Akufaaye kwa dhiki ndiye rafiki wa kweli-35

‘Mbona umebadilika kiasi hicho….?’ Sweetie akamuuliza Rose, na kipindi hicho Rose alikuwa kakodo amcho kumwangalia Sweetie bila kuamini, nini anachokiona, …..kweli mungu mkubwa, kweli huwezi kufa kabla siku yako haijafika, kweli…miujiza ya mwingi imefanya akzi yake…kweli…Rose kabakia kushangaa, huku akiwa kajawa na furaha ya ajabu,…hata machozi yaklawa yanamtoka……akamwangalia Sweetie, na kutamani kumvamia pale kitandani na kumbusu kila sehemu ya mwili wake…!

Wakati yupo kwenye hiyo raha isiyomithilika, kwa ndani pia alikuwa akisononeka, alisononeka kwasababu alivyomuona mgonjwa, ilionekana dhahiri kuwa hakupona tu matatizo yake yaliyomfikisha hadi kuzimia, lakini alionekana kama kapona na hata kumbukumbu, ….hilo hakuwa na uhakika nalo, lakini kama ndivyo hivyo…..,kwani lionyesha dhahiri, basi ndio kusema Sweetie ataondoka kumuona Swetie mwenzake ambaya haijulikani yupo wapi….mkewe aliyekuwa akimuota kila mara ..Sweetie, Sweetie……hapo Rose wivu ukamkita kwenye mtima, na kuwaza, ina maana kuwa hawatakuwa na…Sweetie tena. Akamwangalia pale akipolala kitandani na akashindwa kujizua, licha ya kukanywa na mdakitari wenzake kuwa asimuulize maswali yoyote kwanza mpaka aruhusiwe, yeye akamuuliza kujibu swali aliloulizwa;.

‘Kwani nimebadilika vipi, mbona nipo kawaida tu…?’ akasema Rose huku anajifanya kujikagua, kama vile hajijui vyema, na alipomaliza kujikagua akamwangalia Sweetie kwa macho ya kurembua…...
‘Umebadilika maumbile, na…ooh, siku hizi upo kama mzungu, ina maana muda mfupi tulioachana umeamua kujibadili namna hiyo, au ndio …usiniambie kuwa unataka kuwa mrembo…’ akasema Sweetie akijaribu kukaa vyema. Rose akawa anajiuliza hayo yametoka wapi, alikuwaje baadaye na sasa kawa vingine, mbona haoni kuibadili, ….. akilini akawa anaingiwa na shaka kwa kujiuliza kuwa huyu mtu kweli kapona, kweli kumbukumbu zimemreeja mbona bado anaonekana kuchanganyikiwa…..

‘Sweetie hebu niambie , una maana gani, …unajielewa upo wapi….?’akamuuliza na kumsogelea. Na kabla hajajibiwa akamuuliza tena `Na kwanini ulipozindukana uliniangalia machoni ukatabasamu , halafu baadaye ukakunja sura, ulikuwa na maana gani? Akauliza Rose.

‘Nilitabasamu kwasababu nilifurahi kuwa nimetoka kwenye usingizi mzito, na ndani ya usingizi huo nilikuwa nikikuota kuwa umechukuliwa na unaolewa na ….na cha ajabu, pia nilikuona ukiwa una ujauzito…lakinii nilipozindukana nimekuona tofauti kabisa, huna ujauzito, na wala hujachukuliwa, au niambie ukweli …umeshanisaliti na kuchukuliwa na mtu mwingine nini…aah, hapa ile ilikuwa ni ndoto ….’akasema Sweetie akifikicha macho, kwa mkono mmoja, na baadaye akaendelea kusema `Na nilikunja uso nilipokuona ulivyobadilika, …nikawa na wasiwasi kuwa huenda kweli umeshachukuliwa …hata kama huna uja uzito kuna jambo,….hebu niambie kuna jambo kweli, una mtu zaidi yangu…..?’ akauliza Sweetie huku akijarbu kukaa vyema na Rose akamsogelea na kumwekea mto kwa nyuma.

‘Mimi sijakuelewa Sweetie,ni nani mwingine zaidi yako ….lakini mimi naona jabu kwasababu sijabadilika na nitabadilikaje kwa wiki hii moja tuliyoachana,…na sio kuachana kwa kusafiri, bali kwa vile wewe ulikuwa umezimia, …unalwea kukumbuka hilo….?’ Akauliza Rose akimwanglia kwa makini. Alipomuona akishangaa akamwambia hivi `Siku ile nilipoamuka nilikukuta nafuni ukiwa umezimia…. na umekuwa hivi wiki nzima, …watu walijua kuwa umeshakata roho…..sasa umezindukana, unanipa hiyo taarifa ya kuwa nimebadilika, ….unanipa mashaka kuwa labda huenda bado akili yako haijawa safi, unatakiwa upumzike kwanza,unaelewa nini kimetokea…?’ akauliza Rose.

