Dawa ya moto ni moto-34

Bosi alihisi kitu,…akawa hatulii mle ndani, alishangaa jinsi gani walivyowekwa pale  ndani ya chumba muda mrefu kiasi kile, akahisi kuna kitu. Aliwaza mengi kuhsu maisha yake ya baadaye, akawa mara kwa mara anamwangalia mkewe ili aone kama wataongea, lakini mkewe alikuwa hamwangalii kabisa, na ilivyoonekana alikuwa anaonekana kama takataka. Je ndio mwisho wa ndoa, au kuna nini tena, na kama ndio mwisho wa ndoa, na akzi je, kwani wao ndio waliomuajiri…? Hayo hayawezi kuingiliana ila chochote kinaweza kutokea, je atakuwa na maandalizi gani…hayo yatajiapa baaadaye, la muhimu kwasasa ni kuwaza kuhusu hawa jamaa zake, kwanini yeye wamtenge na kudai kuwa yeye hastahili kujulikana kwa sasa, eti kukaa mle ni moja ya kazi zake, …

Haiwezekani haya sasa ni mateso, lazima aongee na huyo anayeitwa kiongozi, ingawaje hakuwa na mzoea kabisa ya karibu ya kuongea naye, akawaza mengi zaidi kama akijulikana kuwa kajiunga na kundi haramu kama hilo itakuwaje, …mara huku ana kes na mkewe, mara huku anatafutwa na ….hapana huko inabidi niachane nako, kwani Napata faida gani, kuanzia leo sipo na wao….akaapa moyoni, na kusema, kwanza inatakia aanzie hapo kwa kujikosha kwa mkewe, inabidi afanye juhudu za kumwambi aukweli na kutubu dhambi zake…alipofik hapo akamtizama mkewe, akagonga meza ili kumshitua….

Mkewe akamwangalia kwa jicho la hasira, na kutizama saa yake, alikumbuka jinsi alivyokuwa kavalia toka nyumbani , akijua anaenda kwenye shughuli kubwa, kaumba anaenda kifungoni…akajitizama mavazi yake, na kutamani ayavue na kuyachanachana…haina maana kwake tena….halafu akaendeela kuinama pale mezani, akatikisa kichwa na baadaye akasema, `hivi huyu mtu ana maana gani …kunifanya hivi, mimi sio mfungwa, mimi…atanihusishaje na makosa ya wazazi wangu…hana akili huyu ….’ Akasimama akajitizama alivyopendeza, hata kama ni mnene, akamtizama Bosi kama anammwangalia,..alipomuona Bosi akimtizama kwa macho ya matamanio, halafu macho yao yalipokutana Bosi akaangalia pembeni, Maua naye akakunja uso na kurudi kukaa.

‘Mke wangu hawa watu ni wabaya sana, hata mimi najiuliza tuna kosa gani, …na nilikuwa nataka kukuomba kitu fulani , noamba uniwie radhi kwa matatizo mengi niliyokusababishia, unajua nimefikiria sana nikaona haina maana katika misha yangu, natakiwa kutulia na kudumisha ndoa yetu katika hali ya upendo….naomba sana unisamehe mke wangu, tuyaache yaliyopita tugange yajayo….’ Akainuka na kwena kupiga mgoti mbele ya mkewe. Mkewe alimwangalia kwa makini, na halafu akasimama, kama vile anataka kumwinua, akainua mguu na kumkanya mgongoni kwa nguvu, na kwasababau ya ule uzito wake, Bosi alijikuta akilala sakafuni…chali!.

‘Kwanini unanifanyia hivyo mke wangu…ninazungumza haya toka moyoni, najuta kwanini nilishawishika na watu wasio na faidia kwangu, sasa naanza kuona kuwa hawa watu wanafanya hili kwa faida yao, wanatumia udhaifu wa watu kujinufaisha…hili limenipa fundisho, naomba sana mke wangu,…nakupenda sana….na kuanzia leo nitakuwa nawe bega kwa bega…hilo nakuahidi na kama nikirudia kichwa change ni halali yako…’ akasema huku anamsogelea mke wake ambaye likuwa katizama nje.

 Hakugeuka , wala hakusema kitu, alikuwa katizama nje, akiwaza mengi, alimuwaza huyu mume wake wapi walipotoka na nini walichopata katika ndoa yao, inaonekana ndoa yao ilikuwa siku za mwanzoni tu, lakini baaadaye mambo yalianza kubadilika, akajiuliza nini chanzo, ni yeye au ni tamaa za huyu mume wake, na je afanyeje, aachane naye….akaiangalia mwili wake ulivyohumuka, na kujiuliza ni nani atampenda kwa mwili kama wake, amejiachaia na kuwa pande la mama….hapana, natakiwa kubadilika, nikitoka hapa naanza mazeozi, kidogo kidogo nitarejea katika mwili wangu, ama kwa huyu mwanaume natakiwa kumpima maneno yake, kwa leo simpi jibu lolote!

