Mbio za sakafuni huishia ukingoni-sehemu ya pili-6

Nikiwa sijitambui, akili ikawa inaingiwa na picha za ajabu ajabu, kwanza nilimuona mume wangu akiwa kashikana mkono na mwanamke, huku huyo mwanamke akimchekea kile kicheko cha sauti ya juu ya mahaba, halafu akamuegemea na kumbusu, hilo tendola kumbusu mume wangu lilikuwa kama kumwangia petrol kwenye moto, niliinukapale kitandani na kujikuta nikihaha kwa hasira.

‘Wewe Malaya wewe, nikauonyesha kuwa mimi sio mshamba, nikawasha taa, na kuangali huku na kule, sijui nilichokuwa nikitafuta, labda nilikuwa nikitafuta silaha, lakini hakukuwa na silaha ambayo ingenifaa, nikaendelea sehemu nilipoweka nguo zangu, nikavua nguo za usiku nilizokuwa nazo na kuvaa suruali ya kazi.

Nikavaa na kosto ambalo lilikuwa na kofia yake, ukilivaa unakuwa umejiufunika sehemu kubwa ya kichwa, nikajiangalia kwenye kiyoo, na kusema;

‘Sasa nakuja kupambana na wewe Malaya mkubwa…’nikazima taa ya pale ndani na taratibuu nikatoka chumbani kwangu kwa kunyata, sijui kwanini nilifanya hivyo, je nilikuwa namuogopa nani sijui, nikawa natembea mwendo huo huo,

Nilipofika chumba cha mwanadada ambacho hakikuwa mbali na chumba changu, nikasimama, na nikawa najiuliza nifanya nini, nimgongee au niendelee ka kusudiolangu, nikasema;

‘Hata ngoja niingia nimpe taarifa kuwa mimi nakwenda vitani, asisumbuke kunitafuta, nikifa vitani basi tena asiwe na shaka na mimi..’

Nikafungua mlangobilakugonga,ulikuwa haujafungwa kwa ndani, nikawa nipo ndani ya chumba cha rafiki yangu ambaye alionekana ndio katoka humo ndani karibuni, kwa jinsi kulivyokuwa mle ndani.

‘Huyu kaenda wapi saa hizi au ndio kazamia kwa wanaume zake,..shauri lake, mimi sio Malaya kama yeye, kwanza anniita mimi mshamba, ngoja, nimuonyeshe kuwa mimi sio mshamba..’nikasema huku nikimtafuta kila konaya humo ndani sikumuona, nikaingia chumba anacholala, na kukuta hakuna kitu.

‘Shauri lake, ….kama kaenda huko kwa wanaume, atajua mwenyewe, mimi nakwenda vitani, ama zake ama zangu, huyo Malaya hawezi kunichukulia mume wangu, nikimkuta tutakua naye sahani moja..’nikasema na bila kujua ni nini ninafanya nikafungua kabato la nguo, na humo nikakiona kile ninachokitafuta.

Mkoba wa kike ulikuwa umewekwa pembeni mwa hilo kabati, nikauvamia na kusema;

‘Humu ninajua kuna ….’nikasema huku nikiupekua utafikiri ni wa kwangu, na kweli mata nikaona kile ninachokitafuta, nikakitoa na kukitizama,….

‘Hii ndio itakayomuweka sawa huyo hawara, mimi …ni askari, najua kuitumia hii,….’nikaitoa kwenye ule mfuko na kuifungua sehemu kunapowekwa risasi. Niliwahi kufundishwa kutumia hii silaha wakati alipokuja mzungu mmoja kule jijini kwetu.

Yule mzungu alikuwa na bunduki na bastola, basi mimi na wenzangu tukawa tunapenda kumsaidia huyo mzungu kazi zake na akawa akitufundishs jinsi gani ya kutumia silaha, kuisafisha na jinsi gani ya kuweka risasi, na tukawa tunaijau vyema, na hata siku nyingine tunakwenda naye kuwinda, kwahiyo nilikuwa nikiijua.