‘Akili….akili yangu haijawa sawa…mbona sikuelewi…kwani ilikuwaje…na ulifikaje hapa..?’ Akaulia Sweetie, na kumfanya Rose naye ashikwe na mashaka, akaona sio vyema kuzidi kumchanganya mgonjwa, kwani kama yeye mwenyewe kachanganyikiwa na jinsi anavyosikia hayo maneno mengi mengi yasiyoingia kweli, semebuse huyo mgonjwa, mara aambiwe kabadilika, mara kafikaje hapo, sijui kutoka wapi…kwa hoja za kidakitari akaona ni vyema amuache huyo mgonjwa kwanza atulie hadi baadaye kidogo….

Na vyema kwa muda huo akaingia dakitari na kumpa mgonjwa dawa, na kuwaomba Rose kama inawezekana atoke nje, la sivyo ahakikishe hamsumbui mgonjwa, kwani hizo dawa zinamuhitaji mgonjwa atulie….! Rose akacheka na kwambia huyo dakiatari kuwa asishau kuwa hata yeye ni dakiatari kama yeye. Yule dakitari akamwambi akuwa najua, lakini ni vyema kukumbushana, na kwa vile yeye pale alipo anahamu ya kujua mengi kutoka kwa mgonjwa, anaweza akjisahau na kuanza kumuuliza mgonjwa maswali mengi yanayoweza kumchanganya badala ya kumsaidia,…akaambiwa kuwa lakini kama anahitaji kukaa humo akae, ilai ni vyema, mgonjwa akachwa akatulia…

‘Na hata hivyo inabidi huyo mgonjwa tumuhamishe humu, tutampeleka chumba kingine cha siri, lakini sio wodini….’ Akasema huyo dakitari

‘Kwanini apelekwe chumba kingine tena cha siri…., mimi nijuavyo mgonjwa akiwa kazindukana anatakiwa kupelekwa wodini, sasa wewe unataka kumpeleka chumba kingine maalumu chumba gani..? akauliza Rose kwa mashaka.

‘Usiwe na wasiwasi na hilo,….niamini kwa hilo, ni kwa usalaam wake, huyu katoka kwenye kuzindukana na bado anahitaji uangalizi wa karibu, na pili kwa taarifa zake nimesikia kuwa anaweza akatoroka, kutokana na akili yake, sasa nisingelipenda kosa kama hilo litokee hapa hospitalini kwetu….’akasema yule dakitari.

‘Naomba popote mtakapompeleka niwe naye, kwani hata mimi nahitaji kuona usalama wake, ….huyu mtu nimekabidhiwa mimi…’akasema Rose kwa msisitizo.

‘Sawa….vyovyote upendavyo mrembo….na Rose, nilikuwa na hamu ya kuongea nawe…na sio zaidi yay ale niliyowahi kukuambia…Rose, unajua mpaka sasa sijapata mtu,nakusubiria wewe….’akasema Yule dakitari huku akimwandaa Sweetie kumtoa mle …

‘Achana na mimi…fanya akzi yako…nilishakupa jibu muda mrefu..sina zaidi…’akasema Rose kwa mkato, halafu akasema `Nakuomba sana, usiongee mambo haya , hasa nikiwepo na mgonjwa wangu, tafadhali…’

‘Sawa nimekuelewa, ila huko tutakapo muweka mgonjwa hutatakiwa kutoka toka nje, hatutaki watu wakuone, sitaku mtu ajue kuwa yupo huko, na najua wakikuona wewe watakua upon a huyu mgonjwa, bnafanya hivyo….kwa usalama wake…’ akasema yule dakitari na taratibu za kumuhamisha Sweetie zikafanyika kimiya kimiya hata bila kujulikana kuwa kuna mtu anahamishwa toka humo kwenye chumba cha watu mahututi, na cha ajabu kulikuwa na kitanda kilichofungwa kama vile kalazwa maiti…kikatangulia kutolewa, halafu ndipo Sweetie akatolewa kinamna ambayo mtu hawezi kujua kuwa ni mgonjwa. Hali hii ilimtia mashaka sana Rose, …akahisi kuna jambo, na akaweka nia kuwa hatacheza mbali na mgonjwa wake….lazima kuna jambo
************
Docta Adamu akiwa kapumzika nyumbani kwake , alikuwa katekwa na mawazo mengi, na hakujua nini kinaendelea huko mjini, …mara simu ikalia, simu toka mjini, kabla hajaipokea ….alijikuta akikurupuka pale kitandani na kutafuta sehemu nyingine ya kukaa, akaangalia huku na kule kuhakikisha kuwa yupo peke yake, ingawaje alikuwa ndani ya chumba chake peke yake bado hakuamini hilo,…akili ikimatuma kuwa ahakikishe vyema kuwa hakuna mtu mwingine ndani, na baadaye akaipokea ile simu kwa hamasa…

‘Unasemaje…?’ akauliza kwa hasira, lakini akilini alikuwa na hamsa ya kutaka kujua nini ataambiwa.

