Mbio za sakafuni huishia ukingoini -sehemu tatu-2

‘Mume wangu nakuona huna raha tangu uliporudi huko kwenye kikao imekuwaje?’ nilimuuliza mume wangu aliporudi,na kuonekana mnyonge. Moyoni nilishajua kuwa kuna tatizo na tatizo hilo kubwa,na nikijua mimi ni mmoja wa waliosababisha hilo tatizo, lakini ilibidi nijifanye kama sijui nini kilichotokea.

‘Mambo kama kawaida tu, mizengwe mingi na sijui itakuwaje?’ akaniambia kwa ufupi na kukimblia chumbani, mimi nikampa muda kidogo, sikumfuata huko chumbani haraka,  nisubiri muda, nikijua huenda ataingia na kutoka, ili tuendelee kuongea na nilipoona hatoki nikamfuatilia huko huko ndani na kumkuta kalala kichwa kaelekeza juu akionekana mwingi wa mawazo.

Kwa jinsi alivyokuwa na mawazo hakujua kabisa kuwa nimeningia na hata alipiskiia sauti yangu alikuwa kama anashituka.

‘Mume wangu mbona unaonekana haupo sawa, inakuwa kama vile  huko ulipotoka hakuna heri, ndio kusema umeshindwa au kuna jambo jingine ambalo mimi silijui, kamakuna jambo jingine,mimi ni mkeo nastahili kulifahamu, huenda nikasaidia katika kutoa mawazo?’nikamuuliza.

‘Kuna jambo jingine gani tena, nani kakuambia kuwa kuna jambo jingine,hakuna kitu kama hicho, tunasubiria uamuzi, kuna muda mambo hayakwenda vyema,lakini jina langu limeshapendekezwa, nitakuwa kuwa kwenye uchaguzi huu, lakini kuna vitisho vya hapa na pale, yote hayo ni kawaida tu’akasema.

 Ni kweli mume wangu katika uchaguzi wa kwanza alipitishwa na kuwa mmoja wa wagomea ubunge,  uchaguzi, lakini kwenye kupigiwa kura ndio hakufanikiwa, hata hivyo uchaguzi huo haukukubaliwa, watu waliweka pingamizi na hatimaye ndio ulikuja kufutwa na kutakiwa uchaguzi huo urudiwe. Na ndipo tatizo likajitokeza, yale yaliyokuwa yamjificha yakaanza kufichuliwa.

Kwasababu ulipita muda mwingi, mimi nilishaanza kusahau yale yaliyotokea nyuma nikijua kuwa yale mambo yameisha, na jinsi gani yalivyoisha mimi sikuweza kujua. Na kipindi chote hicho sikuwahi kukutana na huyo mwanadada, mke wa adui wa mume wangu, kwani wakati tunarudi aliniambia ili kuwa na usalama ni vyema tukawa hatukutani, makutano yetu na atbia zetu ziwe kama ilivyokuwa awali.

Tuliliongelea hili tukiwa hatujaingia kwenye gari ambalo alisema kalikodisha kwa ajili ya safari yetu. Na pale tuliposimamishwa na polisi, wakati tunarudi, nikajua huo ndio mwisho wetu.

 Polisi yule alituambia tuweke gari pembeni,nikajua sasa ndio nakamatwa.Lakini mwanadada akafungua mlango na kumwendea yule polisi wakasogea nyumaya gari,sijui waliongea nini, na baadaye mwanadada akaingia ndani ya gari, nakumwambia dereva tuondoke.

‘Vipi umeonga nini na huyo polisi?’ nikamuuliza.

‘Kumbuka kauli yangu ya mwanzo,  biashara ndio swala muhimu, hakuna zaidi, wewe endelea na mambo yako, mimi nimechoka sitaki kuongea kwa sasa, samhani.’akasema na kukaa kimiya. Mimi nikamuelewa, na humo ndani ya gari, tulikuwa kama wageni, ambao walikutana na hawajuani na hawataki kujuana, na kama ni maongezi, ni yale ya kawaida, ambayo mnaulizana, jambo la kawaida.

Tulipofika Dar, mwenzangu aliteremka njiani, akisema kuna mzigo anaufuatilia na kumwambia dereva anifikishe nyumbani kwangu, sikusema kitu, nikamshukuru na tukaondoka na yule dereva wangu. Yule dereva akashindwa kuvumilia akaniuliza.