Siku ile nilipoiona hii silaha kwenye mkoba wa huyu mwanadada, nilijua kuwa huenda huyu mwanadada anaitumia hiyo silaha kwa ajili ya kujilinda, lakini niliingiwa na wasiwasi wa kumshuku kuwa huenda ana nia mbaya na hiyo silaha, …

‘Sasa nimekamilika nikiingi vitani najua kuwa nina kitu cha kunilinda, ….’nikasema huku nikiificha ile silaha kwenye sehemu ya suruali niliyovaa, ilikuwa na kitu kama mkobwa pembeni,…Nilipohakikisha kuwa nimeiweka vyema, nikarudisha ule mkoba kama nilivyoukuta na kutoka nje ya kile chumba.

Sikujali kuwa nimechukua kitu cha mtu, sikujali kuwa kun amt yoyote anayenifuatilia, kwa muda ule nilijiona kama nipo peke yangu, nikaanza kutemba kwa mwendo wa kiakari tayari kuingia vitani. Nikatoak nje ya ile hoteli, na kuanza kuingiwa na kibaridi cha usiku, sikujali, mawazo yangu yalikuwa huko ninapokwenda.

Nilitembea mwendo wa kujihami, yaani unatembea huku unajificha kwenye vivuli vya miti, hadi nilipofika kwenye hiyo hoteli ambayo nilijua fika ndipo alipokuwa mume wangu, nikaingia ndani ya ile hoteli, na kwa muda huo ,kulikuwa na pilika pilika nyingi na hakuna aliyejali ni nani anaingia.

Nikaingia mapokezi, na moja kwa moja nilikwenda huko wanapokuita ni kwa watu maalumu, nilisangaa kwani mwanzoni nilipofika hapi kulikuwa na ulizni mkali lakini kwa muda ule, watu walionekana wamechangamka, kila mmoja na hamsini zake.

Nikasogea hadi kule nilipoonyeshwa kuwa ndipo waheshimiwa wanapotumia, huko nilijua kabisa sitaweza kuruhiswa kuingia, nikatoka hadi sehemu wanapoweka vifaa vya jikoni, nilipofika nikaoana zile nguo wanazovaa wahudumu za kujifunga kiunoni, nikajifunga na kwasababu ya baridi, kuna wahudumu walikuwa na sweta kama langu, kwahiyo niliona haina haja ya kulivua, nikatafuta gilasi na kuzipanga kwenye sinia, na bahati kwenye kabato kulikuwa na vinywaji, nikazipanga chupa mbili nikatoka na kujifanya mmoja wa wahudumu.

Ilikuwa bahati yangu, kwani nilipita pale kwa walinzi bila kuulizwa, wale walinzi walikuwa na kazi ya kuwakagua wanaume wawili waliokuwa wakitaka kuingia na mimi nikapita haraka huku nimebeba hilo sinia, na hapo nikajikuta kwenye chumba kikubwa cha kifahari, humo kulikuwa na masofa makubwa, na waheshimiwa walikuwa wamekaa huku na kule wakinywa na kuangalia runinga kubwa iliyokuwa mbele yao na kila mmoja pembeni yake kuna mshirika mwenza mwanamke .

Sikuhangaika kumtafuta mume wangu, nikakumbuka kuwa yule jamaa niliyekutana naye mchana aliniambia kuwa hawa waheshimiwa wawili ninaowatafuta  vyumba vyao vipo mwishoni amba, huko kwenye vyumba vyao unaweza kuangalia mandhari ya nje, basi nilichofanya ni kwenda huko na kusubiri hapo nje,…

Haikupita muda mara watu wakaanza kuingia kwenye vyumba vyao, wengi walikuwa wamelewa, na kuwa kama wanabebana ilikuwa kama majogoo yaliyopigana na sasa yamechoka, kila mmoja akitafuta nyenzo ya kujishkiza kwa mwenzake, na hata hivyo hakuna aliyekosea kuingia kwenye chumba chake, walionekana ni walevi waliokubuhu.

