mafao baada ya kifo

`Fao hilii litamsaidia mwanachama katika mazishi yake na gharama za mazishi...' hili nitangazo nililolisikia likitangazwa, wakati tumekaa barazani na mgeni aliyetutembelea, na mara watoto wakaanza kuliigiza, na mtotoo mmoja akasahau kulitamka vizuri, ikawa kichekesho.
`Kasemaje, eni-esi, esi, eti nini vile....'
 'Yule mgeni wetu akaanzisha mjadala kutokana na tangazo hilo. `Hivi kweli mnalielewaje tangazoo hili, mimi nahisi wanakariri hali halisi ya kimaisha kuwa `ukifa unapendwa zaidi ya ukiwa mzima...' akasema yule mgeni.
'Kwanini unasema hivyo, mimi nahisi wanatangaza fao mojawapo kati ya mengi wanayoyatoa...' nikasema
'Sawa, moja ya mengi, lakini kwanini wasitangaze yale yanayomsaidia mwanachama, akiwa hai, na nafikiri wangebuni mambo yatakayomsaidia mwanachama kuongeza maisha na sio fao la maisha baada ya kifo. Wewe kama mwanachama , ukifa sio fao kwako tena. Hivi kwanini watu tunasahau kuwa mtu akifa sio kitu tena, na jambo la muhimu ni kumjali akiwa hai, na hasa pale anapokuwa hana ajira tena, au akiwa mzee...' Akasema yule mgeni wetu kwa huzuni.
'Nakumbuka wakati nastaafu, baada ya kulitumikia shirika langu kwa miaka zaidi ya thelathini, hela nilizokuja kupata hazikunisaidi hata kununua baiskeli, niangalie sasa hivi nilivyochoka, ndio ingekuwa muda wa kupata manufaa ya michango niliyokuwa nikikatwa wakati nina nguvu zangu. Lakini kipindi nakatwa kwenye mshahara zilionekana nyingi kwangu, sasa siku zilivyokwenda na thamani ya hela ikawa inashuka, na kwahiyo kile kilichokuwepo kikawa sio kitu tena. Lakini kumbuka wao walizichukua zikiwa na thamani wakaziwekeza, na mwisho wa siku wanakupa kitu kisicho na thamani, na ndio maana wanakutangazia gharama za mazishi yako, kwanini, kwasababu hutaishi muda mrefu tena na hicho utakachokipata...' akasema huku anatabasamu.
 Mimi nilitafakari sana maneno yake, nikaona yana mantiki hasa katika thamani ya pesa, huenda imefika wakati shirika hili lingebadi muelekeo kwenda na wakati, hasa katika thamani ya pesa. Wajaribu kuziweka hela katika thamani ya pesa, yaani hata kama thamani ya pesa itashuka, mlengwa apate thamani sawa na kipindi alichakatwa katika mshahara wake!
 Pia, kuna haja ya kugundua njia za uzalishaji kwa wanachama, kuwa kuwe na mikataba ya uwekezaji, badala ya kusubiri mwisho wa siku unamlipa mwanachama hela ambayo haina thamani tena kwake. Mwanachama awe kama amewekeza hisa, ili mwisho wa siku naye afaidi kile kilichozalishwa na shirika, au awe naye muwekezaji!
 Hayo nio mawazo yangu kwani nahisi mwisho wa siku tutakuwa tukisubiri mafao ya baada ya kifo badala ya mafao wakati wa uzee au baada ya kuacha kaza na kujiajiri!



From miram3