WEMA HAUOZI-62

‘Mwanangu nakuusia tena na tena katika maisha yako kumbuka kutenda wema, jitahidi kugombea kutendea wema, na ikiwezekana kila kwenye nafasi ya kutenda wema jibidishe uwe wa kwanza, jipendekekeze kwa hilo na wala usione aibu, hata kama wenzako watakucheka, na kukuona huna maana, wema huo ni akiba yako, ....’mama akaendelea kunisimulia kisa hiki huku machozi yakimtoka,

Sikujua kwanini alikuwa akitokwa na machozi kwa muda huo, nikamsogelea na tukawa tumekumbatiana kimama na mtoto kwa sekunde chache, na baadaye akanianchi na kuniangalia machoni, na kusema;

‘Mwanangu naikumbuka sana siku ile ya hukumu, siku ambayo pamoja na kusomwa kwa hukumu ambayo ndiyo iliyoweza kubadili hisia za watu wengi katika kijiji chetu, lakini pie ndio siku niliyoweza kutimiza dhamira yangu iliyokuwa moyoni,....nikaweza kujitoa mhanga, japokuwa ilikuwa ni akzi kubwa sana moyoni....’akatulia.

Siku ile ilikuwa muhimu katika mustakabali na msimamo wa wanakijiji, na ilikuja kuleta melekeo mwema, kwa jamii yetu, kwani hukumu ile iliweza kugeuza mtizamo wa waliowengi kuwa kumbe yawezekana, kumbe, mambo mengine, ni ujanja ujanja wa watu wachache, kumbe mambo mengine yanatendeka, na swala tu la uamuzi, kumbe kuna watu wajanja wanatumia udhaifi wa watu wengine kujinufaisha wao wenyewe, na haki za waliowengi zikachukuliwa kwasababu ya ujinga wetu..

‘Nasema kwasababu ya ujinga wetu, maana kama tungelisoma na kuyafahamu hayo yote, tusingelinyanyaswa kihivyo,na watu kama mtalaamu wasingellikuwepo kwenye jamii yetu. Mtaalamu alishawaona watu wengi bado wamelala, mlalo ambao hautarajiwi kuwa wataamuka tena...mlalo ambao bado jamii nyingi za Kiafrika tunao, tunahtajiaka kuamuka na kupangusa macho ili tuweze kuona mbele....’akatulia kidogo.

‘Ni vibaya sana kama jamii itapuuzia elimu, na ni vabaya zaidi kama jamii itaona kuwa elimu sio muhimu, elimu ni gharama, lakini vitu kama harusi, sherehe, ni muhimu....basi ujinga utatutawala. Na matokeo yake ni nini ni kuwa kila mmoja, anakuwa mjanja katika ujinga,...’mama hapo akatabasamu japouwa kulikuwa na muonekano wa huzuni.

‘Jamii isiyo elimika, kila mmoja anajiona anafahamu zaidi,ufahamu mdogo tu, ufahamu ambao unaweza ukawasaidia kwa muda mfupi,lakini kwa mtizamo wa mbali zaidi, ni janga ...hii yote ni kwasababu hakuna anayefahamu kuwa bado wote wapo ujinganga, na adui yao mkubwa ni ukosefu wa elimu, adui ujinga, ufahamu huo haupo, kwasababu hakuna aliye na mtizamo uliojengeka kutokana na elimu, hapo unafikiria nini, kama sio jamii ya watu walio na hula za hadaa , ujanja-ujanja, utapeli na ulaghai, ndiyo itakuwa maisha ya kila siku ....

Mwanangu soma sana, na jitahidi kusoma kwa nia ya kuelimiaka, na kukifahamu kile unachokisoma, ili uweze kutambua ubaya na uzuri wa kila jambo, na ili pale utakapoamua kutenda jambo uwe unaufahamu wake, maana elimu pia inaweza ikatendewa sivyo ndivyo..hii ni kutokana na ujinga ambao ulisha kithiri kwenye hulka za watu, kutoka na hulka hiyo walishaona kuwa ili upate ni lazima uwe mjanja.

Sasa kwa vile wameona kumbe elimu ndiyo njia ya kuonekana unafahamu, wao, wanatatafuta njia za kinamna za kuonekana wana elimu, ndio hapo unaona mitihani inaibiwa, watu wanagushi vyeti, waonekane wamesoma, watu wanatumia hata lugha tu iwe ndio kigezo cha elimu badala ya utaalamu wenyewe,...., na hapo ndipo huo msemo wa bora kupata kuliko kufika unapotumika..

