Uchungu wa mwana Aujuaye ni mzazi-52

Siku zikapita nikiwa kwa mama Mdogo….mfanyakazi wa ndani, maana sikuona cha mitindo, au kupelekwa huko kwa waigizaji filamu, mimi nikawa nikiamuka asubuhi ni kazi za nyumbani , natumwa sokoni kuchukua bidhaa za gengeni kwani mama mdogo huyo alikuwa akifanya kazi za genge na miradi yake mingine nisiyoijua….’Aliendelea kusimulia kisa chake, huku akionyesha uso wa huzuni.

‘Mama mdogo, sasa mbona siku zinakwenda hakuna cha kazi, wala hunipeleki kwa wanamitindo, basi naomba unipeleke shule, nikasomee hata kujifunza kushona nguo, kwani mimi napenda sana akzi hiyo , ili nipate pesa ya kumsaidia mama yangu, najua huko alipo anateseka sana’nikamwambia siku moja.

‘Mambo ya mjini hayataki haraka,….usifikiri unawea kuja mjini mara moja na kupata kile unachokitaka, inahitaji muda, unahitaji muda wa kuujua mji, sijataka kukupeleka mbio, maana wewe ni binti yangi, unasiikia….’akasema mama Mdogo.

‘Kuna biashara yangu nimeanzisha , najua mambo yataanzia hapooo..’akatulia halafu akasema;

‘Biashara hiyo ni ya vinywaji, na wateja wangu ni watu mashuhuri, matajiri, wafanyabiashara…..nilikuwa naifanyia huko mjini, kila ninapotoka hapa jioni nakwenda huko, sasa nimeona niisogeza hapa karibu, kuna eneo nimekodi, wewe utakuwa mhudumu wangu, tukisaidiana, …’akasema

‘Mhudumu, yaani, niwe muuza baa, mamaah…unakumbuka mama alivyokuambia, alisema usije ukanipa akzi kama hizo…mamaaah’akalalamika Maua.

‘Hapa ni mjini, ukifuatilia mambo ya huko kijijini hutafanikiwa, unaona hapa tunapoishi ni nyumba ya kupanga, inahitaji kodi ya nyumba, na biashara zangu ndio hizo za kubahatisha, nahitaji kuzipanua,…na hiyo biashara  ninayokuambia inalipa,….wewe ni kivutio kimojawapo….tuwe pamoja, tutafanikiwa, achana na mambo ya akina mama ya huko kijijini..’akasema.

‘Mama mimi hiyo kazi sitaiweza….na mama yangu amekuwa akinionya kila siku, nitafute kazi nyingine lakini sio kazi kama hiyo…’nikalalamika.

‘Sasa wewe unataka umitindo au hutaki, …umitindo unaanzia hapo, wakija hawo matajiri, wafanyabiashara wakavutiwa na wewe , unapata wafadhili, …baadaye unafungua duka lako la mitindo,…mambo huanza kwa kujitangaza, huwezi ikakaa nyumbani useme mimi ni mwana mitindo, mwanamitindo ni pamoja na kuoenakana na watu….wewe nifuate mimi ninavyokuagiza’akasema mama mdogo.

Basi ilianza kama masihara,nikaanza kuhudumia wateja kwenye sehemu hiyo maalumu ambayo mama mdogo aliikodisha, mchana tunafanay kazi za gengeni na ikifika jioni tunakwenda kwenye hiyo sehemu ambapo tunauaza vinywaji...na walikuwa wakijaa wateja , na sio wateja wadogo wadogo, ni watu mashuhuri, sijui kwanini ilikuwa hivyo…sikujua mwanzoni ni kwanini…iweje mama awe mtu wa wateja wengii kiasi hicho…..

Kama ilivyo kawadia kazi kama hiyo wanakuja watu wa tabia tofauti, ilinipa shida sana, maana wateja waliofika badala ya kunywa na kuendelea na mambo yao, wakawa wakinisumbua, wakawa wanataka kuongea na mimi, wengine walifikia hata kunishika kwa nguvu…

‘Mama sijui kama nitaiweza hii kazi, ……’nikawa nalalamika mara kwa mara, na siku moja aliniita mwanaume mmoja, akiwa keshalewa, alikuwa kazungukwa na watu, sijui ndio walinzi wake, na pembeni yake alikuwa na wasichana huku na huku.