‘Yule mwenzako ni dada yako au ni nani kwako,mbona kali hivyo?’ akaniuliza.

‘Hapana ni nimejuana naye hivi hivi tu, katika safari hii, wala simjui sana, na sina muda wa kumfuatilia’nikasema.

‘Lakini mkali, naona hata askari wanauogopa, na anapesa sio mchezo, mimi sio mara ya kwanza kunikodi, na akikodisha gari langu, najua mambo ni mazuri,nampenda sana kwani hana mvutano katika makubaliano ya malipo’akasema yule dereva.

‘Ina maana ulishawahi kukodishwa na y eye mara nyingi?’

‘Sio mara nyingi, lakini siku ambazo alizowahi kunikodisha nimemuona mapigo yake, ukisimamishwa na polisi akitoka nje tu wakimuona wananywea,’akasema.

‘Sasa kwanini wamuogope?’ nikauliza.

‘Si pesa, dada, dunia hii ukiwa na pesa huna shida, kila mtu atakuita mzee, hata babu yako atakuita mzee, muheshimiwa’akasema.

‘Yeye pesa anapatia wapi?’ nikamuuliza.

‘Hilo swali gumu kulijibu, nchii yetu hii iache kama ilivyo, ukilia shida, ulie kivyako, usiseme tuna shida. Kuna watu wana pesa hapa nchini, wanaweza wakakodi ndege, kilasafari wanayoitaka. Kwao pesa sio tatizo, tatizo ni jinsi gani ya kuitumia’akasema na mimi nikaona nisiongee mengi, nikatulia .

‘Na wewe dada sijawahi kukuona, umetokea wapi?’ akaniuliza.

‘Mimi nilialikwa kwenye sherehe na sio mtu wa kutembea tembea ndio maana hujawahi kuniona’nikasema.

‘Ni kweli, lakini ulipowaona polisi nilikuona ukiwa na wasiwasi, nikahisi kuna jambobaya limekukuta nini?’ akasema.

‘Mimi siwaamini polisi, nilijua watatuzuia na mimi nataka nifikenyumbani haraka, si unajua tena waume zetu ukichelewa, wanasema labda ulipitia mahali’nikasema.

‘Ni kweli, lakini huyo mwenzako sijui kama ana mume, na kama anaye atakuwa ni muheshimiwa mkubwa sana, ambaye hawataki kutembea pamoja, sijawahi kumuona akiwa na mumewe kama kweli yupo, na akiwa ndani ya gari huwa hataki kuongea, usimuulize swali, hataki kabisa, nimeshamjulia, tuliwa naye kimiya kama hakuna mtu.

‘Mimi sijui maisha yake…’nikasema na tulipokaribia kwangu, nikamwambia anishushe, sikutaka ajue kabisa wapi ninapoishi, nilichukua tahadhari.

‘Nilipompigia simu mwanadada, yeye alinijibu kuwa hahitaji mzigo wowote sasa hivi, na huenda akasafairi, kwahiyo nisimpigie simu hadi hapo atakaporudi’akasema hata kabla sijamuulzia nini nilichoaka kusema.

*****

Siku hiyo nikiwa nimepumzika, nikiwa nawaza mambo yangu mengi kichwani maana tulikuwa katika hali ngumu sana baada ya kutumia pesa nyingi kwenye uchaguzi na kuuza nyumba , magari, kwa ujumla hali haikuwa shwari. Kwahiyo muda mwingi nilikuwa natingwa na mawazo, na sikupenda kuongea ongea na watu. Na siku hiyo akaja mume wangu akitokea huko kwenye mambo yao ya chama.

‘Mke wangu, kamanilivyokuambia kuwa tumeweka pingamizi, kwasababu jina langu lilitakiwa ndilo lipite kwenye uchaguzi huu,lakini hawa watu wameweka mtu wao, na watu wangu wamesema tuweke pingamizi, lakini yote ynahitaji gharama.’akaniamba.

‘Sasa unatakaje?’ nikamuuliza.

‘Ndio nakufahamisha na safari hii nikuhitaji tena , kama nitapita uwe mpiga debe wangu upande wa wakina mama’akaniambia.

