Kikulacho ki nguoni mwako(Somnambulism story) 4

 ‘Jamani kwanini huyu mtu anifanyie hivi nimemkosea nini…, jamani sasa mtihani unakaribia, nitajiandaa saa ngapi’ akawa analalamika! Ilibidi ifanyike juhudi za kumpoza na kumuahidi kuwa akipona atafanya mitihani yake, name nitajiyahidi kumuona mwalimu wake kujua nini kimetokea. Niliwasiliana na wazazi kuwapa taarifa, na wao walikuja kusalimia na baada ya siku chache wakaondoka.


Baada ya miezi mitatu mdogo wangu alipona kabisa, na upelelezi wa polisi ulikuwa umeshindwa kugundua aliyefanya hivyo, kuna muda walimtia hatiani mke na mdogo wake, lakini baadaye ukakosekana ushahidi , na mimi mwenyewe nilipinga sana, hata mdogo wangu hakukubaliana na hilo, yeye alisema likuwa usingizini, na alishitulia na maumivu makali , na alipojaribu kuangalia nini kimetokea akaona giza linatanda usoni na kupoteza fahamu, kwahiyo hana dalili yoyote ya kumgundua aliyefanya hilo.

‘Mimi naona tuyasahau hayo, na mungu amsamehe aliyetenda haya kwani hakujua alitendalo…’ akasema mdogo wangu. Lakni mimi sikukubalina kabisa, nikawaambia polisi kama wameshindwa waniambie nitafute wapelelezi binafsi wanisaidie. Polisi walisema nisiwe na wasiwasi, wao wanajua nini wanachokifanya, mwisho wa siku watagundua na haki itatendeka!

Maisha yakaendela kama kawaida, na siku moja kukatokea mgongano kati yangu na mke wangu. Tulibishana kuhusu harusi a mdogo wake ambaya alitakiwa kuolewa karibuni. Mimi nilipendelea harusi isifanyike kwanza, kwani anaendelea na masomo yake, lakini dada mtu alitaka harusi iwepo kwanza, kwani waoaji hawataki kusubiri.

Majibishano yale yalifikia kuzua mambo yaliyopita . Nakumbuka katika heka heke za uchunguzi askari walimbana sana mke wangu, na hili lilimsoninesha sana moyoni. Sasa katika ubishi huu mke wangu akalikumbushia na kusema, mimi mara nyingi siwi upande wake kwani hata polisi walipomshuku yeye sikuonyesha juhudi za kumtetea, huenda hata mimi nilikuwa na mawazo hayo. Akaongezea kusema, kuwa mapenzi yangu kwakwe yamekuwa yakipungua siku baada ya siku. Nilimkatalia lakini haikusaidia…

‘Naona nyumba hii kila kibaya kinanihusu mimi, ndio maana mlinihisi kumuumiza shemeji yangu…’ akakasirika na kwenda chumbani.

Huwa mke wangu akikasirika ni vyema umpe muda akae pake yake mpaka hasira zishuke vinginevyo mtaishia kutupiana maneno ambayo yanaweza kukutia hasira, kwahiyo mimi nikaondoka kwenda kumtembelea rafiki yangu. Niliporejea nilikuta hasira zimekwisha tukaongea kama kawaida. Lakini nilijua bado moyoni ana kinyongo na mimi.

Ilikuwa usiku wa manane, nikawa naota ndoto mbaya, na kwa mazoea nikiota ndoto mbaya kuna kitu kinaweza kutokea, kwahiyo nikaamuka haraka , na kujikuta nimelala peke yangu. Nikavuta shuke la mke wangu , na kuhakikisha kuwa hayupo. Nikahisi huenda mke wangu katoka kujisaidia, nilipoona muda unakwenda nikaamua kumfuatilia kujua wapi alipokwenda, au kwanini anachukua muda mrefu.

Nilingia chooni nikakauta hayupo, nikatafutafuta maeneo mengine sikumuona, niliporejea chumbani, nikaona kama yeye amelala kitandani, nikafunua shuka, lakini ilikuwa mito imetengeneza ishara ya mtu kulala hapo, sikumbuki kutandika shuka kwa mtindo ule, nikahisi kuna mtu kaingia chumbani nilipotoka, je ni mke wangu, na kaingia saa ngapi na kuelekea wapi tena, na kwanini atandike kwa mtindo ule, au kuna mtu anaichezea! Nikalifunua lile shuka tena kuhakikisha kuwa hakuna mtu aliyelala, nikalirudishaia shuka kama lilivyokuwa. Nikatoka nje taratibu, kuangalia mke wangu kaenda wapi.