Ni bora mwanangu ukafika, hata kama hukupata, lakini unafahamu ni njia gani uliyopitia hadi ukafika, kwani wakati wa kurejea,utakuwa husumbukie tena. Ni bora ukafika, ukajua umuhimu wa kufika kwako hata kama hukupata kuliko kupata na hujui jinsi gani hivyo ulivyopata vimepatikana vipi, kwani huenda vyote ni vya dhuluma, huenda hivyo vitu ni mali ya watu,huenda pia ni sumu ....

Mwanangu elimu iwe ni ufahamu, sio elimu iwe jina tu kwako, ...elimu ikujenge kitaaluma, ujue ni nini unachokifanya, ikujaze ujuzi, na sio iwe ni vazi tu, la kujionyesha,.....kuna watu wanatumia hilo vazi na matokeo yake, wanakula vizivyo halali, ni waheshimiwa, na wakuu, ni mabwana wakubwa, wanamiliki makampuni, ..lakini ukichunguza yote hayo wameyapata isivyo halilali, wamapata kutoka kwenye mali za wanyinge, wasiojiweza, mayatima,  kwa roho zao mbaya, wanamiliki hizo mali...hiyo sio elimu, huo ni ujinga, huo ni utapeli na hiyo ni dhuluma..’mama akaendelea kuniusia.

‘Mwaanngu mara nyingi usia wenye manufaa, unaonekana ni kero na kupoteza muda, ndio maana hata kama utashinda kutwa nzima ukijaribu kuwaelemisha watu busara hizi, wengi wataishia kusinzia, au kutokukusikiliza kabisa, na kama ni maandishi wengine watasema ni maelezo marefu, hawana muda kuyasoma...’mama akasema pale aliponiona kama napiga miayo.

‘Lakini mwanangu cha ajabu, ukijaribu kuongea umbea, ujinga, mapenzi, nk  na yale yasiyofaa kwa jamii, watu watacheka, na kufurahia,..ndio jamii isiyotahmini elimu, na hata kama walikuwa wakinzia, wataamuka, na hata kama ulikuwa huna marafiki,  utakuwa nao wengi, na kuonekana mjanja,  msanii unayejua kuwafurahisha watu...,kwanini...kwasababu akili zetu bado zipo kwenye usingizi wa kuota ndoto za alinacha....hulaka hii mwanangu iondoe, soma na fahamu ni kitu gani unachokisoma....

‘Mwanangu, siku ile hukumu ikiwa inaendelea , tulipata taarifa kuwa mwanasheria kazindukana, na alikuwa akituhitajia, na kwahiyo mawazo yetu yote yalikuwa yamejikita kwa huyo mgonjwa, hata kilichokuwa kikiongewa humo ndani kilitupita pembeni ya masikio yetu, na hata hukumu ilipomalizika kusomwa, tukawa wa kwanza kutoka nje na kuingia kwenye gari la mwanamama kukimbilia huko hospitalini.

Nikurejesho kwenye kisa chetu uone jinsi gani siku hiyo ilivyotuteka akili mimi na mwanadada, kwani hata baada ya hukumu hiyo, sikuwa nimezingatia yale yaliyosomwa, na sikuwa na umuhimu sana, nayo kwani ilishafahamika ni kitu gani kitafuta. Na hata baada ya kutoka kwa hakimu ambaye alikuja kutuita tena, kutuelezea ni nini kifanyike, sikuwa nimetulia kiakili, na hapo mwanadada akaniambia...

‘Usiwe na shaka, hukumu yote ninayo hapo, nitakuelezea,na yote yatatekelezwa, usiwe na shaha....’akasema mwanadada aliponiona nikiwa sina raha, ...hebu nikisumilie kidogo ilivyokuwa siku hiyo...’akasema mama.

Tuendelee na kisa chetu.

 **********

‘Mwanangu ni vigumu sana, kukataa jambo, ukiwa unalifahamu kuwa jambo hilo litakuja kukusaidia katika maisha yako ya baadaye, ni wachache sana wanaweza kufaya hivyo, wengi watapigania hata kama wanaona hawana haki na hilo, ni jamii zetu zilizokosa uadilifu, na uadlifu ukiwa adimu, kinachotutawala ni dhuluma tu.....’akasema

‘Tukiwa kwenye kusomewa hukumu, ndipo tulipopata taarifa kuhusu mwanasheria, na mimi wakili mwanadada,tukawa na hamasa ya kuonana  naye, lakini kutokana na mazingira yaliyokuwepo mle ndani hatukuweza kutoka, ikabidi tusubiri hadi hukumu imalizike kusomwa...

