Utangulizi wa kisa kipya-asiye na bahati habahatishi!

Wakati mwingine watu hukutana na mikasa bila makusidio yao, kwa kutokujua au kwa kutokuwa na ufahamu wa chanzo la tatizo hilo. Wapo watu wamehukumiwa au jamii kuwaona hawafai na hata kulaumiwa kutokana na tatizo fulani, ambalo linatokana na sababu zilizojificha, na kama lingedundulika mapema, huenda matatizo hayo yasingetokea. Wakati mwingine inakuwa kama kuangalia matawi bila kujali shina, na mizizi.


Kisa kijacho kinaibua hisia za ndani za mwanadada aliyehisiwa kutaka kujiua kwa kuhisi yeye ana mikosi, lakini wakati alipoulizwa kwanini alitaka kujiua yeye alidai hakukusudia hivyo na hakumbuki kuataka kujiua! HAKUMBUKI, hii hakumbuki ikamkuna mtaalamu wa mambo ya akili.

Katika kuhangaika kumsaidia huyu mwanadada, mtaalamu wa mambo ya akili, aliamua kuingilia hili swala bila kujali gharama, na mwisho wa siku aligundua ugonjwa ambao hata familia ilikuwa haikugundua hilo. TATIZO LA KUSAHAU. Wengi wanaona kuwa ni tatizo la kawaida tu, na humtokea kila mtu. Lakini kuna kuzidi kiasi.

Nilipopata hiki kisa, niliona nitafiti zaidi kuhusiana na hili, je kusahau kunaweza kumfanya mtu akafanya mambo hata ya kuhatarisha maisha yake. Niliona nimtembelee `Subi, a Nurse (RN) ‘ kwangu mimi nitamtambua kama dakitari "Subi" , na nikakutana na makala yake inayoelezea tatizo hili, soma makala hiyo kwa kubofya hapa:

http://www.afyachoice.com/2/post/2009/11/ugongwa-wa-kusahau-alzeheimers.html.

Na niliposoma makala hii nami, nikapata nguvu za kukielezea kisa hiki ambacho kwa jina kinaitwa, tutakiita `ASIYE NA BAHATI HABAHATISHI’.

Katika utangulizi huu wa kisaki kisa, ni kutaka kukuweka bayana kuwa wakati mwingine ni vyema tukio linapotokea tukajarbu kufanya uchunguzi wa kina, kwanini hilo tukio limetokea, na ukidadisi zaidi utagundua kumbe kuna chanzo kilichojificha ambacho kwa kukigundua utakuwa umesaidia sio tu kwa mlengwa bala hata kwa jamii nyingina. Mimi naona ajabu kuwa wanaofanya tafiti kama hizi ni wanasayansi tu, kwanini katika maisha ya kawaida tusifanye hivyo, na kwa kufanya hivyo tunaweza tukagaunuda mengi, ili kurahisisha tatizo hilo baadaye.

Kisa hiki kinatoa fundisho kuwa tuwe wadadisi wa kila jambo, huenda tukajisaidia wenyewe na hata kuwasaidia tuwapendao, kwani watu wengine hukata tamaa za maisha kwa kukosa msaada wa kiutafiti. Na utafiti mwingine sio lazima uende hospitalini, unaweza ukaangalia historia ya tukio linalojirudia rudia ukagundua kuwa kuna sababu muhimu. Je nifanyaje, nikamuone nani?

Nawapongeza sana wataalamu, au madakitari bingwa wa matatizo fukani au wa magonjwa Fulani,kwani wao hawarukii kuangalia tatizo au gonjwa, wanajaribu kuangalia kiini na nini chanzo chake na hatimaye wanakuja na tiba ambayo huondoa tatizo na kiini chake.

Kisa chetu hiki ni miongoni mwa mfululizo wa visa vyenye mkono wa kitaalamu na tunavitoa ili jamii isikimbilie kuangalia tu tukio au tatizo . Na hili tunaweza kulifanya kwa watoto wetu, kwa kuwachungua bado wakiwa wadogo, kwanini mtoto wangu hasikii nikimwambia hili, kwanini mtoto wangu ana kuwa na tabia ya kunyamaza kimya, kwanini mtoto wangu anakuwa na tabia hii. Kwa kudadisi huku na kuchunguza mienendo ya watoto wetu tunaweza tukawasaiida mapema kabla tatizo hilo halijakuwa na kumletea madhara..

Karibuni sana, kwenye kisa kipya cha `Asiye na bahati habatishi’ Na tutaanza moja kwa moja na tukio lilivyoanza. Kwenye sehemu ya kwanza.

Ni mimi: emu-three