Asiye na bahati habahatishi-1

King’ora cha gari la wagonjwa kilisikika, na watu wengi wakawa na hamu ya kujua kuna nini tena, mambo ya uchaguzi yameisha watu wanatka kuishi kwa amani, na huku maeneo yajulikanao kwa watu kama maeneo ya uswahilini, kitu kidogoo ni habari kubwa ya kujaza ukurasa wa gazeti. Na ujuavyo kwa maeneo kama haya watu hawapitwi na jambo, kwani wengi wapo kijiweni hawana kazi kwahiyo umbea na ufutiliaji wa hata yale yasiyowahusu ni moja ya kazi zao za kupoteza muda.


Kwa wale wasiopitwa na kitu waliamua hata kuomba baiskeli kwa jirani na kufuatilia ili kufuatilia nini kulikoni, na kweli jamaa wengi waliamua kulifuatilia hilo gari la wagonjwai hadi pale hilo gari liliposimama kwenye nyumba moja kubwa, iliyozungushiwa geti . Na liliposimama tu wahudumu walitoka ndani ya gari kwa haraka na kuingia ndani ya nyumba moja nzuri iliyozungushiwa ukuta.

Watu wakaanza kuongezea, mmoja baada ya mwingine nje ya ile nyumba huku kila mmoja akisema lake, na minong’ono ya watu wengu huwa ni sauti kuu. Naa wakati wananong’onezana, mara machela ya kubebba wagonjwa ikatolewa na kuingizwa ndani ya nyumba ile, na baada ya muda, maragari la polisi likawasili na askari waliovalia nguo sare zao wakaingia ndani ya nyumba ile. Na hapo minong’ono ikazidi ikisema lazima kuna uhalifu umefanyika ndani ya nyumba hiyo.

‘Nyumba za wakubwa hizi hazikosi ufisadi, kuna kitu humo, huenda wameuna…’ ilimradi kila mwenye lake kichwani akaona alitoe.

Baada ya dakika chache machela ile ilirudi toka ndani ikiwa imebeba mwili unaosadikika ni wa mgonjwa au maiti. Hapo hata wapiga picha na waandishi wa vichochoroni wakaona wasipitwe na jambo wakachukua picha zile za chapuchapu, na hata za macho ilimradi kila aliyena asikose cha kuonyesha au kuelezea kama vile alihusika katika tukio hilo angalau hata kwa uongo.

Askari polisi nao walitoka baadaye na kulifuatilia lile gari la wagonjwa kwa nyuma, na hapo watu wakaaanza kusambaa. Kesho yake maandishi makubwa yakaonekana kwenye vichwa vy vyombo vya habari hasa yale ya udaku yakikoleza na chumvi. ‘MSICHA MMOJA AAMUA KUJIUA BAADA YA KUKOSA BAHATI YA KUOLEWA…’ Mengine yaliona aibu yakaandika `Msichana mmoja ataka kujiua kwa dawa.’na kichwa kilichonivutia ni kile kilichosema `Ama kweli asiye na bahati habatishi, dada kanywa dawa kujiua’

Kwenye maelezo ya magazeti haya hayakuweza kuandika maneno yenye uhakika kuwa ni kwasababu gani msichana huyo alitaka kujiua zaidi ya maneno ya kusadikika na dhana zisizo na uhakika, kwani hakuna aliyekubali kueleza chochote hata polisi walichosema ni kuwa msichama huyo jina limehifadhiwa amekunywa madawa mengi na haijajulikana ni kwanini.

Kesho yake mdau wetu mmoja alitembelea ile hospitali akiwa na sare za udakitari, kwani ingawaje ni mwandishi wa kujitegemea lakini kazi yake rasmi ni ya udakitari na ana hospitali yake binafsi na mara nyingi anaalikwa kufanya kazi kwenye hii hospitali alipoletwa huyu mgonjwa au maiti. Na bahati nzuri katika pilikapilika zake akaitwa kwenye chumba cha wagonjwa mahututi kusaidiana kuokoa maisha ya huyo binti, amabye alikuwa kwa muda ule amepoteza fahamu kabisa, na haijulikani hatima yake.

Na katika kuhangaika, Yule mgonjwa bahati akazindukana baada ya kuwekewa maji na huduma za mwanzo. Alianza kwa kulia maumivu ya tumbo na kulalamika huku na kule kuwa tumbo linamuuma sana. Na madakitari waliomchunguza wakaona hali ile haifai kwenye hiyo hospitali, inahitajika apelekwe hospitali kubwa kwa ajili ya upasuaji,kwani kwa maelezo ya wanafamilia inasadikiwa kuwa kanywa nyingi, kutokana na pakiti iliyoguinduliwa pale mezani. Na hata alipozindukana alisema yeye alikuwa akinywa dawa hizo, lakini hakujua kuwa kanywa nyingi kiasi hicho.

Madakitari walipompima walisema dawa alizokunywa sio tu zimeleta madhara kwa huyu mwanadada bali pia zimeharibu mimba ya miezi sita tumboni, kwahiyo ikawa haina jinsi zaidi ya kufanyiwa upasuaji na kuondoa kiumbe kilichopo ili kuokoa maisha ya mwana dada huyo.

‘Mwacheni afe, kwanini anywe madawa yote hayo, inaonekana alikuwa anataka kujiua,..’ akasema nesi mmoja.

‘Wewe sister usiseme hivyo, unajuaje kuwa alitaka kujiua haya mambo wazungumze watu wa mitaani na sio wewe na kazi yako..’ akazungumza jamaa mmoja anayesadikiwa ni ndugu wa karibu wa huyo msichana aliyekunywa madawa mengi.

Mdau wetu alinitonywa kuwa huyo msichana yupo katika hali mbaya na yakwamba asipofanyiwa upasuaji wa haraka huenda akapoteza maisha. Lakini alichogundua ni kuwa huenda msichana huyo hakuwa na dhamira ya kujiua, kwani kila alipokuwa akilalamika alikwa akisema yeye hakukusudia kujiua alikunywa dawa tu kama kawaid, kumbe alikuwa kapitiliza vipimo. Lakini cha kushangaza alipoulizwa alikunywa vidonge vingapi, hakuweza kusema idadi halisi yeye aisema kuwa alijikuta amekunywa kipakiti kizima alichopewa toka hospitali kwa ajili ya tiba ya malaria.

‘Huyo msichana ana akili timamau kweli,,’ nikamuuliza mdau wetu

‘Anayo akili safi kabisa na mimi namjua ingawaje sio kwa undani sana’ akasema mdau wetu na akaahidi kufuatilia tukio hilo kwa karibu ili kujua nini kilichomfanya msichana huyo mrembo kumeza madawa yote hayo, huku akidai kuwa hakuwa na dhamira hiyo.

Naona tuachie hapa ili tuweze kukusanya maelezo yote ya kisa hiki, nawaomba tuwe pamoja kwenye sehemu ya pili.

mimi: emu-three