 Bosi alipoona kimiya akafyata mkia na kurudi kukaa pale alipokuwa kaka mwanzoni, aliiona mnyonge, alijiona kadhalilika, lakini akasema hiyo ndiyo asili ya mwanaume anampomtafuta mwanamke, inabidi ajishushe, inabidi anyenyekee, na mwisho atafanikiwa….sikati tamaa nitambembeleza mpaka atakubali turejeshe mapenzi yetu, nitakuwa namshawishi aende mazoezini mpaka mwili wake uwe katika umbile bora, maana mmmh, kazidi unene….akamwangali halafu akacheka, Kicheko hihi kilimfanya mkewe ageuke kumwangalia, halafu akamuuliz aunacheka nini, akamjia kwa hasira…

‘Nacheka nikiangalia tulipotoka, ulikuwa kasichana , ….unakumbuka ulivyokuwa awali, siamini ni wewqe sasa hivi pandikizi la mama…ndio nacheka kuwa kipindi kile nilikuwa mnene zaidi yako nakulinda usionewe, leo hii wewe ndio unanioena mimi…ama kweli dunia hii hakuna mtu mwembamba…nakuomba tena mke wangu, hilo sio kwamba litanifanay nipunguze mapenzi kwako, nakupenda toka moyoni,na tuanze kazi moja, kufanya mazoezi pamoja, tukianzaia hapo tutakuwa tnajenga fikira za pamoja…’ akasema na kuinuka kumfuata mke wake.

 Mke wake alismama vile vile hakumgusa wala kusema kitu, alimwacha mumewe amshike mkono na mara akamsogela na mara akamkumbatia, lakini hakusogeza mkono wake, alitulia kimiyaa…baadaye Bosi akaondoa mikono yake na kusimama pembeni huku kimoyoni akisema `najua keshanisamehe, kinachotakiwa na kuonyesha kuwa anampenda kwa dhati, na hilo atahakikisha analifanikisaha….

 Akaona abdili maongezi na kusema ‘Mke wangu hapa mimi sikai tena, naondoka…’ akasema Bosi lakini mkewe hakumjibu kitu, alikuwa ana mawazo yake mengine kuhusu baba yake, kwani kama  walivyoambiwa  na kuonyeshwa kuwa baba yake kafungwa chumba kingine kama mfungwa kama wao walivyofungwa hadi makubalionao yatakapofikiwa, vinginevyo watauliwa, eti kama walivyowaua wazazi wa huyo jamaa, yeye atahakikishaje kuwa wazazi wake walifanya hivyo, na hata hivyo kwanini hakushitaki mapaka anachukua hatua hiyo.

Alimuwaza baba yake, na jisi anavyompenda na hapo machozi yakaanza kumtoka, …alimjua baba yake alivyo mgonjwa kwa sasa anaweza akapandisha shinikizo la damu wakati wote, ana tatizola kisukari na yote hayo yanahitaji uangalizi wao…alishamjulia baba yake aishi vipi , ili asiwe katika hatari ya kupandisha shinikizo la damu, na muda gani ale na aina gani ya chakula…hili wamekuwa wakilifuatilia sana, …je humu ndani na muda wote waliokaa hapo baba yake atakuwa katika hali gani, alipowaza hili akaondoka pale alipokuwa kasimama na kuelekea mlangoni, halafu alipogundua kuwa mlango ulikuwa umefungwa akarudi na kumwangalia Maneno, huku akisema kimoyomoyo, ni mwanaume gani asiyeweza kupambana na mwanaume mwenzake, kazi yake umalaya tu…halafu akasema kwa hasira;

‘Hukai humu kwani nani kakuambia ukae, si huyo jamaa mwenye tabia kama zako ndiye katufungia hapa, wewe mwanaume kapambane na mwanaume mwenzako, unakaa huku kama …sijui nikuiteje, unachojua wewe ni umalaya..uhuni.. nenda sasa kamshawishi huyo jamaa atufungulie kwanza naona kichefu chefu kuongea na wewe, huna lolote la kusaidia, nawaza kuhusu baba yangu, nahisi atakuwa katika hali mbaya sana huko alikofungiwa…wewe uanleta hadithi za mapenzi ambazo huzijui….na kama lolote litatokea kwa baba nitahakikisha nalipiza kisasi kwa mikono yangu mwenyewe…kwake yeye na washirika wake’ akasema mke wa Bosi.

