tutaonana mungu akipenda-5

Mchumba wangu alinipenda sana, hilo sikuwa na mashaka nalo, kwani siku aliponitamkia kuwa anataka mimi niwe mchumba wake, alinipa Zawadi ya nyumba, hati na kila kitu kiliandikwa jina langu, na siku ya kunitamkia kuwa tufunge ndoa alinipa Zawadi ya gari, kila kitu kwa jina langu. Huo ni upendo wa thamani, naweza kusema ni kwa vile ukoo wao ni matajiri, lakini tabia yake na mienendo yake ilikuwa haina ubaya wowote, kwani uchunguzi wa kina ulifanywa na familia yetu ikagundua kuwa hana tabia mbaya, na alikuwa akinipenda kweli na kwa dhati.


Mimi nilikuwa na Bahati ya kuchumbiwa na watu wengi na wote walikuwa Watoto wa matajiri, niliwakatalia na wengine niliwapenda kiasi kwamba nilishindwa kuamua, lakini mwisho wa siku nikaamua anioe huyu.

‘Nakuahidi hutajuta kwa kunikubalia mimi, nitakupenda na kukuenzi hadi mwisho wa uhai wangu’ hii ndio ahadi yake aliyonipa siku akinikabidhi ufungo wa gari kama Zawadi. Alikuwa kila saa akinipigia simu , kama hakuwahi kuja nyumbani kwetu, kwahiyo hakukuwa na dalili yoyote ya unafiki.

Mimi nilimwambia mama twende hadi kwa bwana harusi, mama akasema hayo sasa yamevuka mpaka, tukaenda hadi nyumbani kwao ilishafika usiku wa saa mbili, tulipofika, wazazi na jamaa ambao walikuwa wamekutana na maandalizi ya harusi yalikuwa hayajafungwa wakatukaribisha na wao wakasema hawana taarifa yoyote na wamejaribu kila wawezalo hawajui wapi mtoto wao alipokwenda.

Basi tukaamua tuondoke, wakati tunatoka maeneo ya familia ile, akaja jamaa mmoja akasema anahisi wapi tunaweza kwenda kumuona huyu jamaa. Akasema jamaa huyu ana nyumba moja aliinunua siku za karibuni, akiwa na nia ya kunipa mimi kama Zawadi nyingine, lakini alisema ataifanya kama siri hadi tutakapomaliza sherehe za harusi. Mimi nikamuambia mama lazima twende huko. Mama alishachoka , lakini hakutaka kuniacha peke yangu.

Tulifika maeneo hayo saa nne za usiku, na tulipofika kwenye hiyo nymba tukakuta taa zinawaka na mziki wa taratibu unalia toka ndani. Hapo mama akanishauri turudi kwani alihisi nitakuta yatakayoniumiza zaidi. Nikamwambia, mimi nimejiandaa kwa lolote, ninachotaka nikuhakikisha kwa macho yangu kuwa je mwenzangu kaamua kunisaiti.

Tukafika getini na mlizi alishikwa na butwaa akshindwa hata kutuzuia, tukaelekea kwenye mlango na kukuta haujafungwa. Maja kwa moja, tukaingia ndani, na barazani tulkuta meza imeandaliwa lakini vyakula vililiwa kidogo tu. Mama akasimama, akaogopa kuendelea zaidi, nikamwambia anisubiri pale, mimi nikaelekea juu, ambako nilihisi ndipo kwenye chumba, na ndip mlio wa mziki ulikuwa unatoka.

Nilianza kutetemeka kwa woga, lakini nikajipa moyo! Hata hivyo maswali mengi yalinijia kichwani na kujiuliza, je kama nitamkuta ni mume wangu yupo na mtu nifanyeje? Na kama yupo na rafiki yangu ambaye tuna udugu fulani nichukue hatua gani, hapana, awe yeye au nani, mimi nitapambana naye nakuwaonyesha kuwa mimi nami ni mwanamke mwenye uchungu, potelea...nikavuta hatua hadi kwenye ule mlango wa chumba….

Je nini kitatokea!

 NB.Kabla ya kuendelea mbele na kisa hiki, hebu niwaulize wadau na wapenzi wa blog hii, kuna yeyote aliyewahi kukutana na tukio kama hili, au kushuhudia ndugu yake akifanyiwa hivyo. Nauliza hivi kwasababu uchungu, na taabuu anazozipata mtu aliyeachwa kwenye mataa wakati anamsubiri mwenzake aje afunge naye ndoa, na asitokee, sio rahisi kuuelezea kwa maneno.



Ni mimi: emu-three