Nilipofika, akaniambia nikae kwenye mpaja yake, nikakataa, mara akainuka na kunishika kwa nguvu,…nikawa nakataa, na alipotumia nguvu, sikuweza kuvumilia,….maana sio kunishiak tu,, akawa ananichezea kwenye matiti yangu, nikaona hapo imefika pabaya, nakachukua chupa, kwa hasira nikampiga nayo kichwani

Wale jamaa zake ambao sijui ni walinzi, walinibebe juu kwa juu, wakataka kunibamiza chini, lakini huyo jamaa akawaambia waniache tu, akachukuliwa na hawo watu wake, wakaondoka , mimi kwa ujumla sikuona kosa, maana dhamira yake ilikuwa mbaya, nikajitetea,…..

‘Umefanya nini Maua,…huoni unanifukuzia wateja, mimi sikubali kabisa…umefanya kosa kubwa sana, hujui jinsi gani ulivyoharibu….’akasema.

‘Sasa wewe ulitaka nibakwe…’akasema Maua.

‘Kitu gani kigeni kwako,..yule ni mmoja wa wateja wangu mashuhuri, yule ni mfanyabiashara mkubwa, ana miradi mingi, …ni tajiri wa hali ya juu, nikimkosa huyo nitakuwa nimekosa kila kitu….sasa sijui tufanyeje, maana nasikia kashonwa nyuzi mbili’akalalamika mama mdogo.

‘Sasa nifanyeje mama ….maana kama ulivyoona, alitaka kabisa kunifanya vibaya…ananidhalilisha mbele ya watu wake…kwanii mimi sina uhuru wa kujitetea…’akalalamika Maua.

‘Vibaya gani wewe, ….angelikufanyaje vibaya pale hadharani,….ulitakiwa kutumia mbinu kidogo, kumdengulia, na kumliwaza,. Mwenyewe angekuachia, unaondoka zako huru, na anakuachia mapesa kibao….watu kama wale hutumii nguvu, ni akili kidogo tu,…..sasa kasema yeye kakusamehe, ila unatakiwa uende mwenyewe ukamuombe msamaha….’akasema mama mdogo.

‘Niende wapi mama, kwani kalazwa hospitalini?’ akauliza Maua.

‘Hapana yeye akija huwa anafikia hoteli kubwa za hapa jijini, lakini hakai sehemu moja , anaweza kila siku akapanga hoteli tofauti tofauti, ngoja nitawasiliana naye nijue kesho yupo wapi’akasema mama mdogo.

Basi kesho yake nikachukuliwa hadi nyumbani kwa huyo mfanyabisahara, na nilimkuta akiwa katulia kwenye sofa, na mlango wa humba cha kulala, ulikuwa wazi, akainuka na kuufunga, halafu akrudi na kukaa kwenye sofa, akiwa na bandeji kichwani,….alikuwa kashikilia laptop mkononi, na alipotuona, akawa kama hajali akawa anaendelea kuandika kitu kwenye laptop yake,…..baada ya muda,akaiweka ile laptop kwenye sofa, na kusimama kutukaribisha kwa furaha, hakuonyesha kinyongo chochote , tofauti na nilivyofikiria;

‘Oh, karibuni, sikujua kuwa kweli mtafika,….nina wateja wangu wanatarajia kuja baadaye, unajua biashara zangu, ni za hapa na pale, na sitaki nikae sehemu moja kwa muda mrefu, ….sasa kwa vile mumeafika sina budi niwapigie hawa watu wangu, wachelewe kidogo..’akasema huku akipiga simu na kuongea na watu wake.

Na wakati anaongea mara mlango wa kile chumba ha kulala ukafunguka kidogo, na akatokea msichana mmoja, inaonekana alikuwa kalala , kwani alitoka na nguo ya kulalia,…na alipowaona hawo wageni akarudi huko ndani kwa haraka, hakufunga ule mlango, ….

Mama mdogo akamfinya Maua kwenye mkono, Maua hakuelewa ana maana gani, na yule mwanaume alipomaliza kuongea kwenye simu, akageuka kule kwenye humba cha kulala, akaona ule mlango upo wazi, hakufanya kitu akawageukia wageni wake, …mama mdogo, akasema;

‘Kama ni wateja wako, ngoja sisi twende, ila nia na lengo letu ni kuja kukuomba msamaha kwa tukio la jana, …’akasema mama mdogo.

