Usafi ni tabia

Ni msimu wa matunda, na msimu huu wa matunda hasa, maembe, tunashuhudia pia kulipuka kwa ugonjwa wa kipindupindu. Sina uhakika, kuwa huenda harufu ya maembe huvutia sana inzi. Nimesema sina uhakika, kwasababu haiji akilini kuwa tunda zuri kama hili linaweza likageuka pia kivutio cha wadudu. Lakini tukumbuke kuwa kila kizuri kama kitawekwa mahali sio pake hugeuka kuwa uchafu.
 Tukiwa ndani ya daladala tunashuhudia watu wakila matunda haya na hatimaye kuyatupa makokwa nje ya barabara, bila kujali kuwa huko ni kuharibu mazingira. Huenda ungebuniwa mtindo wa kila gari kuwa na sehemu au chombo cha kuwekea matakataka.
 Usafi ni tabia, na kama tabia hiyo hujaijenga katika maisha yako utaona kila ufanyalo ni sawa tu. Ukivuta sigara hadharani unaathiri afya za watu, lakini wewe unajionea sawa tu. Utakuta watu wanatema mate ovyo, na wale wenye mafua wanatoa mafua yao na kuyabwaga popote pale. Hizi ni kasoro za kibinadamu, na huenda zimejijenga tangu utotoni.
 Nakumbuka wakati tunasome sekondari ya Umbwe, tuliambiwa ni lazima kila mmoja awe na leso. Tuliambiwa hivi kwasababu, sehemu ile ina baridi sana, na baridi na mafua ni ndugu. Hii ilisaidia sana kwani tungeshuhudia uchafu wa mafua kila mahala. Baada ya kumaliza pale wengi wetu hatukupenda kuachana na leso. Naona kama kweli tuanataka kujenga tabia ya usafi basi jiji lijitahidi kuweka sheria na kuzifuatilia. Mfano kama atapatikana mtu akitupa takataka, apewe adhabu kali , ya faini au hata kifungo. Angalia wenzetu Kenya hili wamefanikiwa je sisi kwanini tushindwe.

From miram3