri akaona sasa anaumbuka.

‘Kwani wewe una ushahidi gani…?’ aakmuuliza

‘Yule masikini akatoa simu yake akampa yule wakili na yule wakili akaliona hilo tendo, na wakili sasa akawa anaongea na huyo tajiri, yule masikini akakaa pembeni.

‘mteja wangu aantaka dola laki mbili pamoja na gharama zangu,,….’akasema wakili
‘Eti nini…?’ akasema huyo tajiri

‘Kama hutoi tutakuita mahakamani, na ujue vyombo vya habari viatakuwepo…’akasema, na kwanini huyo tajiri asitoe hizo pesa, na yule masikini kwa haraka akaja kunipa hizo pesa na nyingine akampa yule wakili ushuru wake, na akabakiwa na haki yake…’akasema mama

‘Mama ni hadithi au ni kweli…’nikamuuliza mama

‘Mwanagu kutokana na matatizo haya, kutokana na karama hii nimekutana na mambo mengi ya ajabu, na ukitaka nikusimulie yaliyonikuta tutakesha, ila wewe elewa kuwa mungu ndiye mtoa riziki, na hata uwe tajiri vipi kama mungu kapanga kuwa riziki uliyo nayo itakwenda kwa mtu mwingine kamwe hutaweza kuzuia,..’akasema mama

‘Sawa mama turudi kwa huyo dakitari bingwa ikawaje kwake..?’ nikamuuliza

‘Kutokana na lile tendo, maana wakati namuombea walifika madakitari wengine wa hapo wakawa wanataka kushuhudia, mama muafrika anawezaje kumtibu huyo dakitari bingwa, ilienea kwa hara ka sana.

Mimi nilipomaliza kufanya yale maombi nilishangaa nimezungukwa, madakitari manesi wa hapo wamakuja kushuhudia,….’akasema mama

‘Nilipomaliza nikageuka kwa mfadhili wangu nikamwambia;

‘Nimemaliza, atapona tu hicho kichwa chake, kwa uwezo wa mungu…’hata huyo mfadhili wangu hakuamini, maana yule dakitari alisimama akaniangalai sana akasema

‘Nitakufanyia huo upasuaji kwa gharama zangu mwenyewe…, nahis kichwa kimepona, …its like a magic….’akasema

‘Kweli mama, ikawa hivyo…?’ nikauliza

‘Ndio hivyo nikafanyiwa huo upasuaji na sura yangu ikarekebishwa, japokuwa niliandamwa na ugonjwa wa ngozi nahis ni aleji, nikawa natokwa na vipele,..lakini vilikuja kuisha ndio maana unaniona hivi…. na baada ya hapo wakataka kuniajiri niwe mfanyakazi wao…nikakataa, nikasema ninaweza kukaa hapo kuwasaidia watu, kwa muda, lakini sio kwa kuajiriwa…

‘Basi wakanikubalia, lakini kwa sharti kuwa ni lazima kuwe na malipo, ili niweze kuwalipia kodi na hapo hospitalini, wao wakataka kupanga kiwango nikawaambia mimi karama yangu haina kiwango, kiwango kinatokana na uwezo wa mtu kama wanataka sawa, kama hawataki narudi kwetu..wakakubali…’akasema mama
‘Basi kwa kupitia huyo dakitari nikajulikana, …unajua kuna watu wengi wana matatizo ya kichwa, kichwa kinauma sana, na wengine hufikia hadi kuchanganyikiwa, na kutokana na karama hii nimeweza kuwasaidia watu wengi,…watoto wanaolia lia, matatizo ya kupoooza viungo kutokana na maumivi ya kichwa..’akasema mama

‘Kwahiyo mama ukawa tajiri…?’ nikamuuliza mama

‘Kwa uwezo wa mungu na karama zake sasa hivi mwanagu hatuna shida tena, walitaka nikae huko India lakini sikukubali, baada ya miezi kadhaa nikawaambia narudi nyumbani, nakwenda kumtafuta mwanangu najua mwaanngu yupo matatizoni.

‘Waliniomba sana, nikawaambia nitarudi, hapo nitakapohakikisha nimemuokoa mwanangu..na ndio nikarudi nikakuta nyumba imeshajengwa, na ipo kliniki imeshajengwa, kutokana na ahadi za wale nilioaombea na gari hilo hapo nje....kwahiyo mwanangu tuna nyumba yetu nzuri tu, kiliniki , na gari..na p[esa nyingi tu…’akasema mama

‘Nyumba yetu....?’ nikauliza

‘Ndio ni yetu mimi na wewe...sina mtoto mwingine zaidi yako,.....na kama nisingelikupata basi sijui.....ingekuwa haina maana kwangu....’akasema mama

‘Oh mama...ina maana…,’nikasema

‘Mwanangu ukiwa na shida ukiwa na matatizo usikate tamaa, shida hiyo ni mithani ya mungu kukuelekeza kwenye jambo la heri...shida hiyo ni mitihani ili msimamo wako kwa muumbako ujulikane...ukitulia , ukatuliza mawazo ukaelekeza uso wako kwa mungu...utafanikiwa tu mwanangu...’akasema mama

‘Mwanagu kuna ile ndoto niliyoota, unakumbuka nilikuahadithia kuhusu ile ndoto...Niligundua ukweli wa ile ndoto nilipokuwa nasubiri urekebishwaji wa sura yangu.