‘Msijali hiyo ni kawaida, hata mimi inabidi niwaombe msamaha, maana pombe zilinizidi, nikajikuta nimepitiliza, msitie shaka, hilo limekwisha, ….ila naomba sana nipate muda wa kuongea na huyu binti yako, kama hamtajali’akasema na mama mdogo akaondoka hata bila kusema lolote.

Nilibakia na yule mwanaume, alionekana ni mtu mzima,….mwenye mwili mkubwa, na pale tulivyomkuta alikuwa kavalia bukta na kifuani kavalia kifulana, kinachombana, kwahiyo mwili mzima ulikuwa ukionekana , kwa jinsi alivyonenepa, …kwa ujumal alionekena ni mtu mwenye uwezo wa kifedha.

‘Binti mrembo, kwanza nikuombe msamaha kwa hayo yaliyotokea, na sio mimi tu, wengi wakikuona wanashindwa kuvumilia,….kweli wewe ni mrembo, na nasikitika kuwa mrembo kama wewe unafanya kazi kama ile, ulistahili ukae kwenye ofisi kubwa….’akasema huku akimwangalia Maua kwa makini, na kila Maua alipojaribu kumwangalia huyo mwanaume alishindwa , akawa hajisikii vyema kuwa karibu na huyo mtu, hakuelewa ni kwanini.

Maua alishindwa kabisa kujizuia , akashindwa kuficha ule uwoga uliomuingia, na hasa akijua kuwa humo ndani kuna msichana mwingine, ambaye hakuelewa vyema, huenda ni mke wa huyo jamaa, na akajikuta akiwa na wasiwasi, aibu, …., na yule mwanaume alipoona hivyo, akatabasamu, na kusema

‘Hivi wewe ni mgeni kabisa hapa Dar, na umesoma hadi darasa la ngapi?’ akauliza.

‘La saba…’akasema Maua kwa mkato huku akionyesha kuogopa, na alitamani atoke, akimbie nje,, alitaja hilo darasa la saba japokuwa hata hilo darasa lenyewe la saba alisoma kwa kubahatisha….

‘Darasa la saba!?, mbona hufanani nalo, basi unahitajika uongeze madarasa ili nikuajiri kwenye ofisi zangu,….mimi sikuosoma sana, lakini pesa zangu zimenifanya nisome, niwe na hali ya mtu wa chuo kikuu,….sasa nataka nikija hapa Dar, wewe unakuwa kwenye ofisi yangu, …hiyo ofisi nitaifungua kwa ajili yako, sitaki upate shida, ….’akasema.

‘NItamuuliza mama …’akasema Maua.

‘Hayo ni maisha yako binti, kwani huyo ni mama yako mzazi?’ akauliza.

‘Ni mama yangu mdogo….’akasema Maua.

‘Unaona, mama wadogo huwa wanawatumia watoto wa wenzao vibaya, hawajali, …sasa mimi nitakujali,…nitafungua hiyo ofisi, na mshahara utapata, kila nikija Dar, wewe unakuwa ndani ya ofisi, unaniwekea mahesabu yangu vyema, na unafanya mipango ya wapi nitafikia…unanitafutia hoteli….sawa?’akasema huku akiangalia saa yake.

‘Lakini mimi sijasoma sana, na….’akalalamika Maua.

‘Hilo usijali, kazi zangu hazihitaji elimu kubwa, ni ujanja tu, ujue hoteli gani…na hayo utamuuliza mama yako,anajua hoteli zote za hapa Dar,tumefahamiana naye kwa muda mrefu,.’akasema.

Maua akainua mkono na akawa kama anatafuta ukucha, …akajishika kama anajikumbatia, huku akiwaza jinsi gani ya kutoka humo haraka iwezekanavyo, na yule mwanaume alipoona Maua anavyohangaika, akainuka na kumsogelea.

 Maua alipoona yule mwanaume akimsogelea akarudi nyuma, huku akiwa kajishika kama ameukumbatia mwili wake usishikwe na huyo jamaa, na yule jamaa bado akazidi kumsogelea na Maua alipoona hivyo, akageuka na kufungua mlango , akakimbilia nje, na kule akakutana na mama yake mdogo akiwa anaongea na watu wengine, wengi wao wakiwa ni wanaume.