‘Kweli baba atakuwa katika hali mbaya sana nay ale matatizo yake, …naona tufanye juhudi tutoke hapa tukamuokoe, nitahakikisha anatoka salama….lakini si mpaka,… wewe unamjua huyu jamaa alivyo au unamsikia…ni balaa tupu, akiamua kaamua…’ akasema Bosi

‘Wewe unamjuaje…ulimjulia wapi huyo jamaa ..au ndio kundi moja…ole wako nigundua hilo, tutakula sahani moja, jicho kwa jicho…siunanifahamu, …hilo nakuhakikishia wewe na jamaa zako?’ akasema mkewe.

 Mara wakasikia kama sauti hivi, na Bosi akainuka pale kwenye kiti na kwenda mlangoni..aliujaribu kuufungua ule mlango, na akashangaa kuona unafunguka, …akamwangalai mkewe ambaye alikuwa kainuka haraka na kuja pale mlangoni…kabla hajamwambia kitu akawa kasukumwa pembeni na  kujikuta akiguna kwa ule msukumo. Mkewe akatoka haraka na kuanza kukagua vyumba kimoja baada ya kingine, huku katunisha misuli ya kuua mtu...

‘Inawezekana yupo chumba hiki hapa…’ akasema Bosi, na akajaribu kuufungua ule mlango na akajikuta kikohoa mfulululizo, na kuurudishia ule mlango haraka.., ile hali mle ndani haiingiliki kwani ndani kulikuwa na harufu ya gesi na chumba kilikuwa hakikaliki, hakuweza kuangali vizuri…akasema kimoyomoyo kuwa wazee hawo waliofungiwa mle ndani hawatakuwa hai tena, watakuwa wameshakufa….

                                              ********

  Turudi kule kwa akina Maua na Maneno, baada ya Maneno kufanya kazi ya ziada, ya kumzindua Maua, aliona matokeo mazuri kwani Maua alianza kuhema na mara akakohoa, na akawa anatetemeka kwa baridi, alimwangalia Maneno bila kuamini kuwa ni yule yule mume kwa mara nyingine tene anakuja kumuokoa katika sehemu ambayo alijua keshakufa…machozi yalimuanza kummiminika na akawa anaona aibu hata kumwangalia tena, aliishiwa na hata neno moja ambayo angelilitamka liwe saa na hicho alichotaka kumwambia mumewe ili ajisikie kuwa kweli ndivyo alivyojisikia.

‘Mume wangu, sijui nisemeje…nashindwa hata la kukuambia, mungu peke yake ndiye anayejua…nashukuru sana…’ akasema na kumng’ang’ania Meneno mpaka Maneno akaona sasa hiyo imezidi.

‘Haina shaka mke wangu hiyo ni kawaida kwa yoyote yule anayemjali mwenzake, ninachoweza kusema ni kuwa namshukuru sana mola kuwa kanivuta hadi nikaja wakati muafaka, wal sio uwezo wangu..ningelijuaje kuwa upo hapa …cha muhimu nikumshukuru mungu…jitahid tuondoke hapa kwani huyo aliyekufanyia hivyo anaweza akaja kukufuata…’ akasema Maneno.

‘Natamani aje nipambane naye, natamani aje nimuonyeshe kuwa yeye si lolote, mbona ananifungia kwenye chumba, wakati yeye kajificha, …’ akasema Maua kwa ujasiri mkubwa.

‘Hahaha, sasa unajiona mjasiri…mbona ulikuwa umelala pale bila kujijua…?’ akasema Maneno kwa mdhaha.

‘Ni kwasababu kanifungia chumbani, milango yote kafunga halafu yeye kajificha kwa mbali, kama yeye alikuwa jasiri kweli angelikuja tuonane uso kwa uso..lakini ni mwoga, msaliti mkubwa…ole wake nikikutana naye uso kwa uso…’ akasema Maua.

 Na mara wakati wanongea hivyo, wakasikia kwa mbele kama sauti ya mlipuko, …kama sauti ya bunduki na mara mlango ukifunguliwa na watu watatu wakatoka, wawili wakiwa wameshika bunduki fupi, …na mmoja akiwa hana silaha yoyote, …walitoha haraka huku wakiangalia mara kwa mara nyuma, na kukimbilia pale kwenye `lifti’ na wawili wakatangulia kuingia ndani ya lifti, na yule mmoja ambaye hakuwa na silaha, akapata nafasi ya kuangali kule waliopojificha Maneno ya Maua, na macho ya yule mtu yakakutana na ya Maua, na Maua akamtambua, hutaamini nguvu zilipatikana wapi, kwani Maua alijizoa zoa akainuka kueleeka kule, lakini yule mtu akawa keshaingia kwenye `lifti’ na ikaondoka.

‘Wewe mnyama wewe…ole wako ipo siku tutakutana uso kwa uso…mwoga mkubwa wee…kama unajiamini kwanini unakimbia…’ akasema Maua.