‘Mimi…hapana, huko sipo tena, siwezi kuuweka uso wangu katika mambo hayo tena, naomba sana tafadhali’nikasema .

‘Ina maana mimi ninavyohangaika unaniona sina maana’akasema.

‘Wewe kama umeamua kuingi a huko kwenye siasa ni juu yako, lakini nakuomba safari hii usiguse vitu vyangu’nikamkanya, lakini haikuwa rahisi kiasi hicho, tulijikuta tukiuza hata kile kidogo tulichokuwa nacho.

‘Mke wangu tukishinda vyote hivyo vitarudi, una wasiwasi gani, mimi nitakurudishia kila kitu chako kwenye biashaar zako, wewe utaona tu’akasema.

‘Huko ni kujipa moyo, hayo yote ni kwasababu umeshaonja asali, raha za kwenda huko vikaoni na kustarehe na nyumba ndogo zimewakolea, unafikiri mimi siyajui hayo yanayofanyika huko’nikamwambia.

‘Tatizo lenu nyie mkikutana kazi yenu kudanganyana tu, nyumba ndogo gani utakutana nayo huko vikaoni, hatuna muda huo kabisa, mkimaliza vikao mtakunywa kidogo kujipongeza halafu mnalala, hakuna cha nyumba ndogo huko’akasema.

‘Hayo utamdanganya mtoto mdogo,  lakini ipo siku ukweli utajulikana, na nakuambia siku ukweli ukijulikana na mimi nitachukua jukumu ambalo hutaamini kuwa ni mimi, kwasababu sasa hivi haki sawa, kila mtu ana haki ya kufanya sawa na mwenzake, na nakuapia utaumbuka kiukweli…’nikasema.

‘Jukumu gani utachukua, kwanzasio kweli, na kwanini niumbuke, huo wasiwasi wako‘akasema.

‘Kama sio kweli una wasiwasi gani, mbona hutulii,mbona ukiwa na mimi unakuwa huna raha, unakuwa kama mtu aliyeua, ‘nikasema, na akaniangalia kwa macho ya wasiwasi.

‘Mtu aliyeua,…mbona maneno yako makali,’akasema akiniangalia kwa uwoga, na mara simu yake ikalia,  akatoka nikashukuru kubakia peke yangu. Nilibakia peke yangu kwa muda, na mara simu yangu ikaita nilipoangalia haikuonyesha namba, nikaipokea

‘Sikiliza kwa makini, mume wako ananijifanya mbishi, hatujui sisi mwambie aipojitoa kwenye huo uchaguzi, tuthakikisha kuwa ile kesi ya mauaji waliyoificha kinamna tunaifufua, ukumbuke wewe ndiye uliyeua , hajui hilo, lakini atalijua, wewe ndiye wa kumkanya hilo. Kwahiyo sikiliza, mumeo sasa hivi tumempigia simu, hatujui ana mawazo gani, nenda kamwambie kuwa ajitoeharaka…’niliposikua hayo mwili ukaniihis nguvu,shinikizo likachukua nafasi yake.

Nilitoka hapo nilipokuwa na kumfuta mume wangu, na ndipo nikamkuta, akiwa kashikilia simu hajiwezi, anachoongea hakieleweki, na hali niliyomkuta nayo nilijua kuwa nipofanya juhudi ya kumnyang’anya ile simu atakufa muda sio wake.

Kila nikijaribu kumsogelea nilikuwa kama hataki nifanye hivyo, nikamwangalia na yeye akainua uso kuniangalia, yalikuwa macho ysiyokuwa na uhai, nikamuuliza

‘Mume wangu vipi…’hakujibu, akadondoka skafuni na kupoteza fahamu.

NB: Mambo ni mzito, mitandao umeme, na yaliyojuu ya uwezo wangu, lakini leo nimeweza kuandika kipande hiki kwa haraka, tuombeane heri.

WAZO LA LEO: Binadamu tulivyo ni kama vidole mkononi, havilingani, kiuwezo na mambo ya kipato, lakini vyovyote iwavyo sote ni wanadamu, tunastahili kuheshimiana na kujaliana. Mdogo amuheshimu mkubwa na mkubwa auheshimu mdogo. Tofauti zetu za rangi, dini au kabila, cheo nk  ni katika kujuana tu. Sasa Najiuliza sasa Kwanini tusipendane

Ni mimi: emu-three