‘Vipi mambo yamekwenda shwari, eeh?’ yule mama akamuuliza Maua

‘Mama mimi…’akaanza kulalamika, huku mwili ukimtetemeka, kwa wasiwasi na uwoga,…hakuweza kuongea zaidi, alisita kuongea zaidi pale alipogundua kuwa hapo kwenye hiyo sehemu kuna watu wengine, na hakutaka wasikie ni nini kimetokea huko ndani. Wale watu wengine walionekana kutokwa na habari na yeye, ilionekana kuwa kila mmoja kaja hapo kwa mambo yake.

‘Usije ukawa umeharibu tena, maana yule ndiye tajiri yetu hapa mjini, unaona watu wote hapo, wanamsubiri yeye, ana pesa kama mchanga, wenzako wote wanamnyenyekea,….sasa kama wewe umelikoroga na kuchezea shilingi kwenye tundu la chao, shauri lako, utakuja kuijutia hiyo nafasi…’akasema mama mdogo.

‘Lakini mama, hata kama ana pesa, ndio anishike bila matakwa yangu, kwanza namuona kama baba yangu, ni mtu mzima…hayo ndio yaliyonikimbiiza huko kijijini…’akalalamika Maua.

‘Hahaha…ni mtu mnzima, mbele ya pesa hakuna cha utu uzima sote tunakuwa sawa…..sikiliza nikuambie binti yangu, haya ndio maisha ya mjini, kuna namna nyingi za kuishi hapa mjini, na ukiwa mjanja, huta….sikiliza kwa makini, huta-kufa njaa kamwe, na watu kama hawo, ndio wafadhili wetu….’akasema mama Mdogo, na akasimama pale alipomuona yule mwanaume akitoka.

Alikuwa kavalia bukta vile vile, hakujali, na wote waliokuwepo hapo wakasimama, utafikiri katokea mtu gani,… kila mmoja akitaka kumsogelea ,  lakini kumbe kati yao kulikuwepo na walinzi wake, wakawa wamesimama kati ya hawo watu na huyo mwanaume,…..Yule mwanaume hakuwajali hawo walinzi, alisogea kwenye sofa na kukaa,  mkononi alikuwa kashikilia mkoba(briefcase)

Alipokaa kwenye sofa na kupitisha mguu mmoja juu ya mwingine, alilala na kuegemea lile sofa, halafu, akawa kama anajinyosha, halafu akawa anazungusha shingo huku na huko kama anainyosha, akatulia kwa muda, halafu akainua mwili , kutoka kwenye hali ya kuegemea lile sofa na kukaa vyema, ….akaufungua ule mkoba wake…..huku akisema;

‘Sikilizeni, …najua kila mmoja anajua majukumu yake, sitaki kuwapotezea wakato wenu,..leo sina kazi kubwa, ila nahitaji kesho asubuhi na mapema tukutane…’akasema huku akageuza uso kumwangalia kila mtu aliyekuwepo hapo , na alipofikia kwa Maua, akatulia kidogo, akatabasamu. Maua akajikuta mwili ukimtetemeka tena, moyo ukawa unamwenda mbio,,…akajihisi  kuogopa, hali ambayo ilimfanya hata miguu iishiwe na nguvu, akatamani atafute sehemu akae.

‘Na wewe binti, kama nilivyokuambia,…hawa hapa watakuwa chini yako. Nikija wewe ndiye utakuwa unawalipa mishahara yao,…..’akatulia huku akimwangalia kwa makini, na baadaye akainama kwenye mkoba wake, ambao kwa muda huo ulikuwa umefunguka kidogo, akasema;

‘Hayo ni kama utakubaliana na mimi….siwezi kukulazimsiha,…ongea na mama yako, anajua kila kitu…’akasema na huku akiufungua huo mkoba wake, na kuhukua kitu ndani ya huo mkona, akawa anatoa bahasha, akainua uso na kuwaangalia tena mmoja mmoja, akainua mkono na kuanza kuita majina mmoja mmoja,….majina hayo yaliandikwa kwenye hizo bahasha. Na wote wakawa wamepata bahasha zao isipokuwa mama Maua na Maua mwenyewe, akainuka kutaka kuondoka.

Alikuwa keshainuka, kwenye sofa, lakini akawa kakumbuka jambo, na kurudi kukaa kwenye hilo sofa akasema;

‘Humo kuna kila kitu kwa ajili ya kesho, mimi nimeshamaliza mzigo wangu kesho hiyo hiyo naingia ndege naondoka, kama kuna zaidi mtanijulisha, kama kawaida…’akainuka na kuondoka. Na huku simu yake ikiita, akapokea na kusema kwa sauti, huku akitabasamu, akasema;

‘Ndio mpenzi nipo bongo…..usijali, nitakuleta kila kitu unachotaka, ….mpenzi, wangu, ..hakuna mwingine zaidi yako….’akawa anaongea huku akitembea kuelekea huko kwenye chumba chake.