‘Wewe vipi, tumejificha hapa halafu aunajitambusliha hivyo, hivi wakairudi na zile silaha utaweza kupambana nao…waache waondoke, ipo siku watakutana na mikono ya sheria, katu uovu hauna maisha marefu…’ akasema Maua.

‘Na kweli uovu hauna maisha marefu..mwisho wao umefika,…’ sauti ilitoka nyuma na kuwafanya Maneno na Maua kugeuka haraka wakijua balaa jingine limekuja, …

`… msiwe na wasiwasi wanajisumbua bure huko wanakokimbilia watakutana na mkono wa sheri,ila la muhimu tuondokeni hapa haraka kwani kuna bomu wameliegesha hawa watu… na sasa imebakia muda mchache linaweza kuanza kuleta matatizo, ingawaje mtaalamu kasema, kuwa kuna njia kaigundua …unajua tena wataalamu wa mambo hayo…kaliwezesha kuchelewa zaidi, lakini haitasaidia kitu…kinachotakiwa na namba za siri…alizoziweka huyo jamaa…hazijulikani …wamejaribu na utaalamu wao wameshindwa kuzigundua…na uwezo wa hilo bomu kulipuka umeegeshewa kwenye mitambo ya komputa iliyopo humo ndani….’ Maneno na Maua walishukuru kwani walihisi ni kundi la hawo watu wabaya , kumbe ni Inspekta akiwa na Docta, wote wakiwa na haraka ya kukimbia nje!

‘Namba gani hizo za siri.zinazowashinda watalamu…haiwezekani isingekuwa hatari ningeenda kujiunga, tungezigundua tu…najua IT sana…!’ akasema Maua.

‘Nimewaambia hakuna muda wa kupoteza hapa kwa kuuliza maswali mengi…twendeni haraka…’ akasema Inspekta.

 Wakaaingia kwenye ile lifti na kabla haijaanza kupanda juu, mara Maneno akakumbuka kitu na kusema, ‘Sijui kama itasaidia lakini nakumbuka wakati nipo chini yule mmojawapo alisema namba hizi ` namba one three nine seven nine’

Inspekta aliposikia hivyo, hakuacha kuiwasha ile lifti na wakawa wanapanda kwenda juu, na wakati huo huo alichukua simu yake akaongea na wataalamu aliowaacha huko chini na kuwatajia hizo namba, na wakati huo walishafika juu na wakatoka nje ya lifti…aliwaambi wenzake wafanye haraka haraka wakimbilie nje,…kulikuwa kimiya, hutaamini kama uliwahi kufika hapo kabla kulivyokuwa na pilikapilika, leo kupo kimiyaaa  hakuna hata mtu mmoja pale ndani, kilichokuwa kikisikika na milio ya hatari kila kona na jengo…

‘Kiusalama tunatakiwa kuwa mbali ya hili jengo haraka iwezekanavyo, kwahiyo isitokee kishawishi cha kukusimamisha, hatujui nguvu ya hilo bomu ipoje, na kama mtaalamu alivyosema, hilo bomu linaweza likaleta athari kubwa eneo hili lote, kwahiyo kinachotakiwa ni kuhama hapa kabisa….’ Akasema Inspekta, na walipokuwa wanafungua mlango wa nje mara ghafla kukatulia kimiya, ile milio ya hatari ikasimama, na kulitanda ukimiya wa ajabu, na wote wakajikuta wamesimama kama vile wameamrishwa kusimama…

 Na mara wakagutushwa na sauti, ilikuwa milio ya bunduki zikilia upande ule wa muelekeo wa baharini, na mara tena kukawa kimiya …na mara simu ya Inspekta ikalia, na Inspekta aliipokea akiwa kajiandaa kwenda huko kunakotokea milio ya bunduki…na alijikuta akionyesha furaha usoni,na akanyosha mkono juu na kusema …`wamefanikiwa kuzima …wamfanikiwa,…Maneno namba zako zimesaidia, zilikuwa ndio namba za siri za lile bomu…sasa kuna amani,… ila bado maadui wapo, lolote linaweza kutokea, nyie tokeni nje kabisa ya eneohili, tokeni nje ye geti kama wenzenu…mnaona kulivyo kimiya watu wote wameondoka eneo hili kwa tahadhari, lakini kwasasa naomba mnisubiri huko nje,…Docta nashukuru sana, watu hawa wapo mikononi mwako, nafikiri wanahitaji msaada wako….ila nawaomba msiondoke tunawahitaji….’ Akasema Inspekta huku akieleeka kule kulikotokea milio ya bunduki…tayari kwa mapambano!

NB Tayari kwa mapambano, naishia hapo, nimeiandika hii asubuhi asubuhi...sina muda wa kuikagua najua itakuwa na makosa hapa na pale, lakini zege halilali...TUWEPO PAMOJA, naomba maoni yenu kwa wingi!

Ni mimi: emu-three