‘Nataka hela yangu haraka, kazi yako nimeimaliza…na ikizidi siku mbili nitahakikisha waandishi wa habari wanajua kila kitu, siku hizi habari kama hizo zinauzwa kwa bei mbaya….kwahiyo kesho nataka hela yangu…’akasema huyo mtu.

‘Nitakupaje pesa, wakati sina uhakika na kazi hiyo….nitahakikishaje kuwa umeifanya…?’ akasema Adam kwa hasira….

‘Ina maana siku hizi huniamini…..kama huniamini basi nitafanya…. usiniamini kabisa, nahitaji hizo hela kwasababu nimekwama, sina hela kabisa, unafikiri nitaishije..unasemaje bosi?’ akasema huyo mtu kama ananyenyekea kidogo.

‘Sikiliza, kama nitapata ushahidi nitakuagiza wapi pa kuzipatia hizo hela,…hilo sio tatizo, toka lini nikakupa kazi nisikupe hela yako…. lakini kama umevurunda, ujue adhabu yako ni nini…kwanza.pesa hutapata na sikutaki nikuone hapo mjini kwa mwezi mzima, unanifahamu kasheshe yangu …..!’ akasema Adamu.

‘Nakufahamu sana, …kama unavyonifahamu mimi, najua hayo yote, lakini nina shida ndio maana nikasema hivyo, na ukiwa na shida kama kuna njia nyingine za kupata pesa, inabidi uzitumie,…mimi hapa nina mzigo, na mzigo wenyewe ni hiyo habari, wewe unafikiri nikiiuza hiyo habari kwa wana udaku nitakosa nini, nina shida na ninajua kuwa una hela, kama hutaki kunipa kesho, bosi kesho…nitaiuza tu, ili niweze kuishi……’akasema huyo mtu.

‘Nitakupigia baadaye na usinipigie simu kabla sijakupigia, unanielewa….?’akasema Adam kwa ukali.
‘Nimekuelewa bosi, sitakupigia, hadi kesho …nisipopata hizo hela,nitawapiga wengine wanaotka kupigiwa …sitaki mzigo huu uharibike, unahitajika ukiwa wa motomoto…ushahidi gani unahitaji kushinda kauli yangu, kwani hujasikia kwenye mitandao, kuwa jamaa keshakufa na wanajadili azikwe na nani,,,,’akasema huyo mtu.

‘Sijasikia, na hakuna habari kama hiyo kwani kila siku nafuatilia, ndio maana naingiwa na mshaka na kauli yako, ila nitakupigia,….pesa utapata, …’akasema Adam na kukata simu.

Adamu aliwaza sana tendo alilolifanya, alijikuta akijiweka roho juu juu, kila mara, na matendo kama haya alishaahidi kuachana nayo, lakini kila mara anajikuta katika mazingira yanayomlazimisha kufanya hivyo. Akawaza kwa makini, akichuja maneno ya huyo mtu, anavyomjua huyo jamaa kama hana hela kweli yupo tayari kufanya lolote ilia pate pesa, na atazitafuta kwa kila mbinu,…inabidi amuwahi mapema, na hili ni kuhakikisha kuwa anamfunga mdomo kabla ya kesho.

Alichukua simu yake na kumpigia dakitari rafiki yake, lakini simu ilikuwa haipatikani, ….akajaribu tena na tena simu ilikuwa haipatikani, akaona ampigie dakitari mwingine, ili amsaidia kumtafuta huyo rafiki yake, lakini hata hiyo ilikuwa haipatikani...akashangaa na kujiuliza kuna nini, ina maana hospitali nzima waliamua kuzima simu zao, kuna nini kimetokea huko au ndio huo msiba ….

Baadaye wazo likamjia akampigia Rose, simu ya Rose ikawa inapatikana, na kupokelewa kwa haraka, alijua kuwa Rose ana hamu ya kujua nini kinachoendelea huku kazini kwake, masikini alimuonea huruma, kwani alishasikia fununu kuwa barua ya kumsimamisha Rose kazini ipo imeshaandaliwa tayari, lakini haijatolewa...

‘Kazi huna mpendwa, ….hiyo ndiyo taarifa ya kwanza…’akasema Adam.
‘Kwanii si nilikuwambia uwaambie kuwa nina dharura ya mgonjwa,hukuwaambia hivyo…?’akasema Rose kwa unyonge.

