usione vyaelea vimeundwa

 
 Kelele za kuzomea na mirunzi ilinifanya nigeuze shingo upande wa pili wa barabara na kujaribu kutafiti ni kitu gani kimewasisimua wakazi wa hapa Mombasa. Nilihisi mwizi au mtu kagongwa na gari, lakini haikuwa hivyo kwani makelele hayo yalikuwa mbali kidogo na barabarani. Nikaamua kusogea karibu ili nami kisinipite cha wapita njia, na mara macho yangu yakaelekea kule wengi walipoelekeza macho yao, Oh  nikabakia kuguna na kusema kimoyoni inawezekana kweli yale ni maumbile yake au kuna maigizo ndani yake.
 Mbele yetu alikuwa akipita dada mmoja mrembo, na kilichovutia wengie sio urembo wake, ni sio yale madaha yake ya kutembea kama warembo wanogombea urembo wa dunia, na sio mavazi yake ambayo sio tofauti na mavazi wanaovaa akina dada wengi siku hizi ya suruali za kubana, bali ni maumbile yake, ambayo licha kuwa kavaa suruali ya kubana lakini yalikuwa tofauti na akina dada wengine, yalizidi ukubwa na alikuwa akiyatingisha kimadaha.

 'Dawa za kichina hizo, humpati mtu hapa?' nikasiki kaka mmoja aliyekaa karibu yangu akisema kwa sauti
'Ina maana yale sio maumbile yake ya kawaida?' nikadadisi
'Wewe una maana huoni ukweli, ndio nyie mtakaoingizwa mjini na kumchukua mkidhani ni maumbile ya kawaida. Yule katumia dawa za kichina za kukuza makalio na mapaja. Wengi wana mjua yule dada tangu akiwa mdogo. Si mtoto wa mzee wa jirani yangu yule. Aliondoka hapa kwenda kusoma Ulaya aliporudi hatukuamini kuwa ndiye yuleyule mtoto mrembo tuliyemjua, kajazia kupita kiasi. Na kule sio kujazia, ni madawa, kwani kujazia kwa asili tunakujua sisi' akasema huyo jamaa
Mimi sikupenda kupingana naye au kukubaliana naye, huenda kweli katumia hayo madawa, au ni maumbile yake yamekuwa kutokana na mazoezi . Nikawa najiuliza kimoyoni ni kwanini watu wahamanike na mambo yasiyowahusu.
 'Kwani kuna ubaya gani mtu akiwa vile, je kwanini pia mtu atumie madawa hayo ili kukuza sehemu za mwili wake? Ninini tunataka au tunataka kumfurahisha au kumuonyesha nani' nikajiuliza maswali hayo kichwani na bahati nzuri nikasikia mwanamke mmoja akisema hivi;
'Sisi wanawake wakati mwingine tunazidisha manjonjo yetu, na ni wepesi sana kuiga mambao ambayo ukiangalia yanaweza kutuasiri afya zetu, na yote ni kwasababu ya kutokujiamini. Yule dada ni  mrembo hata kama asingeharibu mwili wake kiasi kile kama ni dawa au sijui kafanyaje mwili ukawa vile, bado ni mrembo na angeppata wanaume au mwanaume wa kumuuoa, sasa sijui ni nini anakitafuta zaidi. Ni urembo wa kujifurahisha au ni uhuni tu ili wanaume wakugombee, sijui lakini mimi naona anatuzalilisha wanawake na kwanini atembee vile kimbwebwe' akamaliza yule mwanamamama.
' Lakini swala la kuiga sio akina mama peke yao hata wanaume wanafanya hivyohivyo, angalaia yule kaka alivyovaa suruali yake ina maana hawezi kuipandisha juu mpaka aivalie katikakati ya makalio(hakutumia neno hilo)?' akasema yule dada.
 `Kuiga hakukatazwi ilimradi uige ukijue faida na hasara ya unachokiiga, kwasababu kwa mfano mimi nilisikia zamani kuwa waliokuwa wakivaa hereni kwa upande wa wanaume walikuwa wakijieleza kuwa wao ni nani katika jamii, kuwa ni mashoga. Sasa kwasababu waliokuwa wakivaa vile ni watu mashuhuri katika jamii watu wakaona kuwa ni sifa au fasheni kuvaa vile wakaiga na ikawa sio maana yake tena ile ya awali. Sasa tunapoiga ni vyema kwanza tukajua maana hasa ya kile tunachokiiga kwani vingine vina gharama sana kuvihudumia, unaweza ukaiga mwishowe huduma zake ukashindwa na matokeo yake ni kudhadhdlilika. kwani walisema wahenga usione vyaelea vimeundwa' akamalizia yule mama wa makamo.
 Je wenzangu mnasemaje kwa hili. Tunapovaa nguo za ajabuajabu tuntafauta nini, kupendwa kupendeza, au kujifurahisha.
Ni mimi:
emu-three