Mara nikasikia sauti jikoni, nikajisemea moyoni, labda mke wangu alishikwa na njaa akaamua kwenda kujitengenezea chai, au chochote. Nikatoka chumbani kuelekea jikoni, nilipofika karibu na mlango wa jikoni, nikasikia sauti nyingine chumba cha kupumzikia. Nikashikwa na kigugumizi, nielekee jikoni, au chumba cha mapumziko. Nikasubiri, na mara nikaona kivuli cha mtu, kikitokea jikoni, kivuli kile kilionyesha mtu kashikili kisu mkononi, na ananyemelea kuelekea chumbani kwetu. Nikajiuliza ni nani Yule…nikasubiri nione, kwani mawazo yangu yalishanipeleka kuwa kuna jambazi limekuja na kumuua mke wangu na sasa linataka kunimaliza na mimi. Na kuna wengine wapo chumba cha kupumzikia, leo nitapambana nao kufa na kupona, hata kama ni mashetani.

 Kuna mawazo yalinituma kuwa huenda nyumba yangu imeingiliwa na mashetani, lakini sina imani hiyo. Imani hiyo nilijengewa na watu, kuwa niwe makini , kwani madude haya yanaweza kuichezea nyumba, na hata kumtuma mwanafamilia akafanya asichokitaka. Sasa huenda kama imani hiyo ipo, yapo huko chumba cha mapumziko na wamemtuma mwenzao, mimi nitapambana nao mmoja baada ya mwingine. Nikajipa moyo huku woga unatanda mwilini pia!

Kile kivuli kikawa kinkuwa kikubwa, kwa jinsi kinavyosogea karibu na pale niliposimama, woga , hasira vikaniingia, na mwili wa hicho kivuli ukawa unakamilika kutimiza mwili mzima kwa taratibu, na kila dakika ya kukisubiri kitokee chote, ndivyo hasira zilivyozidi kunitanda na kutaka kumvamia huyo mtu kabla hajaingia chumbani kwetu.

Moyo ukanienda mbio, kwani taswira ile ya kivuli, ilikuwa ni ya mwanamke, na jinsi ilivyokuwa ikisogelea mlangoni, ndivyo ilivyojidhihiri kuwa ni kivuli cha mwanamke. Nikajiuliza anaweza akawa mke wangu, lakini mbona anakisu mkononi, au ni shemeji yangu. Nikawa na mashaka na dhana hiyo, kwasababu kama kuna mtu hapendi vitu vya hatari kama kisu , wembe au chochote kinachoweza kumtoa mtu damu ni mke wangu. Mke wangu hapendi damu, na hasa iitwe damu ya mtu. Yeye mwenyewe anajuta kwanini ni mwanamke kwani kwa asiliyao damu haikwepeki!

Huenda ni shemei yangu, ..hapana, ni shemeji kweli, nikajisemea moyoni, shemeji yangu kaingiwa naujasiri gani wa kushika kisu, kwani ni mwogo wa kupindukia, usiku hapendi kutoka nje mwenyewe. Labda ndio chui ndani ya ngozi ya kondoo. Kweli kikulacho kipo nguoni mwako, huyu anaweza akawa shemeji yangu. Nikakumbuka siku mdogo wangu alipoumizwa, asubuhi mtu wa kwanza kukutana naye alikuwa shemeji yangu.
 Nikasema huenda ninavyofikria sivyo, huyo anaweza akawa jambazi mwanamke anayetaka kuimaliza familia yangu. Labda keshammaliza mke wangu na anataka kunimaliza na mimi. Hapa kanoa, nimemuwahi.Ngoja nikapambane naye kiume.

Nikavuta hatua ya pole pole nikiwa tayari kwa mapambano, nikasikiwa watu wanaongea tena chumba cha mapumziko na sasa sauti ilikuwa wazi, wakiulizana, kitu. Nikasita kidogo, huku nikitega sikio vizuri. Na mara sura ikajitokeza, nikajiandaa kuvaana naye, lakini moyo ukanilipuka…

****
Oh jamani muda umekwisha mbona muda unaenda haraka hivyo, tuwepo baadaye, tuendelee na kisa hiki. Je huyu mwanamke ni jambazi au ni shemeji mtu? Na hawo waliopo chumba cha mapumziko ni akina nani, ni majambazi mwenza, au ni mashetani yanamchezea jamaa ndani ya nyumba yake mwenyewe!

Ni mimi: emu-three