‘Haya mpenzi, twende tukalale, unataka nini tena huko….tatizo lako wewe bwana mshamba, sijui huyo mkeo kakupa nini…’akasikia mbaya wake akiongea na mume wake. Na mume wake akawa  hasemi kitu, alikuwa kashikilia simu yake mkononi, iionekana anataka kuitumia. Nilijua anataka kunipigia kwani mara nyingi muda kama huo ndipo anaponipigia simu.

‘Ngoja nimpigia mama watoto wangu asione nimemtupa, siunajau tena, yule ndiye ananifanya nijisikie nina mke…wewe ni …nyumba ndogo tu…na hiyo kauli yako ya kuniita mshamba, ipo siku utanijua kuwa mimi ni mtoto wa mjini, tena msomi…nitakuweka ndani uwe mke wa pili, tuone mimi na wewe nani mshamba…’akasema mume wangu.

‘Mke wangu ,mke wangu, …Achana naye huyo mkeo, ukitoka nyumba na kufika hapa huna mke tena, mkeo ni mimi, kwanza huyo ni mshamba tu,inaonekana mumeoana washamba, hebu jiulize huyo mkeo anajua kukupa mapenzi kama haya ninayokupa mimi?’ akaulizwa. Na kauli hiyo ilinipandisha hasira, nilitaka kusema neno , lakini naikajituliza, huku nikiumia ndani kwa ndani.

‘Hata kama hanipi mapenzi kama haya unayonipa mimi,lakini yeye anasifa kubwa ya kuitwa mke wangu, hilo tu linatosha, wewe nisubiri kidogo, maana wewe unachojali ni pesa, huna lolote’akasema huku akijaribu kupiga simu, lakini namba ilikuwa haipatikani, kwani mimi nilikuwa nimeshatoa ile line na kuweka line nyingine. Akawa anajaribu tena na tena lakini hakuweza kuipata. Yule mwanamke akasema kwa hasira;

‘Ina maana mimi unaniona ni Malaya, najiuza, au sio, unakumbuka uliponichukulia, mimi nina kazi yangu, na nimekuja kwako kwa vile umeahidi kuwa utanioa, vinginevyo ningelikuwa kwangu, …..wapo watu wanataka kunioa, lakini kwa vile nimekupenda wewe, ndio maana unaringa, unaniita Malaya, eti nataka pesa,…’akawa analalamika huyo mwanamke.

‘Na wewe bwana huna dogo,…’akasema mume wangu .

Alisogea pembeni na kutulia, ilionekana hakuwa na raha, na jinsi alivyokuwa kasimama na huku katulia ilionyesha wazi alikuwa na mawazo, akatulia na kujaribu tena kupiga simu lakini haipkupatikana. Akashika kichwa, halafu akasema;

‘Huyu naye sijui simu kaweka wapi,  kwanini hapatikani, mmh, mke wangu jamani, …sijui kwanini nimejiingiza kwenye haya maisha. Hizi kazi nyingine hazina adabu,…oh, mke wangu, huko ulipo naomba unisamehe, sifanyi haya kwa kupenda, ni …ni, maisha tu, anyaway, najua hakuna shaka, nitampigia kesho,…’akasema huku akinipita pale niliposimama.

Aliponipita akawa kama kashituka, akageuka kuniangalia na mimi kwa muda ule nilikuwa namwangalia, karibu macho yetu yakutane, alipogeuka nikainama chini na kujifanya napanga gilasi kwenye lile  sinia, yeye akasema;

‘Wewe nakuona kama mgeni hapa, sikumbuki kukuoana kabla, …mrembo kama wewe unahitajika kuolewa, ….halafu unafanana sana na mke wangu, kwanini….’ Akasema na kabla hajamaliza, sauti ikatoka ndani ikisema kwa ukali;

‘Unaongea na nani tena huko, mbona unanichelewesha, hujui kuwa kesho ninahitaika kazini, hapa nimekuja tu kwa ajili yako,….mimi nataka kulala, ili niamuke kesho asubuhi na mapema’ sauti ikasema toka chumbani.