Nashindwa kuelewa ni kwanini ilitokea hivyo, kwani usiku kucha nilikuwa na mawazo na mtu huyo,anayejulikana kama mwanasheria,  badala ya kuwazia kesi yetu, ambayo mwanadada alishaniashiria kuwa tumeshinda, na kilichobakia ni mambo ya kiutaratibu wa kisheriaambayo sio kazi kubwa kwake, sasa ikawa naliona hilo sio tatizo tena, akili yote ikahamia kwa mwanasheria, nilijikuta nikimuwazia mwanasheria, kwa muda huo wa usiku wangu....

Hata tulipofika kwenye kesi, mawazo yangu yote yalikuwa kwa mtu huyo, sijawahi kumuwazia hivyo kabla, sijui kwanini mawazo kama hayo yaliuteka ubongo wangu, sijui ni kwa vile, muda wa kuwa naye karibu huenda ukawa umekwisha, sijui ni kwasababu ya .....sikuweza kujiaminisha kwa hilo, kwa vile sikutaka iwe hivyo, hata kama moyo wangu ulishaguswa na yeye.....kuwa huenda nimempenda, na mara nyingi mtu akiwa katika hiyo hali, mkamuona kama anafariki,au akishafariki, upendo huzidi...

‘Tulipokuwa ndani ya mahakama, badala ya kusikiliza kesi, ambayo ndiyo jambo muhimu lililotuleta hapo, nikawa namuwaza huyo mtu, mwanasheria....je hali yake kwasasa inaendeleaje, je atapona, na kama atapona, nitafanyaje ili nisije nikamuuza  moyo wake, kwani kwa kauli yake ya mwisho ni kuwa anataka atuoe sote wawili, na mimi hilo naiona lina ugumu, je kama akifa..hapana hatakufa..atapona kwahiyo nifikirie kama akipona, itakuwaje...na wakati nipo ndani ya dimbi la mawazli ndipo kikaletwa kikaratasi na mtu mmoja, ..

Kwa muda ule nilijua huenda kikaratasi kile kimetoka kwa mwanadada, kwani yeye alikuwa mbele kwenye meza ya waendesha mashitaka, na huenda kulikuwa na ujumbe anataka kunifikishia, maana mimi na mwanadada tulishakuwa wanandugu wa ukweli...nikakifunua kile kikaratasi, nikaona maandidhi ya juu yaliyochapishwa, yakionyesha kuwa kimetoka hospitalini, moyo ukalipuka paaah...

‘Oh, kinatoka hospitalini, kinasema mwanasheria kazindukana, na anatuhitajia mimi na mwanadada kwa haraka...’nilipomaliza kukisoma nikainua kichwa kumwangalia mwanadada, nikakuta naye kashikilia kikatarasi, na akawa anageuza kichwa kuniangalia na kuniashiria kuwa nisubiri...

Oh, kwanini tusubiri, huenda huyu mtu yupo katika hali mbaya,na anaona kuna jambo muhimu la kutuambia...’nikawa najiongelesha mwenyewe, nikataka nimwambie mwanadada, kwa vile yeye hawezi kutoka mle ndani kutokana na majukumu aliyo nayo, basi imi nitoke kimiya kimiya, niende nikaongee na huyo mgonjwa. Nikaandika ujumbe kumuelezea hivyo mwanadada, na ule ujumbe akapelekewa mwanadada

Mwanadada, akanigeukia na kuniashiria kuwe nisubiri...basi ikawa sina njia nyingine, nikasubiria, huku hukumu ikiendelea kusomwa, lakini akili yangu haikuwemo kabisa humo ndani, nikawa namuwazia mwanasheria

‘Nahisi yupo katika hali mbaya sana, nahisi anataak kuacha usia wa mwisho..au kapona, na anatuhitajia kwa jambo muhimu sana..lakini kwanini kwa haraka, hapo nikamgeukia mwanadada ambaye alikuwa kwenye meza ya waendasha mashitaka, na y eye alionekana mwingi wa mawazo, na hapo akili yangu ikatoka kabisa hapo mahakamani na kuanza kumuwaza huyu mwanasheria,

‘Oh kwanini namuwaza hivyo, namuwaza kama shemeji yangu, au?...hapana namuwaza kama mtu muhimu katika maisha yangu, kwa vipi, ...mh, kwa mtizamo wa mwanadada, anatakiwa kuwa mume wangu,..oh, haiwezekani, ...mmh, lakini kwanini isiwezekane, kama inawezekana akatkuwa, mume wa aina yake, mume wa kunirithi,mmh, hapana lakini, lakini ....kwa ajili ya mtoto inabidi nikubali au...?’hapo wazo hilo likaanza kunijaa akilini.

