Mkuki ni kwa Nguruwe-imefika mwishoni

Maneno kutoka kwa mtunzi.

Kisa chetu cha mkuki kwa nguruwe kimefika mwisho, na nafahamu kila mtu ana maoni na mtizamo wake, lakini tukumbuke kuwa kisa hiki ni cha kweli kilichomtokea mwenzetu mwanadada, utaona hata jina lake sikupenda kulitaja, kwa nia njema kabisa. ...mimi kama mtunzi nimejaribu kutia madoido tu,....

Kuna watu wengi wanasema kwanini sipendi kutumia majina ya watu,..natumai kila mtu ana mtindo wake wa kuandika visa kama hivi, na mimi nimeona niwe na namna yangu, ya kuandika visa hivi, kwahiyo tujaribu kuutizama mtindo huu wa aina yangu, ...na wale waliodai wanahitajia picha yangu, mmh, nawaomba mkubali mtindo wangu huo, kuwa picha yangu ni hayo ninayowatolea. Maelezo, visa na maneno ya hekima na busara yanatosha kabisa kuwa picha yangu.

Sasa kabla sijaweka hitimisho hilo, ambalo lipo tayari, limeshakamilika, nilikuwa napenda kidogo kusikia maoni ya watu, je wewe kama wewe ulihitajia mwanadada atoe maamuzi gani, maana ndoa na maamuzi ya ndoa sio rahisi kihivyo, kila mtu ana mtizamo wake....nitashukuru kila aliyekipitia kisa hiki akasema lolote, tuwe pamoja, ...

Bado natafakari ni kisa gani kifuate, kuna kuna visa viwili vipo jikoni, na vyote ni matukio halisi yaliyowakuta wanzetu ambao bila uchoyo wameamua kuyatoa hadharani ili kila mwenye hekima ajifunze, ..kwahiyo mwisho wa kisa hiki ni mwanzo wa kisa kingine. Wewe kama mdau muhimu unawajibu wa kuchangia mawazo na vyovyote vile uinavyo,..ili mtunzi emu-three naye ajione yupo na watu wanaojali kazi yake.

Nawashukuruni sana, na karibuni kwa maoni...

Ni mimi: emu-three