Mama mdogo wa Maua, akamgeukia binti yake ambaye kwa muda huo alikuwa akimwangalia yule mwanaume akiongea na simu yake, ….moyoni akawa anajiuliza mbona huyo mtu anaonekana kuongea na mkewe,na kumdanganya kuwa hakuna mwingine zaidi yake, na wakati huo huo, ana msichana chumbani kwake, na jana alionekana akiwa na wasichana wengine akinywa nao kwa starehe,..na walionekana kabisa ni wapenzi wake.

‘Huyu mtu sio mwaminifu, sipendi watu wa aina hii….nitakuwa mbali na yeye,…sijui kama nitakubali kufanya kazi na mtu kama huyu….’akawa anaongea peke yake, na akashituliwa na mkono wa mama yake ukimshika kwenye bega

‘Unaona bahati hiyo…binti yangu umeukata,..tangu tukutane na huyu mtu huwa hamuamini yoyote, pesa na malipo anafanya peke yake, leo mimi kanisahau , sijui ni kwasababu ya lile tatizo la jana, lakini sio mbaya, ilimradi kakufikiria wewe, hiyo ni hatua nzuri, nimefurahi sana leo, kuanzia sasa andika kuwa wewe sio masikini tena…..

Maua akamwangali mama yake mdogo kwa macho ya kushangaa, akawa haamini hayo anayoyasikia, ina maana mama yake mwenyewe anakubali hayo yafanyike kwa binti yake,….

‘Kama angelikuwa mama yangu hapa , asingelikubaliana na haya mambo, ..lakini sasa nitafanay nini, na mimi nahitaji kupata kazi, ili niweze kumsaidia mama yangu….ooh, mungu wangu nisaidie,..nakuomba unilinde na haya nisiyoyajua hatima yake…’akajikuta akiangalia juu, huku akiomba kimoyo moyo….

‘Maua tuondoke, hapa hapahitajiki mtu tena, maana huyu jamaa akitoka humu, ni kama raisi, hatutakuwa tunajulikana tena, na ukimsogelea unaweza ukatolewa ubongo wa risasi….pesa hiyo binti yangu, haya tuondoke, ila kesho inabidi kujikwatua vyema, inabidi nikakununulie nguo za aina yake, ili ukikutana naye, akuone ni mpya kabisa, mrembo …malikia wa bongo…..maua wa kweli….’akawa anasema huku akimwangalia juu chini.

Mara kweli hali ikabadilika, watu wakaseogezwa pembeni, na jamaa akatoka akiwa kabadilika kabisa, alikwua kavalia suti nyeusi, na miwani meusi, kama walivyovalia walinzi wake,….alikuwa kashika mkoba wake mkononi, huku, akiongea na simu, na ilionekana bado alikuwa akiongea na huyo mke wake.

‘Sikiliza Malikia kesho mchana nitakuwa nimefika hapo,…usiwe na wasiwasi…huku mambo shwari….’akawa anaongea huku akipita pale waliposimama Maua na mama yake, na bahati nzuri, akageuza uso na macho yake yakakutana na ya Maua, akaminya jicho, kama anamkonyeza, na Maua akakunja uso, na kuangalia pembeni….

‘Malaya mkubwa, muongo, mzandiki….’akajikuta akisema kwa sauti, na mama yake akamshika mkono na kumwambia;

‘Maneno gani hayo,….hebu tuondoke hapa, nakuona huna maana kabisa,….utaifanya siku yetu iishie kubaya

NB: Hayo ndio kwa leo, tukijaliwa Maulidi njema

WAZO LA LEO:Usimtendee mtoto wa mwenzako vibaya, ujue hata wewe ni mzazi, hata kama hujajaliwa kupata mtoto, ukumbuke unayomtendea mtoto wa mwenzako na hay ohayo yatakuja kutendwa kwa mtoto wako.

Blog yenu inawatakiwa nyote mapumziko mema, na sherehe njema za kumbukumbu ya mazazi ya mtume wetu Muhamad (S.A.W), MAULID NJEMA.

 

Ni mimi: emu-three