Mwenzako akinyolewa wewe...

 'Ndugu yangu za siku nyingi' Ilikuwa salamu toka kwa jamaa niliyepotezana naye kwa siku nyingi. Nilisikia kuwa alikuwa na kesi, mtoto wake alimpa mimba mwanafunzi. Mtoto wake ni mwanafunzi pia, lakini kidato cha tano akampa mimba msichana wa kidato cha pili. Hiyo kesi ikarudishwa nyumbani, ili wakubwa waelewane!
 'Vipi ile kesi yenu iliishia wapi?' nikamuuliza
'Nayo kesi ile, mwanafunzi kampa mwanafunzi mwenzake mimba, sasa sisi wazazi tufanyeje, hiyoo ndio hoja ya muhimu, watu tunapelekana mahakamai utafikiri sio wazazi, kesi imerudishwa nyumbani!' akasema jamaa yangu. Katika maongezi yetu niligundua kuwa jamaa haikumuuma sana kwasababu mwanae ndiye aliyempa mtoto wa mwenzake mimba, na niligundua kuwa anakuwa sana upande wa mwanae na mara nyingi alikuwa akimlaumu huyo binti kuwa ni mhuni!
 Kesi kama hizi zipo na nyingine hazifiki hata mahakamani, na mara nyingi anayeumia ni yule mwenye binti, kwani binti atafukuzwa shule, na nyie wazazi wa binti mtajutia gharama za kumsomesha,  lakini mvulana anaendelea na masomo yake. Na hata wakikubaliana kuwa gharama zichangiwe bado yule mwenye binti anakuwa akibeba gharama nyingi zaidi.
 Swala hapa linakuwa kwanini aumie mtoto wa kike zaidi? na Je tufanyeje ili kuweza kulikabili hili? Nhitaji mawazo kabla hatujatoa kisa kizuri kuhusiana na hili, kwani tukumbuke sote ni wazazi, mwenzako akinyolewa wewe tia maji
From miram3