‘Wewe dada baadaye niletee vinywaji baridi…vingine, na nyama choma, eeeh,halafu tutaongea….’akaniambia kwa sauti ya chinichini, masikini hakujua kabisa anongea na nani, kwani kama nilivyovaa, na lile sweta, lilifunika shingo, na kofia yake ilikuwa imefunika sehemu kubwa ya kichwa, na kuacha sehemu ndogo ya usoni, na nilikuwa simwangalii moja kwa moja usoni nikasema;

‘Sawa muheshimiwa,….’nikajifanya kama naondoka, lakini sikwenda mbali nikasubiri hadi alipoingia ndani.Baadaye nilichukua sinia na vinywaji ambavyo nilivikuta huko chini, na kugonga ule mlango nikaingia navyo hadi ndani.

‘Weka hivyo vinywaji lakini usicheze mbali ninaweza kukuhitaji tena,..’akasema mume wangu huku akiwa keshavua nguo na kubakiwa na nguo zakulalia tu, nilimuona akiniangalai sana, sijui ndio tamaa, au alihisi kitu

‘Mpenzi unaongea na nani huko tena, njoo miminasikia baridi..’akaseikai huyo mwanamke akimuita mumewe, na hap hasira zikatinga akilini, lakini nilituliza mtima wangu, na kupeleka vile vinywaji hadi kwenye meza,…

‘Nipelekee huko chumbani, ..’akasema mume wangu.

Nikaingia hadi chumbani na kumkuta yule mwanamke kaka kitandani akiwa kava nguo za kulalia, huku akiangalia runinga, hakutaka hata kuniangalia, mimi nikajiiba na kumwangalia sura yake. Huku nikiwaza nifanya nini kwa wakati ule, akili ikawa inayumba na kichwa kikawa kinaniuma sana.

Baadaye mume wangu alitoka akasema anakwenda kuoga kwanza, nakumucha yule mwanamke, na mimi kwa muda ule nilikuwa kwa nje, nikisubiri kutumwa, nilipoona mume wangu katoka nikaingia kule chumbani na kumkuta yule mwanamke kalala nusu uchi, hasira zikanipanda, nikaangalai pale nipoweka silaha yangu,…

‘Wewe Malaya nio wewe unayeniibia mume wangu,…’nikasema kimoyo moyo.

‘Wewe umefuta nini huku, unatakiwa ubakie nje, utaitwa ukihitajika, wewe vipi bwana akasema huyo mwanamke.

‘Unajua unaongea na nani wewe Malaya ..’nikasema.

‘Eti nini….wewe una kichaa ehe, umechoka na kzi yako, huji nikimwambia huyo bosi wako utafukuzwa kazi kwanza hebu toke nje..’akasema huku akinuka pale kitandani na alikuwa kama alivyozaliwa, na hapo hasira ziksnihika, nikatoa ile bastola,….

Haposikumbuki ni nini hasakilitokea, maana hata kabla sijaiweka hiyo silaha vyema, nilisikia mlio ulionishitua, na mara nikasikia sauti ya yowe, …

‘Nakufaaa….’ 

Mimi sikusubiri tena, nilitoa mle ndani kwa haraka na cupouka kama mwizi, nikachukua lile sinia la vinywaji na kwa mwendo wa haraka kidogo, huku nikichukua tahadhari, nikaelekea chini, na kwamuda ule hakuna aliyenishitukia kwani kila mtu alikuwa akikimbia kivyake. Wengi walijua mimi ni mhudumu, na nilipofika chini sikupoteza muda, nikatoka nje, na kurudi kwangu, ….

NB: Tupo pamoja, ..

WAZO LA LEO: Uaminifu kwenye ndoa ndio nguzo kubwa sana, na jaribu kumjali mwenzako hata kama haupo naye karibu, kwani lolote utakalolitenda kinyume na masharti ya ndoa huweka doa baya kwenye ndoa yenu, mbingu na ardhi hutamani kupasuka kwa ajili ya ubaya wa hilo tendo.  Jiulize kwanza je haya ninayoyatenda akitenda mwenzangu nitafurahi.

Ni mimi: emu-three