‘Nilishakuambi kuwa wao walishasema kuwa mimi sitahusika na wewe tena, wewe ulitakiwa uwapigie wao, namba ya mwenyekiti ulipewa kwenye ile barua, …kwanini hukuwapigia ulipopata hiyo dharura, wao wamechukulia kama dharau…’akasema Adam.

‘Nilikuambia kuwa ile barua sikuwahi kuisoma, …na sikujua nini kimeandikwa mle…..sawa kama mumeamua kuwa hivyo, nitafanya nini…mtoa riziki ni mungu, kama riziki yangu haipo hapo siwezi kulazimisha….lakini kwa hivi sasa siwezi kurudi….’akasema Rose.
‘Kwanini huwezi hurudi,…kwani mumeamua kumzikia wapi huyo jamaa ….?’akauliza Adam.
‘Kumzikia wapi, nani..maiti gani, jamaa gani …?’ akauliza Rose kwa mshangao.

‘Unanichekesha kweli Rose , ina maana unajifanya mimi sijui nini kimetokea huko, nilishakuambia kila linalotokea huko nalijua , au ndio unajikausha, hata kuongea kwako kunakusuta, unaonyesha kabisa kuwa una majonzi, najua kabisa huyo alishajifia mapema, nyie mlikuwa mnapoteza muda bure, .!’ Akasem Adam, na kutulia kidogo halafu akaendelea kuongea kwa kusema..` Lakini Rose, kwanini unajiingiza kwenye majonzi yasiyokuhusu,…huyo mtu humjui, …umemganda kaam ruba, hata kama angelikuwa hai, unajua wapi anatoka, je kumbukumbu zingemrejea unafikiri ingekuwaje, si angeliondoka kurudi kwao, ….Rose rudi huku, tuangalie jinsi utakavyorudishwa kazini…’akasema Adam, na kumfanya Rose abakiwe akishangaa,…akiwaza kwa makini hayo anayoambiwa na Adam, ina maana wao wanajua kuwa Sweetie keshakufa, akakumbuka na pilika pilika za dakitari za kumhamisha huyo mgonjwa, na kutoa kitanda cha kubebea maiti kama vile kuna mtu kafa…akahisi kuna jambo…na akaona ni vyema, asiseme lolote,…..

‘Sawa nashukuru, tutamzika popote pale, kwani wewe inakuhusu nini, mimi, lazima niwe na huzuni kwasababau unajua kwanini…’akasema Rose.

‘Pole sana Roae, najua jinsi ulivyokuwa ukimpenda huyo jamaa, lakini mungu kampenda zaidi….sasa Rose samhani sana, nimekwama, licha ya kuwa upo kwenye majonzi, lakini hili ni kubwa sana kwangu ….na siwezi kuja mjini kwasababu za kikazi, kuna mtu mmoja nahitaji umpe mzigo kidogo, najua una hela, za kuja kuwalipa hawa wadhamini, ninachoomba wewe umpe huyo jamaa milioni kadhaa, halafu ukija huku nitakurejeshea…’akasema Adam.

‘Milioni kadhaa…!...Na nani kakuambia kuwa nina hela, kama ningelikuwa na hela hawo…. ,wewe na hawo wadhamini wako , mngelifikia hatua ya kunifukuza kazi….?’ Akauliza Rose kwa sauti na kujisahau kuwa yupo kwenye chumba cha siri hakutakiwa kutoa sauti hivyo,

‘Sikiliza Rose, ….’ Akawa anataka kukatisa Adam, lakini Rose akaendela kwa hasira na kuseme, `Hebu niambie nini walichokuwa wakikihitaji hawo wadhamini, sio pesa, …na nilikuambia uwaambie nini, sio kuwa nakua huku mjini kuchukua pesa zao,…au sikukuambia, sawa, ulitaka niwaambie mimi mwenyewe, lakini sikuwa na simu ya huyo mwenyekiti, kwasababau ile barua ilipotea kwa mzingira nisiyoyajua, ilikuwa ndani ya mkoba wangu, lakini nilipoitafuta sikuiona tena….na bahati mbaya nimefika huku mjini nimekutana na matatizo, ulitaka nifanye nini…sasa kiroho kimekuingia, kwasababau unahitaji hela, umesahau yote ya nyuma, unataka pesa….sina pesa, na naomba tusisumbuane kwa kunitumia watu nisiowajua..tafadhali Adam,, usije ukawatuma watu kuja kunileeta matatizo…

‘Atakuja kesho mtu wangu mpe milioni mbili…tafadhali…
‘Simpi….’…Mara dakitari akaingia na Rose akakata simu kwa haraka, na alipogeuka kitandani akamkuta Sweetie akimwangalia kwa makini, kumbe alikuwa keshaamuka na alikuwa akimsikiliza hayo anayoongea…

NB. Ijumaa njema, tuombeane heri...