‘Hapana , siwezi kufanya hivyo...ndiyo kwa ajili ya mtoto sina jinsi....’

Sijui kwanini ilitokea hivyo, hasa baada ya mwanadada kunitania kuhusu mimi kuolewa na huyo mtu, na sio kuolewa kurithiwa, Nikawa namuwaza sana huyo mtu, kila kukicha, kila nikiwa na wasaa, akili yangu ikawa haiachi kumuwaza, ina maana nimeshampenda, hapana, hilo ni kosa .....ina maana ule utani ndio umeniathiri kiasi hicho, ...kwa ujumla kwanza nilifahamu kuwa mwanadada ananitania kuhusu mimi kuolewa na mwanasheria, kwa ajili hasa ya mtoto, na nilipooa anasisitizia nikajua kuwa kweli kazamiria...

‘Kabla ya hapo kiukweli sikupendelea wazo hilo, na halikuwa kichwani mwangu kama jambo la kuniumiza kichwa, lakini baada ya mwanadada kulitamka hilo wazo na kunisisitizia, kila mara nilipokuwa nikimuwazia huyu mwanasheria, kuhusu hali yake nikawa pia nawazia hilo wazo la mwanadada, na hapo nikawa na maswali mengi yenye je ndani yake;

‘Je kama ingeliwezekana kuolewa na huyu mtu,maisha yetu yatakuwaje, na je kama atasisitizia anioe kwa hali kama hii nikakubali jamii itanielewaje, je nitakuwa nafanya jambo la kiungwana,je nafanya hilo kwa sababu ya upendo au kwa msukumo, je kweli nampenda huyu mtu ...lakini kila nilipowazia kiundani, nikajikuta nashindwa kupata jibu la uhakika,  nikaona kuliko kuishi kwenye maisha hayo ya uwalakini, maisha yaliyojaa dhana , basi nikoana kuwa ni bora nisiolewe naye.....lakini....likaja tatizo la mtoto.

‘Kiukweli kilichonisukuma sana , kuliwaza hilo,ni mtoto wangu, ambaye alikuwa haishi kumtaja baba yake huyo mdogo, kwake yeye alishamuona ndio baba yake mzazi, ...ndiye anayemfahamu kama baba yake kwani baba yake alifariki akiwa mchanga hamjui na hajui kabisa kama kulikuwa na baba yake mzazi mwingine, kwahiyo akiamuka usingizini, ananiuliza baba yake huyo yupo wapi, akiwa na maana baba yake huyo mdogo....maana wakati mwingine alikuwa akifika hapo na kushinda hadi usiku, akiwa kahakikisha mtoto kalala ndio anaondoka...

‘Kwa umri wake, sikuweza kumelezea  chochote kuwa huyo sio baba yake, na tangu awali alishazoeshwa kuambiwa kuwa huyo ndiye baba yake mzazi, na nafikiri ilifanywa hivyo makusidi, ili niweze kurithiwa na shemeji yangu huyo...kwenye familia hiyo, walikuwa hawampendi sana mwanadada, kwa kipindi hicho cha nyuma, lakini jinsi keso ilivyokuwa ikienda, ndivyo, alivyozidi kukubalika kuwa kumbe ni mtu muhimu sana.

‘Kwakweli si kupendelea hilo wazo,....sasa mwanadada kalidakia na kunisisitizia nalo, na nahisi kwasababu ya mtoto, na najua kiundani anampenda mchumba wake, na kuachana naye itakuwa pigo kwake, lakini huenda baada ya yote hayo, kaamua kuachana naye, kutokana na mila na desturi, kutokana na haya yaliyotokea , na huenda kutokana na mtoto,yeye kaona  ni bora iwe hivyo...na  huenda ni bora iwe hivyo, kwasababu ya mtoto...