Nawashukuru sana wafadhili waliojitolea kuhakikisha naondolewa huo uvimbe na sura yangu kurejea hapa ilipo…hata mimi sikuamini pale nilipoambiwa nijitizame kwenye kiyoo, ilikuwa kama najiona wakati nipo msichana…’ aliongea mama huku namtizama usoni

Nilijaribu kumuwazia alivyouwa awali, bila kufanikiwa, kwa maelezo yake sura yake iliharibia sana, hata haitizamiki, ilifikia hata yeye mwenyewe alijichukia, na kutokana na jinsi alivyouwa  wengi waliamua hata kumuita mwanga kwa ajili ya michirizi na kuchanikachanika usoni, na sura kuwa ya kutisha, na ukichanganya na macho yake yaliyouwa na utofauti fulani, basi ilikuwa kama kisingizo.... leo hii ni mwanamama mwenye sura ya kipekee…

Ni ajabu iliyoje yale macho ukiwa na sura kama ile ya utisha alionekana wa ajabu, na kuonekana ni mwanga, mchawi…lakini sasa akiwa na sura nzuri, macho hayo yalimfanya mama aonekane mrembo,…nilijikuta nikitabasamu na kusema moyoni, ama kweli mama alijaliwa uzuri

‘Mungu ni mkubwa mama, siamini hadi sasa naona kama namtizama ndugu  yako, kwani sikumbuki kuiona sura yako ukiwa katika hali nzuri kama hii..’nikasema

‘Nitakuonyesha picha zote nilizopiga nikiwa huko kabla na baada ya huo upasuaji, ili ujue kuwa dunia hii kuna wataalamu, tuwashukuru sana madakitari ambao fani yao  kwakweli ni ya kujali uhai wa mwanadamu…’ akasema mama

Mama akaongezea kusema, `Kumbuka nilikimbiwa, niliitwa mchawi, nikadharauliwa sababu ya  sura ile, ambayo sikupenda kabisa iwe vile, ila ni kwasababu ya watu wenye roho mbaya…’akasema mama .

‘Mwanangu ndani ya ndoto yangu niliota kuwa upo katika hali mbaya, na  yale yaliyomtokea mama yako akimbiwe kuwa ni mchawi, yamekuandama kwa namna nyingine, watu wanakukimbia na kunynyapaa kwa hali uliyo nayo, kukonda kwako kumekuwa ni sababu ya kuonekana si mwanadamu….yote hayo  niliyaona kwenye ndoto kwa namna ya fumbo, lakini usijali mwanangu kwani yote hayo ni mitihani ya kimaisha, ikija unatakiwa uwe na subira, na usimamie katika haki…’ mama akanishika kichwa.

‘Kwahiyo mama unataka kuondoka..?’ nikamuuliza

‘Nakwenda kuwawahi wateja , wataje ni wafalme, nitapitia hapo kuangalia gharama zako, nijue nikiasi gani halafu nitakuja kulipia, tutaondoka sote….’akasema mama

‘Sawa mama, lakini kabla hujaondoka … unakumbuka uliwahi kunihadithia maisha yako ulipopitia na  nakumbuka ulikatisha siku ile ulipozidiwa ukashindwa kunimalizia kuwa ilikuwaje , je yule mama kule hospitalini alikuwa wewe  au nani na siku ile alipoondoka kule nyumbani kwa dada yake nesi alikwenda wapi na je alimpataje mtoto wake, na huyo mtoto ndio mimi au alikuwa mwingine…?’ nikamuuliza maswali mengi kwa pamoja.

Mama alimwangalia mwanae kwa muda, halafu akatabasamu na kusema, ‘hivi mwanangu bado una hamu na vidonda vinavyoonza kupona, huoni ukiyawaza hayo , ukayahadithia , yanatia simanzi , na mwishowe unakaribisha hasira za visasi, mimi naona  tusahau hayo tugange yajayo…’Mama akasema akiinuka kuondoka.

NB: Je mnahitaji kujua hayo, yaliyokuwa yamebakia huko kijijini, je unahitajia kujua jinsi mama alivyokwenda India, …kama mnapenda, tuelezane, vnginevyo, kisa kinaweza kuishia hapa, iliyobakia ni hitimisho tu…


WAZO LA LEO: Dunia tulivyo, mnaweza mkahangaika pamoja, kutafuta pamoja, lakini pale mnapopata tabia hubadilika, uchu, uchoyo ubinafsi huteka nyoyo zetu, tunaweza kusahau kabisa jinsi gani tulivyohangaika pamoja, na huenda hata katika kuhangaika mmoja au wachache ndio waliokuwa wakitumika zaidi, lakini wale wategaji, wajanja-wajanja, waongeaji sana bila vitendo,  ndio wanaweza kudai masilahi zaidi ya wengine…huo sio uungwa, huo sio upendo, huo sio uadilifu, ili kweli tuwe wachamungu wa kweli, wepenzi wa kweli, ni pale kila mmoja atakapokuwa tayari kutoa , au hata kuacha ili mwenzake apate, kuoneana huruma, hata kama ni kidogo uwe radhi mwenzako apate wewe ukose, je kuna upendo kama huo,. Je watu kama hao wapo kwenye hii dunia?

Ni mimi: emu-three