Sasa ukichagua viongozi wabovu, wezi na wasiojali umma wa watanzania kama inavyoonyesha, utakuwa umeshiriki moja kwa moja kuharibu nchi yako mwenyewe!
Wakiiba hela dawa zikakosekana hospitali watoto wakafa, ni wewe mpiga kura umeua watoto hao. Elimu ikidumaa ni wewe ndio umeidumaza. Vifo vya kina mama vikiongezeka, wewe ndo umewaua wamama! Dawa zikikosekana hospitali wewe ndio unahusika.
Na siku ya mwisho, damu za wezi hao (maana wewe ndo umewawezesha kuiba na ulijua ni wezi lakini ukawapa madaraka!) na za wote waliopotea kwa sababu
yako zitakuwa mikononi mwako.
Afadhali ungekuwa hujui kuwa ni wezi, ungesamehewa! Lakini tazama unajua kabisa mambo yote yanayoendelea na unataka kukosea tena kwa makusudi!
Na utadaiwa mbele ya haki! Kama vile yule mfugwa mbwa aliyesababisha watu kuumwa na mbwa wake akahukumiwa.
Amua sasa kuitendea haki nchi na taifa lako uepuke hukumu!, au ....
Ni Mimi D.Tillya
3 comments :
Hii ni kweli unapochagua kiongozi mbaya, kila kosa analofanya na wewe unabeba lawama na mzigo wa madhambi!
Sasa wakati mwingine sisi wachaguaji hatuna makosa, kwani wanapotiahidi ukwaani, tunaamini kuwa ni wa kweli, wakitusaliti, hiyo ni dhambi yao wenyewe.
Lakini kama unajua kuwa mtu, chama, kimejaa ufisadi ukamchagua basi wewe hutakwepa lawama.
Mimi ninachowashangaa watuu ni kuendelea kuwachagua watu ambao wamedhihiri ufisadi, wameonyesha katika miaka mitano ya mwanzo hawatufai, bado tunawachagua...hapa, wewe na yeye mtahukumiwa!
....dah! nimetishika na kuupenda huu ujumbe!
Post a Comment