Mhh, naona iwe hivyo, hasa kwa ajili ya mtoto, hata mimi kwasasa naona ni bora iwe hivyo ....naona ...nikubali tu....’nikahitimisha hayo mawazo

Ilibidi nifikie uamuzi huo mgumu, kwasabbu ya mtoto, nikaona nikubali tu kwa shingo upande, ilimradi mwanadada karidhia, basi sina budi, nikaamua kuwa nikikutana na mwaansheria, nitakubali hilo ombi kwa ajili ya mtoto,...nilipofikia uamuzi huo ndio hiyo hukumu ikawa imeshatolewa, na mwanadada akanishika begani na kuniambia,

‘Twende hospitalini....

***********

Mwanadada naye kwa upande wake hakuweza kulala, alijikuta akiwaza mambo mengo akijua kuwa kazi iliyokuwa imemleta hapo kijijini imekwisha, na wakati wa kuondoka umefika, lakini bado alijiona ana jukumu moja kichwani, jukumu ambalo, lilitegemea ushirikiano wa watu wawili, mwanamama kwa uapnde mmoja, lakini pia mwanasheria kwa upande wa pili...

Ama kwa mwanasheria haikuwa taabu sana, kwani alishatoa mtizamo wake, kwahiyo shida ikawa jinsi gani ya kumshawishi mwanamama, ...hapo akajiona mawazo ya kesi akayaweka pembeni, kwani alishafahamu hukumu ipoje, mawazo yake yote yakajielekeze jinsi gani angeliweza kumsaidia mwanamama, na mwanae,ikizingatia kuwa mwanamama ana mtoto, na huyo mtoto anahitajia matunzo, na...

 Mwanadada alikuwa tayari kukubali kujitoa mhanga, na kumuachia mwanasheria amuoe mwanamama, lakini kwa jinsi alivyoona msimamo wa mwanamama, haitawezekana, kwa jinsi hiyo, hana budi, iliyobakia ni kuendelea na mapenzi yake ni mpendwa wake, mtu aliyempenda kwa moyo wake wote. Lakini je kwa haya yalitokea, bado mwanasheria ana mapenzi ya dhati juu yake, je anampenda yeye zaidi kuliko mwanamama, hapo akaingiwa na kitu kama wivu, kama ilivyo hulka ya kibinadamu.

‘Lakini mwanamama keshajitoa hapa,...’akasema kimoyo moyo, ...inabidi nisiwe mchoyo, inabidi nimshawishi huyu mtu mpaka akubali kuolewa na mwanasheria,...hili ndilo nalioa ni jambo jema,sasa kama akikataa kabisa itakwuaje...?’ akajiuliza tena....’Lakini je mwanasheria atachukuliaje uamuzi wake huo, anaweza akaona simpendi...?’ akawa bado anajiuliza

‘Oh mwanasheria, najua utanielewa tu, hata hivyo tangu mwanzo ulishaamua kunitema, ukanitekeleza, kwanini sasa isiwezekane, japokuwa kiukweli nakupenda sana mwanasheria, lakini kwa ajli ya haya, kwa ajili ..hasa ya mtoto, ninaamua umuoe mwanamama....’akasema kimoyomoyo, akatulia kuukaribisha uamuazi huo moyoni, na kuendelea kusikiliza hukumu iliyokuwa ikisomwa na muheshimiwa hakimu, lakini hata hivyo, akili yake, haikuweza kutulia na kuisikiliza, kwake yeye ilikuwa kama marejeo kwani alishaiona....

‘Nafikiri uamuzi ni huo, lakini inavyoonekana mwanamama, hatakubali, sasa nifanyeje...?’ akajiuliza tena, wazo hilo lilipomjia akilini....

‘Oh, kama mwanamama kakataa, na inaonyesha wazi kuwa uamuzi wake ni huo, sasa nifanyeje, ...oh, kama kakataa basi itabidi nilirudishe penzi langu kwako mwanasheria na sasa litakuja kwako likiwa na sura mpya, sura yenye mageuzi ya kweli, kwani mila na desturi ambazo zilikuwa hazikubaliki, zitakuwa zimeondoka.....mmh, haya yote nimeyafanya, kwa vile ninakupenda mwanasheria, na nafahamu hata kama ningekuacha umuoe mwanamama, bado ningelikuwa na wakati mgumu wa kukusahau, sasa, mwanamama kakukataa, nifanyeje...oh, cha muhimu kwanza upone...’akajikuta anatabasamu.

‘Mimi na wewe mpenzi inabidi tufunge ndoa kabla sijafunga safari ya kwenda Ulaya kusoma...hii itakuwa ndoa ya baraka, ndoa ambayo imekuwa ikipangwa na kupanguliwa, lakini sasa itakuwa ya kweli,....hakuna kizuizi tena’akasema huku akitabasamu.

‘Lakini yule mtoto itakuwaje....hapana, nitakuwa nimefanya unyama wa hali ya juu,....lazima nitafute njia za kumfanya yule mtoto asiteseke kisaikolojia, ...kwa vipi, njia niliyoiona ni ya busara ilikuwa ndiyo hiyo kwa mwanamama, kuolewa na wewe mwanasheria, lakini nijuavyo mimi mwanamama hawezi kukubali, keshakataa kakataa..basi inabidi nimuombe, nimchukue mtoto,hata hilo hawezi kukubali, tufanyeje sasa, hapo sijui , hapo sina la kufanya, maana,....haitawezekana kwa mara moja kukubali uke wenza,...mmh, hilo nalo kwa sasa naliona ni gumu, labda kwa baadaye, sijui time will tell....

‘Kwanza cha muhimu, ni kukubali ndoa, mimi na mwanasheria tufunge ndoa ya haraka, najua hilo halina kikwazo, kwa vile mwanamama keshakataa, basi inabidi hilo nilipitishe, na ndoa hii tutaifunga hapa hapa kijijini, kabla sijajiandaa kwa safari yangu ya kwenda kusoma,..., nitamkubalia mwaansheria awe ni mume wangu, kwa masharti kuwa tufunge ndoa kwanza, kabla sijaondoka, na kipindi hiki nikisubiria muda wa kwenda huko Ulaya, tuwe kwenye fungate,....mmh, naisubiria hiyo fungate kwa hamu...’hapo akatabasamu tena, huku akiwaangalia watu waliokuwa wakisikiliza hiyo hukumu.

‘Oh, mungu mjalie mwanasheria apone, ..ili tuwe mke na mume....’ na mara akagutuka pale alipopewa kikaratasi na mtu mmoja, akakifungua haraka, na kukisoma;

‘Mimi ni docta, mwanasheria kazindukana, anakuhitaji wewe na mwanamama, ...haraka...’ujumbe ukasema

‘Kazindukana, anatuhitaji kwa haraka, kwanini kwa haraka....’akasema na hapo akageuka upande ule waliokuwa wamekaa mwanamama, na kumuona naye akiwa anasoma kikaratasi kama kile alichopewa, yeye, na mara mwanamama akageuza kichwa na wakawa wanatizamana, mwanadada aakatabasamu, na kumuashiria mwanamama asubiri....

Na akiwa keshatuliza mawazo yake, mara akapokea kikaratasi kingine, kikiwa kinatoka kwa mwanamama kuwa mwanamama kaona ni busara yeye atoke kimiya kimiya aelekee huko hospitalini na kwa vile mwanadada ni muhimu sana kuwepo hapo kwenye kesi hadi mwisho, aendelee kuwepo na kesi ikimalizaka, mwanadada atakuja huko hospitalini, na ataweza kumuelezea ni kitu gani kinaendelea. Mwanadada alipomaliza kusoma huo ujumbe, akageuza kichwa na kumuashiria mwanamama aendelee kusubiria kwani wote ni watu muhimu kwenye hiyo kesi.

Baada ya hukumu kuisha kusomwa, mwanadada,akasimama kwa haraka akaenda kumwahi mwanamama, na alimkuta mwanamama akiwa kazama kwenye dimbwi la mawazo, akamshika begani na kumwambia

‘Twende hospitalini....’wakaondoka  lakini walipofika mlangoni, wakakutana na na mtu katumwa kuwa yeye wakili mwanadada na mwanamama wanahitajika kwa hakimu, ni muhimu sana....

NB: Je kuna nini kitatokea,

WAZO LA HEKIMA: Pamoja na mipango yetu, pamoja na uhitaji wetu, lakini mwenye mamlaka na yoye hayo ni mwenyezimungu, wakati mwingine ni bora kukubali yote japokuwa sivyo tulivyotarajia, na ni vyema tukapana mipango yetu, huku kichwani tukisema ‘akipenda mwenyezimungu’ maana hatuna uhakika wa mia kwa mia kwa yajayo.

                                         *******************************************************

Pigia kura blog yako hii kwa kubofya link hii: http://tanzanianblogawards.blogspot.com/2013/09/vote-for-best-creative-writing-blog.html

na hii hapa:

http://tanzanianblogawards.blogspot.com/2013/09/vote-for-best-general-blog.html,

na tafuta blog hii: http://miram3.blogspot.com/

****************************************************************************************************************************

Ni mimi: emu-three